ഇക്കാലത്ത് സൈബറിടത്തിൽ ഒരു വീഡിയോ വൈറലാകുന്നത് അത്ര വലിയ സംഭവമൊന്നുമല്ല. എന്നാൽ ഈ കഴിഞ്ഞ ഓണക്കാലത്ത് സൈബറിടത്തെ പോലും അക്ഷരാര്ഥത്തിൽ ഞെട്ടിച്ച ഒരേയൊരു വീഡിയോയേ ഉള്ളൂ. അത് 'പൊളിച്ചടുക്കിയ ജിമിക്കിക്കമ്മൽ' ഡാൻസിന്റേതാണ്. ജിമ്മിക്കിക്കമ്മലിനൊപ്പം ആടുന്ന നൃത്തച്ചുവടുകൾക്കിടയിൽ സോഷ്യൽ മീഡിയയുടെ കണ്ണുടക്കിയത് ഷെറിൽ ജി കടവൻ എന്ന മിടുക്കിപ്പെണ്കുട്ടിയിലാണ്. ഇപ്പോൾ ആ പാട്ടുകേട്ടാൽ മനസിൽ ഓടിയെത്തുന്നത് ഷെറിലിന്റെ മുഖം തന്നെ, സംശയമില്ല. എന്നാൽ അപ്രതീക്ഷിതമായി തേടിയെത്തിയ 'താരപരിവേഷം' തെല്ലും ഏശാതെ തന്റെ ജോലിയിൽ മുഴുകുകയാണ് ഷെറിൽ.
മോഹൻലാലിനെ നായകനാക്കി ലാൽജോസ് ഒരുക്കിയ 'വെളിപാടിന്റെ പുസ്തകം' എന്ന ചിത്രത്തിലെ 'ജിമ്മിക്കിക്കമ്മൽ' ഗാനത്തിന്റെ വീഡിയോയേക്കാളേറെ കാഴ്ചക്കാരുള്ളത് ഇന്ത്യൻ സ്കൂൾ ഓഫ് കൊമേഴ്സിലെ വിദ്യാര്ഥികളും അധ്യാപകരും അണിയിച്ചൊരുക്കിയ ഡാൻസ് വീഡിയോയ്ക്കാണ്. പതിനഞ്ച് കോടിയിലേറെ കാഴ്ച്ചക്കാരെയാണ് ലോകമെമ്പാടുമായി ഈ വീഡിയോ ഇതുവരെ നേടിയത്. ഒറ്റരാത്രികൊണ്ട് 'താരപരിവേഷം' വണ്ടിപിടിച്ചെത്തി ചൂടിച്ച കിരീടത്തിന്റെ 'തലക്കനം' ഒട്ടുമില്ലാതെ 'സെലിബ്രിറ്റി ഡാൻസര്' ഷെറിൽ ജി കടവൻ 'സമയം മലയാള'ത്തിനോട് മനസ് തുറക്കുന്നു.
എല്ലാം 'അപ്രതീക്ഷിതം'
ഒരുപാട് സന്തോഷമുണ്ട്. ഒട്ടും പ്രതീക്ഷിക്കാതെയാണ് ഇത്രത്തോളം വലിയ ഒരു സ്വീകാര്യത കിട്ടുന്നത്. ഞങ്ങൾ സ്റ്റാഫിന്റെ ഭാഗത്തു നിന്ന് ഓണാഘോഷപ്പരിപാടിയിൽ ഇന്ത്യൻ സ്കൂൾ ഓഫ് കൊമേഴ്സിലുള്ളവരെ എന്റര്ടെയ്ൻ ചെയ്യാനായി ചെയ്ത പരിപാടിയാണ്. ചിത്രത്തിന്റെ അണിയറപ്രവര്ത്തകരുടെ 'ജിമ്മിക്കിക്കമ്മൽ ചാലഞ്ചി'ന്റെ പരസ്യം കണ്ടതു കൊണ്ട് വെറുതെ യൂട്യൂബിൽ പോസ്റ്റ് ചെയ്തു. അതിത്രത്തോളം പേര്ക്കിഷ്ടപ്പെടുമെന്നൊന്നും കരുതിയിരുന്നേയില്ല. അതുകൊണ്ടൊക്കെ വളരെ എക്സൈറ്റഡാണ്.
ആരാധകര്
ഒരുപാട് പേരൊക്കെ വിളിക്കാറുണ്ട്. എങ്ങനെയാണെന്റെ നമ്പര് കിട്ടിയതൊന്നും അറിയില്ല. കുറെ അഭിനന്ദനങ്ങളൊക്കെ കിട്ടാറുണ്ട്. പക്ഷേ ഇതുവരെ അതൊരു ബുദ്ധിമുട്ടായിട്ടൊന്നും തോന്നിയിട്ടില്ല. കോളേജുകളിൽ നിന്നും വിളികളൊക്കെ വരുന്നുണ്ട്. ശനിയാഴ്ച ജെഎസ്ഡബ്ല്യുവിന്റെ അവാര്ഡ് നൈറ്റുണ്ട്. അതിൽ ഡാൻസിനായി എന്നെയും അന്നയെയും വിളിച്ചിട്ടുണ്ട്.
ഷെറിലിന്റെ ജിമ്മിക്കിച്ചുവടുകൾ...
ഞാനും സുഹൃത്ത് അന്ന ജോര്ജ്ജും ചേര്ന്നാണ് ഡാൻസിന് സ്റ്റെപ്പുകളിട്ടത്. ഓണാഘോഷത്തിന് വ്യത്യസ്തമായി എന്ത് ചെയ്യാമെന്ന ക്രിയേറ്റിവ് ഹെഡ് മിഥുന് മഞ്ഞാളിയാണ് ഈ ഡാൻസിന്റെ ഐഡിയ തന്നത്. ഉടൻ അന്നയുമായി എല്ലാവര്ക്കും കളിക്കാവുന്ന കുഞ്ഞു സ്റ്റെപ്പുകളിട്ടു. അതിനുശേഷം മറ്റുള്ള അധ്യാപകരെയും കുട്ടികളെയും പഠിപ്പിക്കുകയായിരുന്നു.
ഓണാഘോഷത്തിന്റെ അന്ന് രാവിലെ വെറും രണ്ട് മണിക്കൂറാണ് ഞങ്ങൾ പ്രാക്ടീസ് ചെയ്തത്. ഞങ്ങളുടെ ആൾക്കാർ മാത്രമല്ലേ കാണാനുള്ളൂ എന്ന ധൈര്യത്തിലാണ് കളിച്ചത്. പ്രാക്ടീസ് ചെയ്യുന്നതിന്റെ ഒരു വീഡിയോയും യഥാര്ഥത്തിൽ കളിച്ചതിന്റെ വീഡിയോയും കൂടി പോസ്റ്റ് ചെയ്യുകയായിരുന്നു. അതിത്ര വലിയ സംഭവമാകുമെന്നൊന്നും സ്വപ്നത്തിൽ പോലും വിചാരിച്ചില്ല. വലിയ സന്തോഷമാണ്. അതെങ്ങനെ എക്സ്പ്ലെയ്ൻ ചെയ്യണമെന്ന് പോലും അറിയില്ല.
ഇളയദളപതിക്കൊപ്പം...?
അതിന്റെ സത്യാവസ്ഥ എന്താണെന്ന് വച്ചാൽ തമിഴ് സംവിധായകൻ രവികുമാര്സാറിന്റെ ഓഫീസിൽ നിന്ന് ഇന്ത്യൻ സ്കൂൾ ഓഫ് കൊമേഴ്സിന്റെ ഓഫീസിലേക്ക് വിളി വന്നു. എനിക്കല്ല കോൾ വന്നത്. അടുത്ത ചിത്രത്തിൽ അഭിനയിക്കാൻ താത്പര്യമുണ്ടോ എന്ന് ചോദിച്ചിരുന്നു. എന്നാൽ അത് വിജയ്യുടെ ചിത്രമാണോ എന്ന് അറിയില്ല. നായികയായിട്ടാണോ എന്നൊന്നും അറിയില്ല. കോൾ വന്നു എന്നുള്ളത് സത്യം തന്നെയാണ്. ആ സമയത്ത് ഞാൻ ക്ലാസിൽ പഠിപ്പിക്കുകയായിരുന്നു.
വാർത്തകളോട്...
അധ്യാപനം തന്നെ പ്രൊഫഷനാക്കി ഇങ്ങനെ സാധാരണക്കാരിയായി ജീവിക്കാനാണ് ഇഷ്ടം. സിനിമാമേഖലയിലേക്ക് പോകാൻ ഇപ്പോൾ താത്പര്യമില്ല. എന്ന് വെച്ച് ഇത്രവലിയ സംവിധായകന്റെ ഓഫര് നിരസിച്ചെന്നൊന്നുമല്ല. അങ്ങനെ പറഞ്ഞാൽ അത് അഹങ്കാരമായി പോവില്ലേ. അധ്യാപനമെന്ന പ്രൊഫഷനുമായി മുന്നോട്ടുപോകാനാണ് ഇപ്പോൾ തീരുമാനിച്ചിരിക്കുന്നത്.
ക്യാമ്പസിലെ താരം?
അറിയാവുന്നവരെല്ലാം വന്ന് അഭിനന്ദിക്കാറുണ്ട്. മറ്റുപലര്ക്കും അത് ഞാനായിരുന്നു എന്ന് പോലും അറിയില്ല. സംഭവം കൈവിട്ട് പോയപ്പോൾ എന്നെ പോലെ തന്നെ എന്നെ അറിയാവുന്നവരും ആകെ എക്സൈറ്റഡായിരുന്നു.
കലാരംഗത്ത് സജീവം
ചെറുപ്പത്തിൽ ഡാൻസ് പഠിച്ചിരുന്നു. സ്കൂൾ സമയത്തും പരിപാടികളിലൊക്കെ പങ്കെടുത്തിരുന്നു. ഡിഗ്രിയും പിജിയും ചെയ്തത് സെന്റ് തെരേസാസ് കോളേജിലായിരുന്നു. പോസ്റ്റ് ഗ്രാജ്വേഷൻ സമയത്താണ് ഡാൻസ് പരിപാടികളിലൊക്കെ സജീവമായത്. പിന്നെ ഫാമിലി ഭയങ്കര ആക്ടീവാണ്. എപ്പോഴും ഓരോരോ പരിപാടികളുണ്ടാകാറുണ്ട്. അങ്ങനെ അവിടെയും ഞാൻ തട്ടകമാക്കാറുണ്ട്. കുടുംബാംഗങ്ങളും ഇത്തരം വിഷയങ്ങളിൽ വളരെ ആക്ടീവാണ്. അതൊക്കെ രക്തത്തിലുണ്ടെന്ന് തോന്നുന്നു.
ചേര്ത്തല പള്ളിപ്പുറം സ്വദേശിയായ ഷെറിൽ, ജോര്ജ് കടവന്റെയും ടെസി ജോര്ജിന്റെയും മകളാണ്. സഹോദരന് ജെറില് ജി കടവന് കാനഡയിലാണ്.
More interested into Teaching: Viral Video Star Jimikki Kammal Sheril
Viral Video Star Jimikki Kammal Sheril says that more interested in to Teaching
മോഹൻലാലിനെ നായകനാക്കി ലാൽജോസ് ഒരുക്കിയ 'വെളിപാടിന്റെ പുസ്തകം' എന്ന ചിത്രത്തിലെ 'ജിമ്മിക്കിക്കമ്മൽ' ഗാനത്തിന്റെ വീഡിയോയേക്കാളേറെ കാഴ്ചക്കാരുള്ളത് ഇന്ത്യൻ സ്കൂൾ ഓഫ് കൊമേഴ്സിലെ വിദ്യാര്ഥികളും അധ്യാപകരും അണിയിച്ചൊരുക്കിയ ഡാൻസ് വീഡിയോയ്ക്കാണ്. പതിനഞ്ച് കോടിയിലേറെ കാഴ്ച്ചക്കാരെയാണ് ലോകമെമ്പാടുമായി ഈ വീഡിയോ ഇതുവരെ നേടിയത്. ഒറ്റരാത്രികൊണ്ട് 'താരപരിവേഷം' വണ്ടിപിടിച്ചെത്തി ചൂടിച്ച കിരീടത്തിന്റെ 'തലക്കനം' ഒട്ടുമില്ലാതെ 'സെലിബ്രിറ്റി ഡാൻസര്' ഷെറിൽ ജി കടവൻ 'സമയം മലയാള'ത്തിനോട് മനസ് തുറക്കുന്നു.
എല്ലാം 'അപ്രതീക്ഷിതം'
ഒരുപാട് സന്തോഷമുണ്ട്. ഒട്ടും പ്രതീക്ഷിക്കാതെയാണ് ഇത്രത്തോളം വലിയ ഒരു സ്വീകാര്യത കിട്ടുന്നത്. ഞങ്ങൾ സ്റ്റാഫിന്റെ ഭാഗത്തു നിന്ന് ഓണാഘോഷപ്പരിപാടിയിൽ ഇന്ത്യൻ സ്കൂൾ ഓഫ് കൊമേഴ്സിലുള്ളവരെ എന്റര്ടെയ്ൻ ചെയ്യാനായി ചെയ്ത പരിപാടിയാണ്. ചിത്രത്തിന്റെ അണിയറപ്രവര്ത്തകരുടെ 'ജിമ്മിക്കിക്കമ്മൽ ചാലഞ്ചി'ന്റെ പരസ്യം കണ്ടതു കൊണ്ട് വെറുതെ യൂട്യൂബിൽ പോസ്റ്റ് ചെയ്തു. അതിത്രത്തോളം പേര്ക്കിഷ്ടപ്പെടുമെന്നൊന്നും കരുതിയിരുന്നേയില്ല. അതുകൊണ്ടൊക്കെ വളരെ എക്സൈറ്റഡാണ്.
ആരാധകര്
ഒരുപാട് പേരൊക്കെ വിളിക്കാറുണ്ട്. എങ്ങനെയാണെന്റെ നമ്പര് കിട്ടിയതൊന്നും അറിയില്ല. കുറെ അഭിനന്ദനങ്ങളൊക്കെ കിട്ടാറുണ്ട്. പക്ഷേ ഇതുവരെ അതൊരു ബുദ്ധിമുട്ടായിട്ടൊന്നും തോന്നിയിട്ടില്ല. കോളേജുകളിൽ നിന്നും വിളികളൊക്കെ വരുന്നുണ്ട്. ശനിയാഴ്ച ജെഎസ്ഡബ്ല്യുവിന്റെ അവാര്ഡ് നൈറ്റുണ്ട്. അതിൽ ഡാൻസിനായി എന്നെയും അന്നയെയും വിളിച്ചിട്ടുണ്ട്.
ഷെറിലിന്റെ ജിമ്മിക്കിച്ചുവടുകൾ...
ഞാനും സുഹൃത്ത് അന്ന ജോര്ജ്ജും ചേര്ന്നാണ് ഡാൻസിന് സ്റ്റെപ്പുകളിട്ടത്. ഓണാഘോഷത്തിന് വ്യത്യസ്തമായി എന്ത് ചെയ്യാമെന്ന ക്രിയേറ്റിവ് ഹെഡ് മിഥുന് മഞ്ഞാളിയാണ് ഈ ഡാൻസിന്റെ ഐഡിയ തന്നത്. ഉടൻ അന്നയുമായി എല്ലാവര്ക്കും കളിക്കാവുന്ന കുഞ്ഞു സ്റ്റെപ്പുകളിട്ടു. അതിനുശേഷം മറ്റുള്ള അധ്യാപകരെയും കുട്ടികളെയും പഠിപ്പിക്കുകയായിരുന്നു.
ഓണാഘോഷത്തിന്റെ അന്ന് രാവിലെ വെറും രണ്ട് മണിക്കൂറാണ് ഞങ്ങൾ പ്രാക്ടീസ് ചെയ്തത്. ഞങ്ങളുടെ ആൾക്കാർ മാത്രമല്ലേ കാണാനുള്ളൂ എന്ന ധൈര്യത്തിലാണ് കളിച്ചത്. പ്രാക്ടീസ് ചെയ്യുന്നതിന്റെ ഒരു വീഡിയോയും യഥാര്ഥത്തിൽ കളിച്ചതിന്റെ വീഡിയോയും കൂടി പോസ്റ്റ് ചെയ്യുകയായിരുന്നു. അതിത്ര വലിയ സംഭവമാകുമെന്നൊന്നും സ്വപ്നത്തിൽ പോലും വിചാരിച്ചില്ല. വലിയ സന്തോഷമാണ്. അതെങ്ങനെ എക്സ്പ്ലെയ്ൻ ചെയ്യണമെന്ന് പോലും അറിയില്ല.
ഇളയദളപതിക്കൊപ്പം...?
അതിന്റെ സത്യാവസ്ഥ എന്താണെന്ന് വച്ചാൽ തമിഴ് സംവിധായകൻ രവികുമാര്സാറിന്റെ ഓഫീസിൽ നിന്ന് ഇന്ത്യൻ സ്കൂൾ ഓഫ് കൊമേഴ്സിന്റെ ഓഫീസിലേക്ക് വിളി വന്നു. എനിക്കല്ല കോൾ വന്നത്. അടുത്ത ചിത്രത്തിൽ അഭിനയിക്കാൻ താത്പര്യമുണ്ടോ എന്ന് ചോദിച്ചിരുന്നു. എന്നാൽ അത് വിജയ്യുടെ ചിത്രമാണോ എന്ന് അറിയില്ല. നായികയായിട്ടാണോ എന്നൊന്നും അറിയില്ല. കോൾ വന്നു എന്നുള്ളത് സത്യം തന്നെയാണ്. ആ സമയത്ത് ഞാൻ ക്ലാസിൽ പഠിപ്പിക്കുകയായിരുന്നു.
വാർത്തകളോട്...
അധ്യാപനം തന്നെ പ്രൊഫഷനാക്കി ഇങ്ങനെ സാധാരണക്കാരിയായി ജീവിക്കാനാണ് ഇഷ്ടം. സിനിമാമേഖലയിലേക്ക് പോകാൻ ഇപ്പോൾ താത്പര്യമില്ല. എന്ന് വെച്ച് ഇത്രവലിയ സംവിധായകന്റെ ഓഫര് നിരസിച്ചെന്നൊന്നുമല്ല. അങ്ങനെ പറഞ്ഞാൽ അത് അഹങ്കാരമായി പോവില്ലേ. അധ്യാപനമെന്ന പ്രൊഫഷനുമായി മുന്നോട്ടുപോകാനാണ് ഇപ്പോൾ തീരുമാനിച്ചിരിക്കുന്നത്.
ക്യാമ്പസിലെ താരം?
അറിയാവുന്നവരെല്ലാം വന്ന് അഭിനന്ദിക്കാറുണ്ട്. മറ്റുപലര്ക്കും അത് ഞാനായിരുന്നു എന്ന് പോലും അറിയില്ല. സംഭവം കൈവിട്ട് പോയപ്പോൾ എന്നെ പോലെ തന്നെ എന്നെ അറിയാവുന്നവരും ആകെ എക്സൈറ്റഡായിരുന്നു.
കലാരംഗത്ത് സജീവം
ചെറുപ്പത്തിൽ ഡാൻസ് പഠിച്ചിരുന്നു. സ്കൂൾ സമയത്തും പരിപാടികളിലൊക്കെ പങ്കെടുത്തിരുന്നു. ഡിഗ്രിയും പിജിയും ചെയ്തത് സെന്റ് തെരേസാസ് കോളേജിലായിരുന്നു. പോസ്റ്റ് ഗ്രാജ്വേഷൻ സമയത്താണ് ഡാൻസ് പരിപാടികളിലൊക്കെ സജീവമായത്. പിന്നെ ഫാമിലി ഭയങ്കര ആക്ടീവാണ്. എപ്പോഴും ഓരോരോ പരിപാടികളുണ്ടാകാറുണ്ട്. അങ്ങനെ അവിടെയും ഞാൻ തട്ടകമാക്കാറുണ്ട്. കുടുംബാംഗങ്ങളും ഇത്തരം വിഷയങ്ങളിൽ വളരെ ആക്ടീവാണ്. അതൊക്കെ രക്തത്തിലുണ്ടെന്ന് തോന്നുന്നു.
ചേര്ത്തല പള്ളിപ്പുറം സ്വദേശിയായ ഷെറിൽ, ജോര്ജ് കടവന്റെയും ടെസി ജോര്ജിന്റെയും മകളാണ്. സഹോദരന് ജെറില് ജി കടവന് കാനഡയിലാണ്.
More interested into Teaching: Viral Video Star Jimikki Kammal Sheril
Viral Video Star Jimikki Kammal Sheril says that more interested in to Teaching