ജൂനിയർ എൻടിആറിന് രാജമൗലിയുടെ പിറന്നാൾ സമ്മാനം; കൈയ്യടിച്ച് ആരാധകരും!

തെലുങ്ക് സൂപ്പർ സ്റ്റാർ ജൂനിയർ എൻടിആറിന് പിറന്നാളാശംസ കുറിച്ച് സംവിധായകൻ രാജമൌലിയും സംഘവും. ആർആർആർ ടീമിൻ്റെ പിറന്നാൾ സമ്മാനം ഇപ്പോൾ സോഷ്യൽ മീഡിയയിൽ വൈറലാകുകയാണ്. ബാഹുബലി എന്ന ബ്രഹ്മാണ്ഡ ചിത്രത്തിന് ശേഷം രാജമൗലി സംവിധാനം ചെയ്യുന്ന ബ്രഹ്മാണ്ഡ ചിത്രത്തിൽ ജൂനിയർ എൻടിആറാണ് ഒരു മുഖ്യ കഥാപാത്രത്തെ അവതരിപ്പിക്കുന്നത്. 'ആര്‍ആര്‍ആര്‍' എന്ന് പേരിട്ടിരിക്കുന്ന ചിത്രത്തിന്റെ പൂർണ രൂപം 'രുധിരം രണം രൗദ്രം' എന്നാണ്.

Also Read: വിജയ് യേശുദാസ് നായകനാകുന്ന ബഹുഭാഷാ 3D ചിത്രം!

മുൻപ് ചിത്രത്തിലെ മറ്റൊരു താരമായ രാംചരണിൻ്റെ പിറന്നാൾ ദിനത്തിൽ രാജമൌലി ചിത്രത്തിൻ്റെ പുതിയ ടീസർ പുറത്ത് വിട്ടിരുന്നു. രാം ചരൺ അവതരിപ്പിക്കുന്ന കഥാപാത്രത്തെ ആരാധകർക്ക് പരിചയപ്പെടുത്തുന്ന തരത്തിലുള്ള ടീസറായിരുന്നു അത്. അത്തരത്തിലൊന്ന് ഇന്നും പുറത്ത് വിടുമോ എന്ന ആകാംക്ഷയിലാണ് ജൂനിയർ എൻടിആറിൻ്റെ ആരാധകർ. ഇപ്പോൾ ആർആർആർ സിനിമയുടെ ഓഫീഷ്യൽ ട്വിറ്റർ ഹാൻഡിലിലൂടെ ഞങ്ങളുടെ കോമരം ഭീമിന് ആശംസകൾ എന്ന ആശംസയാണ് പങ്കുവെച്ചിരിക്കുന്നത്. താങ്കളുടെ ഓൺ സ്ക്രീനിലും ഓഫ് സ്ക്രീനിലുമുള്ള എനർജിയാണ് ടീമിനെ ഉഷാറാക്കി നിർത്തുന്നതെന്നും അണിയറപ്രവർത്തകർ ആശംസയ്ക്കൊപ്പം കുറിച്ചിരിക്കുന്നു.

Also Read: ആരാധകരുടെ പ്രതീക്ഷ തെറ്റിച്ച് മാസ്റ്റർ ഓടിടി റിലീസിനോ?

എൻടിആറുമായി ചേർന്ന് ഞങ്ങളൊരുക്കിയ സംഗതി പുറത്ത് വിടാനായി ഇനിയും ഞങ്ങൾക്ക് കാത്തിരിക്കാൻ വയ്യ എന്നും കുറിച്ചിരിക്കുന്നു. അത് തരംഗം സൃഷ്ടിക്കുമെന്നും അണിയറക്കാർ പറയുന്നു. 300 കോടി ബജറ്റില്‍ ഒരുങ്ങുന്ന ചിത്രം പറയുന്നത് ഒരു ചരിത്ര കഥയാണ്. 1920കളിലെ സ്വാതന്ത്യ സമരസേനാനികളായ അല്ലൂരി സീതാരാമ രാജു, കോമരം ഭീം എന്നീവരുടെ കഥയാണ് ഈ ചിത്രം പറയുന്നത്. സ്വാതന്ത്ര്യത്തിന് മുമ്പ് തെലങ്കാനയിലെ ആദിവാസി പോരാട്ടങ്ങള്‍ക്ക് നേതൃത്വം കൊടുത്ത സമര നേതാക്കളാണ് ഇവർ. രാം ചരൺ ചിത്രത്തിൽ അല്ലൂരി സാതാരാമ രാജു ആയി എത്തുമ്പോൾ ജൂനിയർ എൻടിആറാണ് വെള്ളിത്തിരയിൽ കോമരം ഭീം ആയി പ്രത്യക്ഷപ്പെടുന്നത്.

Also Read: മുഖമറയുടെ കാണാതലങ്ങള്‍; 'നിഖാബ്' ഹ്രസ്വചിത്രവുമായി 'കപ്പേള' സംവിധായകൻ

ചിത്രത്തിൽ മുഖ്യ കഥാപാത്രങ്ങളായി ബോളിവുഡ് താരങ്ങളായ ആലിയ ഭട്ട്, അജയ് ദേവ്ഗൺ എന്നിവരും പ്രത്യക്ഷപ്പെടുന്നുണ്ട് എന്നതാണ് മറ്റൊരു സവിശേഷത. ബ്രിട്ടീഷ് നടി ഡെയ്‌സി എഡ്ജര്‍ ജോണ്‍സാണ് ചിത്രത്തിൽ മറ്റൊരു സുപ്രധാന കഥാപാത്രത്തെ അവതരിപ്പിക്കുന്നത്. തമിഴ് നടന്‍ സമുദ്രക്കനിയും ചിത്രത്തിൽ എത്തുന്നതായു സംവിധായകൻ രാജമൌലി മുൻപ് വ്യക്തമാക്കിയിരുന്നു.

Also Read: 'എന്റെ ചുരുണ്ട മുടിയുടെ രഹസ്യം'; വീട്ടിലിരുന്ന് 'ടെെം ട്രാവല്‍' നടത്തി റിമ