കാവ്യ മാധവനെ ഞാൻ കെട്ടണം, അത് അവർക്ക് ലാഭം; രണ്ടാം വിവാഹത്തിന് തയ്യാറെടുത്ത നടൻ ടി പി മാധവന്റെ രസകരമായ കഥ

നടൻ സോമനെ കുറിച്ച് സംസാരിച്ചു വരികവേയാണ് ടി പി മാധവ നെ താൻ ഒരിക്കൽ പറ്റിച്ച കഥയെക്കുറിച്ചു മുകേഷ് പറയുന്നത്. കുട്ടിത്തം മാറാത്ത നിഷ്‌കളങ്കരായ മാധവനെയും സോമനെയും പോലെയുള്ള ആളുകളെ കുറിച്ചാണ് അദ്ദേഹം സംസാരിച്ചത്. ഒരിക്കൽ ടിപി മാധവൻ ചീത്ത വിളിച്ച ഒരു സംഭവംഉണ്ടയി . അന്ന് അദ്ദേഹം കല്യാണം കഴിച്ചു ഒരു മകനൊക്കെ ഉണ്ട്. എന്നാൽ അദ്ദേഹം വര്ഷങ്ങളായി ഒറ്റയ്ക്ക് ആണ് ജീവിച്ചു പോരുന്നത്.

എറണാകുളത്തൊരു ക്ലബ്ബ് ഉണ്ട് ലോട്ടസ് ക്ലബ്ബ്. അവിടെ മെമ്പറും കാര്യങ്ങളും ഒക്കെയാണ്. അതിന്റെ അടുത്ത് ഒരു ഫ്ലാറ്റിൽ ആണ് അദ്ദേഹം താമസിക്കുന്നത്. സിനിമയിൽ അഭിനയിക്കാൻ വരും. വീണ്ടും എറണാകുളത്തു പോകും അങ്ങനെയാണ്. ഒരു ദിവസം ഞങ്ങൾ അദ്ദേഹത്തോട് രണ്ടാം വിവാഹത്തെ കുറിച്ച് സംസാരിച്ചു. ഇനി ചേട്ടൻ പ്രായം ഒക്കെ ആയി വരികയാണ് ഒരു കൂട്ട് വേണം. എന്നൊക്കെ പറയും. എന്നാൽ അത് ശരിയാകില്ല. ടിപി മാധവനെ എന്താ കല്യാണം കഴിക്കാൻ ആളുകൾ q നിൽക്കുകയല്ലേ എന്നാണ് അദ്ദേഹം പറഞ്ഞത്.

ഞാൻ അത് പറയാനാണ് വന്നതെന്ന് ഞാനും പറ‍ഞ്ഞു. ചേട്ടന് ഒരു നല്ല ആലോചന വന്നിട്ടുണ്ട്. ഈ നല്ല ആലോചന എന്ന് പറയാൻ കാരണം ഈ കല്യാണം നടന്നാൽ പെൺകുട്ടിക്കാണ് ലാഭം. എന്നാൽ ചേട്ടന് കൺഫ്യൂഷൻ ആയി എന്നെ കല്യാണം കഴിച്ചാൽ ലോകത്ത് ഏതെങ്കിലും പെൺകുട്ടിക്ക് ലാഭം വരുമോ എന്ന് ചോദിച്ചു. ഏതെങ്കിലും പെൺകുട്ടി അല്ല വളരെ പ്രൊമിനന്റ് ആയ ചെറുപ്പക്കാരി ആയ സുന്ദരി ആയ പെൺകുട്ടി ആണെന്ന് ഞാൻ പറഞ്ഞു. പക്ഷെ ഈ വിവാഹം നടന്നാൽ അവർക്കാണ് ലാഭം. അത് കൊണ്ട് വീട്ടുകാർ കല്യാണം ആലോചിക്കാൻ എന്നെ ഏൽപ്പിച്ചതാണെന്ന് പറഞ്ഞു.

ഒരു കാര്യവും ഇല്ലാതെ പുള്ളിയുടെ മുഖത്ത് നാണവും ചെറിയ പ്രതീക്ഷയും ഞാൻ കണ്ടു. പെൺകുട്ടിയുടെ പേര് കേട്ടാൽ ഞെട്ടരുത് ഹീറോയിനായിട്ട് അഭിനയിക്കുന്ന നടി ആണ്, കാവ്യ മാധവൻ ആണെന്ന് പറഞ്ഞു. എന്റെ കെെയിൽ നിന്ന് നീ മേടുക്കും. കാവ്യ മാധവനെ ഞാൻ കെട്ടിയാൽ അവർ‌ക്ക് ലാഭമോ, നീ എന്തൊക്കെയാണ് പറയുന്നത്.

നീ കല്യാണക്കാര്യം വിട് അത് നിന്റെ കോമഡി, അവർക്കുള്ള ലാഭം എന്താണെന്ന് ചോദിച്ചു. വേറെ ഒരാളെ കല്യാണം കഴിച്ചാൽ കാവ്യ മാധവന് സർട്ടിഫിക്കറ്റിൽ പേര് മാറ്റണം ഇതിപ്പോൾ ചേട്ടനെ കെട്ടിക്കഴിഞ്ഞാൽ മുമ്പും കാവ്യ മാധവൻ ശേഷവും കാവ്യ മാധവൻ അപ്പോൾ അവർക്കല്ലേ ലാഭം എന്ന് ഞാൻ പറഞ്ഞു. അവിടെ ഇരുന്ന് ഒരു പുസ്തകം എടുത്ത് എന്നെ അടിച്ച അദ്ദേഹം എന്നെ ഭയങ്കരമായി മൂന്ന് നാല് ചീത്തയും വിളിച്ചു. മുകേഷ് പറഞ്ഞു നിർത്തി.