മുഖ്യധാരയില്‍ നിന്നും പാടെ അപ്രത്യക്ഷനായ ഗായകന്‍, തിരികെ എത്തിക്കണമെന്ന് തോന്നി; സന്നിധാനന്ദനെ കുറിച്ച് ഗോപി സുന്ദര്‍

മലയാളികള്‍ ഒരിക്കലും മറക്കാത്ത പേരുകളിലൊന്നാണ് സന്നിധാനന്ദന്‍ എന്നത്. ഐഡിയ സ്റ്റാര്‍ സിംഗര്‍ എന്ന റിയാലിറ്റി ഷോയിലൂടെ കടന്നു വന്ന സന്നിധാനന്ദന്റെ പ്രശസ്തി വാക്കുകളാണ് വിവരിക്കാന്‍ സാധിക്കാത്തതായിരുന്നു. എന്നാല്‍ പിന്നിടെപ്പോഴെ സന്നി പതിയെ മുഖ്യാധരയില്‍ നിന്നും അപ്രതക്ഷ്യനായി. ഇപ്പോഴിതാ സന്നി വീണ്ടും മലയാളികളുടെ മുന്നിലേക്ക് എത്തിയിരിക്കുകയാണ്. ഗോപി സുന്ദറിന്റെ ഗോപിസുന്ദര്‍ മ്യൂസിക് കമ്പനിയുടെ പുതിയ സംഗീത വീഡിയോയിലൂടെ.

നേരത്തെ ഇമ്രാന്‍ ഖാന്‍ എന്ന ജനപ്രീയ ഗായകനെ തേടിപ്പിടിച്ച് പാടിച്ച് ഗോപി കെെയ്യടി നേടിയിരുന്നു. പിന്നാലെ ഇമ്രാനെ തേടി ധാരാളം അവസരങ്ങളുമെത്തി. ഇതിന് പിന്നാലെയാണ് സന്നിധാനന്ദനെ തേടി ഗോപി സുന്ദറെത്തുന്നത്. ഇപ്പോഴിതാ തന്റെ മ്യൂസിക് കമ്പനിയെ കുറിച്ചും സന്നിധാനന്ദനെ വീണ്ടും കണ്ടെത്തിയതിനെ കുറിച്ചുമെല്ലാം ഗോപിസുന്ദര്‍ മനസ് തുറക്കുകയാണ്. മനോരമ ഓണ്‍ലെെനിന് നല്‍കിയ അഭിമുഖത്തിലായിരുന്നു ഗോപി സുന്ദര്‍ മനസ് തുറന്നത്.

Also Read: പുത്തൻ ചിത്രവുമായി അനു; കമൻ്റ് ബോക്സിൽ 'സൈബർ പൊന്നാങ്ങള'മാർക്ക് പഞ്ഞമില്ല!

‘'ശ്രദ്ധിക്കപ്പെടാതെ പോയ ഗായകരെ മുന്നോട്ടു കൊണ്ടുവരിക എന്ന ലക്ഷ്യത്തോടെയാണ് ‘ഗോപിസുന്ദർ മ്യൂസിക് കമ്പനി’ ആരംഭിച്ചിരിക്കുന്നത്. റിയാലിറ്റി ഷോയിലൂടെ ശ്രദ്ധേയനായ, എന്നാൽ ഇപ്പോൾ ഓട്ടോറിക്ഷ ഓടിച്ചു ജീവിതം നയിക്കുന്ന ഗായകൻ ഇമ്രാൻ ഖാനെ കണ്ടെത്തി ഒരു പാട്ട് പാടിപ്പിച്ചു. ഒക്ടോബറിൽ ആണ് അത് പുറത്തിറക്കിയത്''. ഗോപി സുന്ദര്‍ പറയുന്നു. ഇമ്രാൻ ഖാന്റെ പാട്ട് പുറത്തിറങ്ങിയതിനു ശേഷം ഒരുപാട് പേർ അടുത്ത പാട്ടിനായി മുന്നോട്ട വച്ച പേരുകളില്‍ ഒന്നാണ് സന്നിധാനന്ദന്റേത്. അദ്ദേഹത്തെക്കൊണ്ട് ഒരു പാട്ട് പാടിപ്പിക്കണമെന്നു പലരും അഭിപ്രായപ്പെട്ടുവെന്നും അദ്ദേഹം പറയുന്നു.

ഒരു സമയത്ത് കടന്നു വരികയും എന്നാൽ കുറച്ചു കഴിഞ്ഞപ്പോൾ മുഖ്യധാരയിൽ നിന്നും പാടേ അപ്രത്യക്ഷനാവുകയും ചെയ്ത ഗായകനാണ് സന്നിധാനന്ദൻ. അദ്ദേഹത്തെ മുൻനിരയിലേയ്ക്ക് എത്തിക്കണമെന്ന് എനിക്കും തോന്നി. അങ്ങനെയാണ് ഈ അയ്യപ്പഭക്തിഗാനം അദ്ദേഹത്തെക്കൊണ്ടു തന്നെ പാടിപ്പിക്കാമെന്നു തീരുമാനിച്ചത്. ഗോപി സുന്ദര്‍ വ്യക്തമാക്കി.

Also Read: കിടിലൻ ലുക്കിൽ നയൻസിൻ്റെ ഞെട്ടിക്കൽ; വൈറലായി പുതുപുത്തൻ ക്ലിക്ക്സ്!; 'നിഴലി'ന് പാക്കപ്പ്!

യഥാർഥത്തിൽ സന്നിധാനന്ദന്റെ കഥയാണ് ഇതിൽ പറഞ്ഞിരിക്കുന്നത്. ഓരോ ഭക്തനും അയ്യപ്പനാണ് എന്ന ആശയമാണ് പാട്ടിലൂടെ പറഞ്ഞുവയ്ക്കുന്നതെന്നും അദ്ദേഹം പറയുന്നു. തെളിഞ്ഞു നിൽക്കുന്നവരെ വീണ്ടും തെളിയിച്ചു മാർക്കറ്റിങ് നടത്തുന്ന ഒരു ലോകത്തിനു മുന്നിൽ ഇത്തരത്തിൽ ആരും കാണാതെ പോയ, എന്നാൽ വളരാന്‍ ആഗ്രഹമുള്ള, മുഖ്യധാരയിലെത്താൻ എല്ലാ കഴിവും അർഹതയുമുള്ള കലാകാരന്മാരെ വളർത്തുകയും പ്രോത്സാഹിപ്പിക്കുകയും ചെയ്യുകയാണ് ലക്ഷ്യമെന്നും ഗോപി സുന്ദര്‍ പറയുന്നു.