രഞ്ജിൻ രാജ് ഇന്ന് മലയാളിക്ക് അന്യനല്ല. ജോസഫ് എന്ന ചിത്രത്തിൻറെ സംഗീത സംവിധായകനാണ് രഞ്ജിൻ. "പൂമുത്തോളെ എന്ന് തുടങ്ങുന്ന മനോഹരമായ ഗാനത്തോടെ മലയാള സംഗീതാസ്വാദകരെ പിടിച്ചിരുത്തിയ യുവ പ്രതിഭ. 'പൂമുത്തോളെ' എന്ന് കേള്ക്കുമ്പോൾത്തന്നെ ആസ്വാദകരുടെ മനസിലേക്ക് ഈ ചെറുപ്പക്കാരന്റെ നിഷ്കളങ്കമായ മുഖവും കയറിവരുന്നുണ്ട്.
രഞ്ജിന് തന്റെ ഫേസ്ബുക്കിൽ ഷെയര് ചെയ്ത ഒരു പഴയ വീഡിയോ ആണ് ഇപ്പോൾ ആരാധകര് ഏറ്റെടുത്തിരിക്കുന്നത്. 2007 ലെ സ്റ്റാര് സിങ്ങറില് നിന്നുള്ള ഒരു വീഡിയോ ആണിത്. 2007 സ്റ്റാര് സിങ്ങറില് അവസാന 25 പേരില് രഞ്ജിനും ഉണ്ടായിരുന്നു. അവിടെ നിന്നും എലിമിനേറ്റ് ചെയ്യപ്പെടുന്ന വീഡിയോയാണ് രഞ്ജിന് പങ്കുവെച്ചിരിക്കുന്നത്.
എലിമിനേഷൻ എന്ന പ്രക്രിയയുടെ നെഗറ്റീവ് വശത്തെയല്ല, അവിടെ നിന്നും താൻ എങ്ങനെ തുടങ്ങി എന്ന് വളരെ പോസിറ്റീവായാണ് രഞ്ജിൻ കുറിച്ചിരിക്കുന്നത്.
"കാലം കാത്തുവെച്ച കാവ്യ നീതി"യെന്നാണ് പ്രേക്ഷകര് വീഡിയോയില് കമന്റ് ചെയ്തിരിക്കുന്നത്. എലിമിനേറ്റ് ആവുന്നതിന്റെ ഭാഗമായി രഞ്ജിന്റെ അമ്മയ്ക്കും സംസാരിക്കാൻ അവസരം നല്കുന്നുണ്ട്. തൻ്റെ അമ്മ മരിച്ച് വിരലിലെണ്ണാവുന്ന ദിവസങ്ങൾക്ക് ശേഷമാണ് താൻ ഈ ഗാനം ചെയ്തതെന്ന് രഞ്ജിൻ സീ കേരളം ചാനല് നടത്തുന്ന പരിപാടിയില് അടുത്തിടെ പറഞ്ഞിരുന്നു. "പൂമുത്തോളെ" പലരും കാമുകിയ്ക്കും മക്കള്ക്കുമായി മാറ്റിവെയ്ക്കുമ്പോൾ താൻ ഇത് അമ്മയ്ക്കായി ഒരുക്കിയതാണെന്ന് രഞ്ജിൻ പറഞ്ഞിരുന്നു. അത്രമേല് അമ്മ ചേര്ത്തു പിടിച്ച മകനാണെന്ന് സ്റ്റാര് സിങ്ങറിന്റെ വീഡിയോയിലും വ്യക്തമാവുന്നുണ്ട്.
2007 ലെ സ്റ്റാര് സിങ്ങറില് വിജയിയായത് ഗായകൻ നജീം അര്ഷാദാണ്. രഞ്ജിന്റെ എലിമിനേഷനില് മറ്റ് മത്സരാര്ത്ഥികളും വിധി കര്ത്താക്കളും അവതാരക രഞ്ജിനി ഹരിദാസും കരച്ചിലടക്കാൻ പാടുപെടുന്നതും വീഡിയോയില് കാണാം. "നിന്നെ മറക്കാനാവില്ലെടാ" എന്നാണ് രഞ്ജിനെ ചേര്ത്തു നിര്ത്തി രഞ്ജിനി പറഞ്ഞത്.
സംഗീത സംവിധായകന് ശരത്, ഗായകന് എം ജി ശ്രീകുമാര്, ഗായിക ഉഷാ ഉതുപ്പ് എന്നിവരായിരുന്നു വിധി കര്ത്താക്കള്. ഇവരെല്ലാവരും തന്നെ രഞ്ജിനെ അനുമോദിക്കുകയും അനുഗ്രഹിക്കുകയും ചെയ്യുന്നതും വീഡിയോയയിലുണ്ട്. 'Tall thin man with a lovely deep voice' എന്നാണ് ഉഷ ഉതുപ്പ് അന്ന് രഞ്ജനെ വിശേഷിപ്പിച്ചത്.
രഞ്ജിന്റെ ഫേസ്ബുക്ക് പോസ്റ്റിന്റെ പൂര്ണരൂപം ഇവിടെ വായിക്കാം:
ജീവിതത്തിലെ തോല്വികളെ ഭയന്നും വെറുത്തും അതിന് കീഴടങ്ങിയും പോകുന്ന ചെറുപ്പക്കാരുടെ ഇടയില് രഞ്ജിന് പാഠമാവുകയാണ്. എവിടെ നിന്ന് പുറത്തായോ അതിനെ വിജയത്തിന്റെ ചവിട്ടുപടിയായി മാറ്റിയ ജീവിതം കൊണ്ട്.
പൂമുത്തോളെ എന്ന ഗാനത്തെ മാത്രമല്ല, ഈ ചെറുപ്പക്കാരനേയും ഇന്ന് ആസ്വാദകര് നെഞ്ചേറ്റുന്നത് ഇതൊക്കെക്കൊണ്ടു തന്നെയാണ്.
രഞ്ജിൻ പങ്കുവെച്ച വീഡിയോ കാണാം:
"പൂമുത്തോളേ.." ഗാനം കാണാം..
രഞ്ജിന് തന്റെ ഫേസ്ബുക്കിൽ ഷെയര് ചെയ്ത ഒരു പഴയ വീഡിയോ ആണ് ഇപ്പോൾ ആരാധകര് ഏറ്റെടുത്തിരിക്കുന്നത്. 2007 ലെ സ്റ്റാര് സിങ്ങറില് നിന്നുള്ള ഒരു വീഡിയോ ആണിത്. 2007 സ്റ്റാര് സിങ്ങറില് അവസാന 25 പേരില് രഞ്ജിനും ഉണ്ടായിരുന്നു. അവിടെ നിന്നും എലിമിനേറ്റ് ചെയ്യപ്പെടുന്ന വീഡിയോയാണ് രഞ്ജിന് പങ്കുവെച്ചിരിക്കുന്നത്.
എലിമിനേഷൻ എന്ന പ്രക്രിയയുടെ നെഗറ്റീവ് വശത്തെയല്ല, അവിടെ നിന്നും താൻ എങ്ങനെ തുടങ്ങി എന്ന് വളരെ പോസിറ്റീവായാണ് രഞ്ജിൻ കുറിച്ചിരിക്കുന്നത്.
"കാലം കാത്തുവെച്ച കാവ്യ നീതി"യെന്നാണ് പ്രേക്ഷകര് വീഡിയോയില് കമന്റ് ചെയ്തിരിക്കുന്നത്. എലിമിനേറ്റ് ആവുന്നതിന്റെ ഭാഗമായി രഞ്ജിന്റെ അമ്മയ്ക്കും സംസാരിക്കാൻ അവസരം നല്കുന്നുണ്ട്. തൻ്റെ അമ്മ മരിച്ച് വിരലിലെണ്ണാവുന്ന ദിവസങ്ങൾക്ക് ശേഷമാണ് താൻ ഈ ഗാനം ചെയ്തതെന്ന് രഞ്ജിൻ സീ കേരളം ചാനല് നടത്തുന്ന പരിപാടിയില് അടുത്തിടെ പറഞ്ഞിരുന്നു. "പൂമുത്തോളെ" പലരും കാമുകിയ്ക്കും മക്കള്ക്കുമായി മാറ്റിവെയ്ക്കുമ്പോൾ താൻ ഇത് അമ്മയ്ക്കായി ഒരുക്കിയതാണെന്ന് രഞ്ജിൻ പറഞ്ഞിരുന്നു. അത്രമേല് അമ്മ ചേര്ത്തു പിടിച്ച മകനാണെന്ന് സ്റ്റാര് സിങ്ങറിന്റെ വീഡിയോയിലും വ്യക്തമാവുന്നുണ്ട്.
2007 ലെ സ്റ്റാര് സിങ്ങറില് വിജയിയായത് ഗായകൻ നജീം അര്ഷാദാണ്. രഞ്ജിന്റെ എലിമിനേഷനില് മറ്റ് മത്സരാര്ത്ഥികളും വിധി കര്ത്താക്കളും അവതാരക രഞ്ജിനി ഹരിദാസും കരച്ചിലടക്കാൻ പാടുപെടുന്നതും വീഡിയോയില് കാണാം. "നിന്നെ മറക്കാനാവില്ലെടാ" എന്നാണ് രഞ്ജിനെ ചേര്ത്തു നിര്ത്തി രഞ്ജിനി പറഞ്ഞത്.
സംഗീത സംവിധായകന് ശരത്, ഗായകന് എം ജി ശ്രീകുമാര്, ഗായിക ഉഷാ ഉതുപ്പ് എന്നിവരായിരുന്നു വിധി കര്ത്താക്കള്. ഇവരെല്ലാവരും തന്നെ രഞ്ജിനെ അനുമോദിക്കുകയും അനുഗ്രഹിക്കുകയും ചെയ്യുന്നതും വീഡിയോയയിലുണ്ട്. 'Tall thin man with a lovely deep voice' എന്നാണ് ഉഷ ഉതുപ്പ് അന്ന് രഞ്ജനെ വിശേഷിപ്പിച്ചത്.
രഞ്ജിന്റെ ഫേസ്ബുക്ക് പോസ്റ്റിന്റെ പൂര്ണരൂപം ഇവിടെ വായിക്കാം:
ജീവിതത്തിലെ തോല്വികളെ ഭയന്നും വെറുത്തും അതിന് കീഴടങ്ങിയും പോകുന്ന ചെറുപ്പക്കാരുടെ ഇടയില് രഞ്ജിന് പാഠമാവുകയാണ്. എവിടെ നിന്ന് പുറത്തായോ അതിനെ വിജയത്തിന്റെ ചവിട്ടുപടിയായി മാറ്റിയ ജീവിതം കൊണ്ട്.
പൂമുത്തോളെ എന്ന ഗാനത്തെ മാത്രമല്ല, ഈ ചെറുപ്പക്കാരനേയും ഇന്ന് ആസ്വാദകര് നെഞ്ചേറ്റുന്നത് ഇതൊക്കെക്കൊണ്ടു തന്നെയാണ്.
രഞ്ജിൻ പങ്കുവെച്ച വീഡിയോ കാണാം:
"പൂമുത്തോളേ.." ഗാനം കാണാം..