'ഇതുവരെ ഞങ്ങൾ ഒരുമിച്ചത് 55 സിനിമകൾ'; ഇനിയും കൂടുതൽ സിനിമകളുണ്ടാകാൻ കാത്തിരിക്കുകയാണെന്ന് മോഹൻലാൽ

മമ്മൂട്ടി സിനിമാലോകത്തെത്തിയിട്ട് അരനൂറ്റാണ്ട് പിന്നിടുകയാണ്. ഇന്നലെ മുതൽ മെഗാസ്റ്റാറിന് 50-ാം വര്‍ഷത്തിന്‍റെ ആശംസകള്‍ നേര്‍ന്നുകൊണ്ടിരിക്കുകയാണ് താരങ്ങളും ആരാധകരും. സോഷ്യൽമീഡിയയിലുള്‍പ്പെടെ പലരും അദ്ദേഹത്തിന് ആശംസകള്‍ അര്‍പ്പിച്ച് എത്തിയിട്ടുണ്ട്. എന്നിരുന്നാലും എല്ലാവരും പ്രതീക്ഷിച്ചിരുന്ന ഒരാശംസ ഉച്ചവരെയായിട്ടും എത്തിയിരുന്നില്ല. ഇപ്പോഴിതാ ഇച്ചാക്കയ്ക്ക് അഭിനന്ദനങ്ങളും ആശംസകളുമായി എത്തിയിരിക്കുകയാണ് മോഹൻലാല്‍.

Also Read: നസീർ കഴിഞ്ഞാൽ മലയാളത്തിൽ ഏറ്റവും കൂടുതൽ നായക വേഷം ചെയ്ത നടൻ മമ്മൂട്ടിയാണ്! മലയാളത്തിന്റെ നിത്യഹരിത യുവത്വത്തിന് ആശംസയുമായി മുകേഷ്!

'ഇന്ന്, എന്‍റെ സഹോദരൻ സിനിമാ മേഖലയിൽ 50 മഹത്തായ വർഷങ്ങൾ പൂർത്തിയാക്കുന്നു. 55 അവിസ്മരണീയമായ സിനിമകളിൽ അദ്ദേഹത്തോടൊപ്പം സ്ക്രീൻ പങ്കിടാൻ എനിക്ക് കഴിഞ്ഞു. അതിലേറെ എനിക്ക് അഭിമാനമുണ്ട്, ഇനിയും അത്തരത്തിൽ നിരവധി സിനിമകള്‍ക്കായി കാത്തിരിക്കുകയാണ്. അഭിനന്ദനങ്ങൾ ഇച്ചാക്ക', മോഹൻലാൽ മമ്മൂട്ടിയെ കെട്ടിപ്പിടിച്ച് മുത്തമിടുന്നൊരു ചിത്രം പങ്കുവെച്ച് കുറിച്ചിരിക്കുകയാണ്.

Also Read: മുഖമല്പം കുനിച്ച് ഊറിച്ചിരിച്ചു കൊണ്ട് സുലു പറഞ്ഞു ഐ ലൈക്ക് ഹിം; ഇച്ചാക്ക കാണും മുൻപേ ഞാൻ അദ്ദേഹത്തെ കണ്ടിട്ടുണ്ട്; ഞാൻ കണ്ട മൂന്നാമത്തെ പെണ്ണാണ് സുലുവെന്ന് മമ്മൂട്ടിയും!

1971 ഓഗസ്റ്റ് ആറിന് അനുഭവങ്ങള്‍ പാളിച്ചകള്‍ എന്ന സിനിമയിൽ ആദ്യമായി അഭിനയിച്ച മമ്മൂട്ടി 50 വര്‍ഷങ്ങള്‍ക്കിടെ നാന്നൂറോളം സിനിമകളുടെ ഭാഗമായിട്ടുണ്ട്. വൺ എന്ന സിനിമയാണ് ഒടുവിൽ അഭിനയിച്ച് പുറത്തിറങ്ങിയത്. ഭീഷ്മപര്‍വ്വം, പുഴു തുടങ്ങിയ സിനിമകളാണ് അടുത്തതായി പുറത്തിറങ്ങാനായിരിക്കുന്നത്.

Also Watch :