സായി പല്ലവിയുടെ പെരുമാറ്റം സഹിക്കാനാകില്ല നടന്‍റെ വെളിപ്പെടുത്തൽ

പ്രേമം എന്ന ചിത്രത്തിലൂടെ നായികയായി അരങ്ങേറ്റം കുറിച്ച നടിയാണ് സായി പല്ലവി. മുഖക്കുരുകവിളും നുണക്കുഴി വിടർത്തിയുള്ള ചിരിയും കൊണ്ട് പ്രേക്ഷകരുടെ മനംകവർന്ന സായി പല്ലവി പിന്നീട് തമിഴിലേക്കും തെലുങ്കിലേക്കും ചേക്കേറി. സായിയുടെ ആദ്യ തെലുങ്ക് ചിത്രം ഫിദ വൻ വിജയമായിരുന്നു. ഇപ്പോള്‍ എ.എല്‍ വിജയ് സംവിധാനം ചെയ്യുന്ന കാരുവിലാണ് താരം അഭിനയിച്ചുകൊണ്ടിരിക്കുന്നത്.

താരത്തിന്‍റെ പെരുമാറ്റം സഹിക്കാനാകില്ല എന്ന പരാതിയുമായി രംഗത്ത് എത്തിയിരിക്കുകയാണ് ചിത്രത്തിലെ നായകന്‍ നാഗ ശൗര്യ. സെറ്റില്‍ അനാവശ്യമായ കാര്യങ്ങള്‍ക്ക് സായ് ബഹളം വയ്ക്കും. അത് എല്ലാവരുടെയും ആത്മവിശ്വാസം നഷ്ടപ്പെടുത്തും. എല്ലാവരെക്കാളും മുകളിലാണ് താനെന്ന ഭാവമാണ് അവര്‍ക്ക്. ഒരു സ്വകാര്യ ചാനലിന് നൽകിയ അഭിമുഖത്തിലാണ് നാഗ ശൗര്യ ഇക്കാര്യങ്ങൾ വെളുപ്പെടുത്തിയത്. ഫിദ എന്ന തെലുങ്കു ചിത്രം വിജയമായിരുന്നു എന്നത് സത്യം തന്നെയാണ് എന്നാൽ അത് അവരുടെ കഴിവു കൊണ്ട് മാത്രമല്ലല്ലോ? അവരുടെ പെരുമാറ്റം എന്നെ വളരെ വേദനിപ്പിച്ചു. എന്നാണ് നാഗ ശൗര്യ വ്യക്തമാക്കിയത്.

മുൻപ് മറ്റൊരു ആരോപണവും നടിക്കു നേരെയുണ്ടായിട്ടുണ്ട്. വേണു ശ്രീറാം ഒരുക്കിയ ചിത്രം മിഡിൽ ക്ലാസ് അബ്ബായിയിൽ നായകൻ നാനിയോട് സായി മോശമായി പെരുമാറിയെന്ന വാർത്തകൾ പ്രചരിച്ചിരുന്നു. തുടർന്ന് ഷൂട്ടിങിനിടയിൽ നാനി ഇറങ്ങിപ്പോയെന്നുമായിരുന്നു റിപ്പോർട്ടുകൾ. സെൽവരാഘവൻ സംവിധാനം ചെയ്യുന്ന ചിത്രത്തിൽ സൂര്യന്‍റെ നായികയായിട്ടാണ് സായി അടുത്തതായി എത്തുന്നത്.