കാവ്യ മാധവനും നമിതയ്ക്കും സര്‍പ്രൈസൊരുക്കിയ മീനാക്ഷി! താരപുത്രിയുടെ സന്തോഷനിമിഷങ്ങള്‍ ആഘോഷമാക്കി ആരാധകരും! നമിതയുടെ മറുപടിയില്‍ കണ്ണ് തള്ളി ആരാധകര്‍!

മീനാക്ഷി ദിലീപിന്റെ അടുത്ത സുഹൃത്താണ് നമിത പ്രമോദ്. നാദിര്‍ഷയുടെ മകളുമായും അടുത്ത സൗഹൃദമുണ്ട് ഇവര്‍ക്ക്്. ആയിഷയുടെ വിവാഹത്തില്‍ മത്സരിച്ച് ചുവടുവെച്ചിരുന്നു ഇരുവരും. ഇടയ്ക്കിടയ്ക്ക് നമിതയ്‌ക്കൊപ്പമുള്ള ചിത്രങ്ങള്‍ പങ്കിട്ടും മീനാക്ഷി എത്താറുണ്ട്. പിറന്നാള്‍ ദിനത്തില്‍ നമിതയ്ക്ക് ആശംസ അറിയിച്ചുള്ള മീനാക്ഷിയുടെ പോസ്റ്റ് വൈറലായിക്കൊണ്ടിരിക്കുകയാണ്. ഹാപ്പി ബര്‍ത്ത് ഡേ റ്റു മൈ സിസ്റ്റര്‍ ബുജിയെന്ന ക്യാപ്ഷനോടെയായിരുന്നു മീനാക്ഷി നമിതയ്‌ക്കൊപ്പമുള്ള ഫോട്ടോ പോസ്റ്റ് ചെയ്തത്. ഐ ലവ് യൂ ബെസ്റ്റ് ഫ്രണ്ട് എന്നും മീനൂട്ടി കുറിച്ചിരുന്നു. ദാറ്റ്‌സ് സോ മച്ച് ക്യൂട്ട്, മമ്മട്ടീസ് ബുജിയെന്നുമായിരുന്നു നമിത കമന്റ് ചെയ്തത്. ഇതേത് ഭാഷയെന്നായിരുന്നു ആരാധകരുടെ ചോദ്യം.
നമിതയും മീനാക്ഷിയും ഒരുമിച്ചുള്ള ചിത്രങ്ങളും വീഡിയോയുമെല്ലാം ക്ഷണനേരം കൊണ്ടാണ് വൈറലായി മാറാറുള്ളത്. ആത്മമിത്രങ്ങളില്‍ താന്‍ വിശ്വസിച്ചിരുന്നില്ലെന്നും നമിതയെ കണ്ടതോടെ അത് മാറിയെന്നും മുന്‍പ് മീനാക്ഷി കുറിച്ചിരുന്നു. എന്റെ ജീവിതത്തിലെ മുത്തുമണിയാണ് മീനാക്ഷിയെന്നായിരുന്നു നമിത പറഞ്ഞത്. മീനാക്ഷി ഇന്‍സ്റ്റഗ്രാമില്‍ അക്കൗണ്ട് തുടങ്ങിയപ്പോള്‍ സ്വാഗതമേകി നമിതയും ആയിഷയും എത്തിയിരുന്നു. നമിതയ്ക്ക് മാത്രമല്ല കാവ്യ മാധവനും ആശംസ അറിയിച്ചായിരുന്നു മീനാക്ഷി എത്തിയത്.
കാവ്യ മാധവന്റേയും മീനാക്ഷിയുടേയും പിറന്നാള്‍ ഒരേ ദിവസത്തിലാണ്. ഇരുവര്‍ക്കും ആശംസ അറിയിച്ചായിരുന്നു മീനാക്ഷി എത്തിയത്. ലുലു മാളിലൊക്കെ പര്‍ദ ധരിച്ച് പോവാന്‍ തുടങ്ങിയത് കാവ്യ മാധവന്റെ ടിപ്‌സിന് ശേഷമായിട്ടാണെന്ന് മുന്‍പ് നമിത പറഞ്ഞിരുന്നു. ദിലീപും കാവ്യയുമായെല്ലാം അടുത്ത ബന്ധമുണ്ട് നമിതയ്ക്ക്. ദിലീപിന്റെ ഹിറ്റ് നായികമാരിലൊരാള്‍ കൂടിയാണ് നമിത.
ഇന്‍സ്റ്റഗ്രാം അക്കൗണ്ട് തുടങ്ങി നാളേറെയായെങ്കിലും ഇതാദ്യമായാണ് മീനാക്ഷി കാവ്യ മാധവനൊപ്പമുള്ള ചിത്രങ്ങള്‍ പോസ്റ്റ് ചെയ്യുന്നത്. ഹാപ്പി ബര്‍ത്ത് ഡേ, ഐ ലവ് യൂ എന്നായിരുന്നു മീനാക്ഷിയുടെ ക്യാപ്ഷന്‍. ദിലീപിനൊപ്പം നില്‍ക്കുമ്പോഴും മീനാക്ഷിയെ കാവ്യ ചേര്‍ത്തുപിടിച്ചിരുന്നു, ശരിക്കും അമ്മയും മകളുമെന്നായിരുന്നു ആരാധകര്‍ ചിത്രം കണ്ടപ്പോള്‍ പറഞ്ഞത്. താരങ്ങളും ആരാധകരുമെല്ലാം കാവ്യയ്ക്ക് പിറന്നാളാശംസ അറിയിച്ചിരുന്നു. മീനൂട്ടിയുടെ സന്തോഷം ചിത്രങ്ങളില്‍ നിന്നും വ്യക്തമാവുന്നുണ്ടെന്നും ആരാധകര്‍ പറഞ്ഞിരുന്നു. മീനാക്ഷി പോസ്റ്റ് ചെയ്ത ചിത്രങ്ങൾ തരംഗമായി മാറിയത്. കാവ്യയും മീനാക്ഷിയും നേരത്തെ അറിയുന്നവരാണെന്ന് ദിലീപ് പറഞ്ഞിരുന്നു. മഹാലക്ഷ്മി എവിടെയെന്നായിരുന്നു ചിലർ മീനാക്ഷിയോട് ചോദിച്ചത്.