അവള്‍ ഹോട്ട് ആയിരുന്നു; നഴ്‌സിനെ അശ്ലീലമായി വിശേഷിപ്പിച്ചതിന് മാപ്പ് പറഞ്ഞ് തെലുങ്ക് സൂപ്പര്‍സ്റ്റാര്‍

തെലുങ്ക് സിനിമാ ലോകത്തെ സൂപ്പര്‍സ്റ്റാര്‍ ആണ് നന്ദമൂരി ബാലകൃഷ്ണ. സൂപ്പര്‍ സ്റ്റാര്‍ പദവിയ്‌ക്കൊപ്പം തന്നെ ഒരുപാട് വിവാദങ്ങളും നന്ദമൂരിയ്‌ക്കൊപ്പം ഉണ്ടാവാറുണ്ട്. ഏറ്റവും ഒടവില്‍ ഒരു ചാറ്റ് ഷോയില്‍ പറഞ്ഞ വാക്കുകളാണ് വിവാദമായത്. അതിന് മാപ്പ് പറഞ്ഞ് രംഗത്ത് എത്തിയിരിയ്ക്കുകയാണ് ഇപ്പോള്‍ സൂപ്പര്‍ താരം.

പവന്‍ കല്യാണ്‍ അവതരിപ്പിയ്ക്കുന്ന അണ്‍സ്റ്റോപ്പബിള്‍ എന്ന ഷോയിലായിരുന്നു സംഭവം. തനിയ്ക്ക് ഒരു അപകടം സംഭവിച്ചതിനെ കുറിച്ചാണ് നന്ദമൂരി സംസാരിയ്ക്കുന്നത്. ഹൈദരബാദിലെ നിസാം കോളേജിന് അടുത്ത് വച്ച് ഒരിക്കല്‍ എനിക്കൊരു വാഹന അപടകം സംഭവിച്ചു. ഉടനെ തന്നെ അടുത്തുള്ള ഹോസ്പിറ്റലില്‍ എന്നെ കൊണ്ടു പോയി. അവിടെയുള്ള നഴ്‌സിനെ കുറിച്ച് പറയവെയാണ് അവള്‍ ഹോട്ട് ആയിരുന്നു എന്ന് നടന്‍ വിശേഷിപ്പിച്ചത്.

സംഭവത്തിന് എതിരെ നഴ്‌സ് അസോസിയേഷന്‍ രംഗത്ത് എത്തി. ചികിത്സാക്കാനും പരിപാലിക്കാനും എത്തുന്ന നഴ്‌സിനെ മര്യാദ കുറഞ്ഞ രീതിയില്‍ വിശേഷിപ്പിച്ചതിന് നന്ദമൂരി മാപ്പ് പറയണം എന്നായിരുന്നു അസോസിയേഷന്റെ ആവശ്യം. വിഷയം വിവാദമായപ്പോള്‍ മാപ്പ് പറഞ്ഞുകൊണ്ട് സൂപ്പര്‍ താരം ട്വിറ്ററില്‍ എത്തി. തന്റെ വാക്കുകള്‍ വളച്ചൊടിക്കപ്പെട്ടതാണ് എന്നാണ് നന്ദമൂരി ബാലകൃഷ്ണ പറയുന്നത്.

''രോഗികളെ പരിപാലിക്കുന്ന നഴ്‌സ് സഹോദരിമാരോട് എനിക്ക് ഒരുപാട് ബഹുമാനമാണ് ഉള്ളത്. ഞങ്ങളുടെ കാന്‍സര്‍ ഹോസ്പിറ്റലില്‍ അത്തരം മാലാഖമാരെ ഞാന്‍ നേരിട്ട് കണ്ടിട്ടുണ്ട്. കൊവിഡ് കാലത്ത് അവരുടെ സേവനങ്ങള്‍ വിലമതിക്കാന്‍ കഴിയാത്തതാണ്. എന്റെ വാക്കുകള്‍ അത്തരത്തിലുള്ള നഴ്‌സുമാരെ ഏതെങ്കിലും തരത്തില്‍ വേദനിപ്പിച്ചിട്ടുണ്ട് എങ്കില്‍ മാപ്പ് ചോദിയ്ക്കുന്നു'' എന്നാണ് നന്ദമൂരിയുടെ ട്വീറ്റ്. മാപ്പ് പറഞ്ഞ സാഹചര്യത്തില്‍ നടന്റെ വാക്കുകള്‍ ഷോയില്‍ മ്യൂട്ട് ചെയ്യാന്‍ ആവശ്യപ്പെട്ടുകൊണ്ട് നഴ്‌സ് അസോസിയേഷന്‍ പോകില്ല എന്നാണ് അറിയുന്നത്.