#MeToo: അച്ഛനെതിരായ ആരോപണത്തിൽ സത്യം പുറത്ത് വരുമെന്ന് നന്ദിത ദാസ്

മീടൂവിൽ പ്രശസ്ത നടി നന്ദിത ദാസിൻെറ പിതാവ് ജതിൻ ദാസിനെതിരെയും ആരോപണം. ജതിൻ ദാസ് ലൈംഗികമായി പീഡിപ്പിക്കാൻ ശ്രമിച്ചുവെന്ന് നിഷ ബോറെ എന്ന സ്ത്രീയാണ് വെളിപ്പെടുത്തൽ നടത്തിയത്. 14 വർഷം മുമ്പാണ് സംഭവം ഉണ്ടായതെന്നും അവർ പറഞ്ഞു.

കുറച്ച് ദിവസം ജതിൻ ദാസിനെ അസിസ്റ്റ് ചെയ്ത് ജോലി ചെയ്തിരുന്നു. രണ്ടാം ദിവസം തന്നെ തന്നെ അദ്ദേഹം ലൈംഗികമായി ചൂഷണം ചെയ്യാൻ ശ്രമിച്ചെന്ന് നിഷ ട്വിറ്ററിലൂടെ വെളിപ്പെടുത്തി. അദ്ദേഹത്തിൽ നിന്ന് താൻ രക്ഷപ്പെട്ട് ഓടുകയായിരുന്നുവെന്നും അവർ പറഞ്ഞു. പിന്നീട് ഇക്കാര്യം ആരോടും പറഞ്ഞില്ലെന്നും അവർ കൂട്ടിച്ചേർത്തു.

ആരോപണം ജതിൻ ദാസ് നിഷേധിച്ചു. മീടൂ മൂവ്മെൻറിനെ സപ്പോർട്ട് ചെയ്യുന്നതിൽ പ്രധാനപ്പെട്ട ഒരാളാണ് നടി നന്ദിത ദാസ്. അച്ഛനെതിരായ ആരോപണത്തിൽ സത്യം പുറത്ത് വരുമെന്ന് നന്ദിത ദാസ് പ്രതികരിച്ചു. ഫേസ്ബുക്കിലൂടെയാണ് നന്ദിതയുടെ പ്രതികരണം.