മികച്ച നടനുള്ള പുരസ്കാരത്തുക 50,000; പ്രത്യേക ജൂറി പരാമര്‍ശം നേടിയ മോഹന്‍ലാലിന് 2 ലക്ഷം

ഇക്കൊല്ലത്തെ മികച്ച നടനുള്ള ദേശീയ പുരസ്കാരം നേടിയ അക്ഷയ് കുമാറിന് കിട്ടുന്നld രജതകമലവും പുരസ്കാരത്തുകയായ 50,000 രൂപയുമാണ്. എന്നാല്‍ പ്രത്യേക ജൂറി പുരസ്കാരം നേടിയ മോഹൻലാലിന് ലഭിക്കുന്ന തുക രണ്ട് ലക്ഷമാണ്. അവാര്‍ഡ് പ്രഖ്യാപനത്തിന് ശേഷം പുറത്തിറക്കിയ പത്രക്കുറിപ്പിലാണ് ഈ വിവരങ്ങളുള്ളത്.



പുലിമുരുകന്‍ ഉള്‍പ്പെടെ മൂന്ന് സിനിമകളിലെ അഭിനയത്തിനാണ് മോഹൻലാല്‍ ജൂറിയുടെ പ്രത്യേക പരാമര്‍ശത്തിന് അര്‍ഹനായത്. താരത്തിന് രണ്ട് ലക്ഷം രൂപയും രജതകമലവുമാണ് ലഭിക്കുക. മികച്ച നടിയായി തെരഞ്ഞെടുത്തിരിക്കുന്ന സുരഭിക്കും മികച്ച നടന് നല്‍കുന്ന അതേ തുകയും രജതകമലവും തന്നെയാണ് ലഭിക്കുന്നത്.



'വെന്‍റിലേറ്റര്‍' എന്ന മറാത്തി സിനിമയുടെ സംവിധായകനായ രാജേഷ് മപുസ്‌കറിന് രണ്ടരലക്ഷം രൂപയും സ്വര്‍ണ കമലവുമാണ് പുരസ്കാരമായി കിട്ടുക. മികച്ച സഹനടന്‍, സഹനടി, ഗാനരചയിതാവ്, കൊറിയോഗ്രഫി എന്നിങ്ങനെയുളള മറ്റെല്ലാ പുരസ്‌കാരങ്ങള്‍ക്കും അൻപതിനായിരം രൂപയും രജതകമലവുമാണ് കിട്ടുക.

റുസ്തം എന്ന സിനിമയിലെ അഭിനയത്തിനാണ് ബോളിവുഡ് നടൻ അക്ഷയ്‍‍കുമാറിന് മികച്ച നടനുളള ദേശീയ പുരസ്‌കാരം ലഭിച്ചിരിക്കുന്നത്. അക്ഷയ്കുമാറിന് കിട്ടുന്ന ആദ്യ ദേശീയ പുരസ്‌കാരം കൂടിയാണ് ഇത്. പുലിമുരുകന്‍, ജനതാ ഗ്യാരേജ്, മുന്തിരിവളളികള്‍ തളിര്‍ക്കുമ്പോള്‍ എന്നീ ചിത്രങ്ങളിലെ അഭിനയത്തിനാണ് മോഹന്‍ലാലിന് ജൂറിയുടെ പ്രത്യേക പരാമര്‍ശം ലഭിച്ചിരിക്കുന്നത്. മോഹൻലാലിന്‍റെ ഉറ്റ സുഹൃത്തായ പ്രിയദര്‍ശനാണ് ജൂറിയുടെ ചെയര്‍മാൻ എന്നതാണ് ഏറെ കൗതുകകരം.

National Film Awards and the most curious fact in award prize Money

National Film Awards and the most curious fact in award prize Money which revealed through Press release