കമലിന് ജന്മനാടിന്റെ ഐക്യദാര്‍ഢ്യം ഇന്ന്

കൊടുങ്ങല്ലൂർ: സംവിധായകന്‍ കമലിനെ ലക്ഷ്യമിട്ടുള്ള അപവാദ പ്രചാരണങ്ങള്‍ക്കെതിരെ നാടിന്റെ ഐക്യദാർഢ്യ പ്രതിരോധം. കൊടുങ്ങല്ലൂര്‍ കൂട്ടായ്മയാണ് ‘ഇരുള്‍ വിഴുങ്ങും മുമ്പേ’ എന്ന പേരില്‍ ജനകീയ പ്രതിരോധം സംഘടിപ്പിക്കുന്നത്.

ബുധനാഴ്ച നാലരക്ക് കൊടുങ്ങല്ലൂര്‍ വടക്കേനടയില്‍ വെച്ചാണ് പരിപാടി. എം.എ. ബേബി, വി.ഡി. സതീശന്‍, ബിനോയ് വിശ്വം, ഇന്നസെന്‍റ് എം.പി, എം.എല്‍.എമാരായ വി.ആര്‍. സുനില്‍കുമാര്‍, ഇ.ടി. ടൈസന്‍, പ്രഫ. കെ.യു. അരുണന്‍, സാറാജോസഫ്, കെ. വേണു, എന്‍.എസ്. മാധവന്‍, സെബാസ്റ്റ്യന്‍ പോള്‍, സലിംകുമാര്‍, റിയാസ് കോമു, നടി റീമ കല്ലിങ്കല്‍ തുടങ്ങിയ കലാസാംസ്കാരിക സാഹിത്യരംഗത്തെ 70ഓളം പേര്‍ പങ്കെടുക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

കൊടുങ്ങല്ലൂര്‍ നഗരസഭാ ചെയര്‍മാന്‍ വിപിന്‍ ചന്ദ്രന്‍ അധ്യക്ഷത വഹിക്കും.

Native place stands united for Kamal

Art-Culture-Political eminities express solidarity with veteran director Kamal.