അന്നൊക്കെ കല്യാണം കഴിച്ച പോലുള്ള നാണമായിരുന്നു, പത്താംക്ലാസ്സിലെ ആദ്യ പ്രണയത്തിൻ്റെ കഥ പറഞ്ഞ് പ്രിയനടി!; ചാക്കോച്ചനോട് തോന്നിയ ക്രഷിനെ കുറിച്ച് നവ്യ!

ഇപ്പോഴിതാ തനിക്ക് ക്രഷ് തോന്നിയ നടനെക്കുറിച്ച് നവ്യ പറഞ്ഞ കാര്യങ്ങളാണ് വൈറലായി മാറുന്നത്. വെറൈറ്റി മീഡിയയ്ക്ക് നൽകിയ അഭിമുഖത്തിനിടെയാണ് നവ്യ തൻ്റെ ക്രഷിനെക്കുറിച്ച് തുറന്ന് പറഞ്ഞത്. അഭിമുഖത്തിനിടെ ആരോടെങ്കിലും ക്രഷ് തോന്നിയിട്ടുണ്ടോ എന്ന അവതാരകയുടെ ചോദ്യത്തിന് മറുപടിയായാണ് നവ്യ തനിയ്ക്ക് ചാക്കോച്ചനോട് ക്രഷ് തോന്നിയ കാര്യത്തെ കുറിച്ച് തുറന്ന് പറഞ്ഞത്. 'ചാക്കോച്ചനോടാണ് എനിക്ക് ക്രഷ് തോന്നിയിട്ടുള്ളത്. ഒരുമിച്ച് അഭിനയിച്ച സമയത്ത് ഞാൻ അക്കാര്യം അദ്ദേഹത്തോട് നേരിട്ട് പറഞ്ഞിട്ടും ഉണ്ടെന്ന് നടി പറയുന്നു. ഞാൻ പത്താം ക്ലാസിൽ പഠിക്കുന്ന സമയത്താണ് അദ്ദേഹം സിനിമയിൽ സജീവമാകുന്നതെന്നും നവ്യ പറഞ്ഞു.

'പിന്നീട് വിവാഹ ശേഷം മുംബൈയിൽ പോയി ചമ്മിയ സംഭവവും നടി അഭിമുഖത്തിനിടെ തുറന്ന് പറഞ്ഞു. മുംബൈയിൽ പോയ സമയത്ത് എനിക്ക് ഹിന്ദി അറിയില്ലായിരുന്നുവെന്നും മിക്കപ്പോഴും ഹിന്ദി പറയേണ്ട അവസ്ഥ വാരാറുണ്ടെന്നും നടി പറയുന്നു. ഞാൻ എനിക്ക് അറിയാവുന്നത് പോലെ പറഞ്ഞ് പലസ്ഥലങ്ങളിലും ചമ്മിയിട്ടുണ്ടെന്നും നവ്യ നായർ പറഞ്ഞു.

നവ്യ സിനിമയിലേക്ക് തിരിച്ചെത്തിയത് കുടുംബജീവിതം മടുത്തിട്ടാണോ എന്ന് ചോദിച്ചപ്പോൾ 'കുടുംബ ജീവിതം മടുത്തിട്ടല്ല, അത് സമ്മാനിച്ച നല്ല അനുഭവങ്ങളുമായിട്ടാണ് സിനിമയിലേക്ക് വീണ്ടും വന്നതെന്നും കുടുംബജീവിതം സന്തോഷമായിട്ട് പോകുകയാണെന്നും നടി പറഞ്ഞു. സിനിമയെയും ഒരുപോലെ ഇഷ്ടമാണ്. വീണ്ടും സിനിമയില്‍ അഭിനയിക്കണമെന്ന ആഗ്രഹം പ്രകടിപ്പിച്ചപ്പോള്‍ ഭര്‍ത്താവ് പൂര്‍ണ പിന്തുണയും സമ്മതവും നല്‍കുകയായിരുന്നുവെന്നും നവ്യ പറഞ്ഞു.

'ഒരുത്തീ'യാണ് നവ്യാ നായർ അഭിനയിച്ച് ഏറ്റവും ഒടുവിൽ റിലീസ് ആയത്. ചിത്രത്തിൽ നടി മികച്ച പ്രകടനമാണ് നടത്തിയതെന്നായിരുന്നു പ്രേക്ഷകരുടെ അഭിപ്രായം. വി കെ പ്രകാശിൻ്റെ സംവിധാനത്തിൽ റിലീസായ ചിത്രമാണ് 'ഒരുത്തീ' എന്ന ചിത്രത്തിലെ അഭിനയത്തിന് നവ്യാ നായർക്ക് ജെ സി ഡാനിയൽ ഫൗണ്ടേഷൻ അവാർഡിന് അർഹയായിരുന്നു.

വികെ പ്രകാശ് സംവിധാനം ചെയ്ത 'ഒരുത്തീ' എന്ന ചിത്രത്തിലൂടെയായിരുന്നു നവ്യയുടെ ശക്തമായ തിരിച്ചുവരവ്. മികച്ച പ്രതികരണമാണ് ചിത്രത്തിന് തീയേറ്ററുകളിൽ നിന്ന് ലഭിക്കുന്നത്. സാധാരണക്കാരിയായ ഒരു വീട്ടമ്മയുടെ കഥയായിരുന്നു ചിത്രം പറഞ്ഞത്. യഥാർഥ സംഭവത്തിൽ നിന്നും പ്രചോദനം ഉൾക്കൊണ്ടു കൊണ്ടാണ് വികെപി ചിത്രം ഒരുക്കിയിരിക്കുന്നത്. നവ്യയെ കൂടാതെ വിനായകൻ, സൈജു കുറുപ്പ്, സന്തോഷ് കീഴാറ്റൂർ തുടങ്ങി നിരവധി താരങ്ങളും ചിത്രത്തിൽ പ്രധാനവേഷത്തിലെത്തിയിരുന്നു.