കാമുകിമാർ വിരട്ടി;ആത്മകഥ പിൻവലിച്ച് നവാസുദ്ദീന്‍

മുംബൈ: തന്‍റെ മുന്‍ കാമുകിമാരായ നിഹാരിക സിങ്, സുനിത രാജ് വര്‍ എന്നിവരെ കുറിച്ചുള്ള ഓര്‍മകള്‍ പങ്കുവച്ചതോടെ കുപ്രസിദ്ധിയാർജ്ജിച്ച നവാസുദ്ദീൻ സിദ്ധിഖിയുടെ ആത്മകഥ ആന്‍ ഓര്‍ഡിനറി ലൈഫ് പിൻവലിക്കുകയാണെന്ന് താരം. താരത്തിന്‍റേത് പബ്ലിസിറ്റി സ്റ്റണ്ടാണെന്നും, സത്യത്തിന്‍റെ കണിക പോലുമില്ലെന്നും ഇരുവരും പ്രതികരിച്ചതോടെയാണ് പുസ്തകം പിന്‍വലിക്കുകയാണെന്ന് നവാസുദ്ദീന്‍ സിദ്ദിഖി പ്രഖ്യാപിച്ചത്. എന്‍റെ ആത്മകഥയുമായി ബന്ധപ്പെട്ടുണ്ടായ പ്രശ്നങ്ങളുടെ പേരില്‍ മുറിവേറ്റ എല്ലാവരോടും ഞാന്‍ മാപ്പ് ചോദിക്കുന്നു, എന്‍റെ പുസ്തകം ഞാന്‍ പിന്‍വലിക്കുന്നു' എന്നാണ് നവാസ് ട്വിറ്ററില്‍ കുറിച്ചത്.

നിഹാരികയുമായുള്ള തന്‍റെ ബന്ധം നവാസ് പുസ്തകം വിവരിക്കുന്നത് ഇങ്ങനെയാണ്:' ആദ്യത്തെ തവണ നിഹാരികയുടെ വീട്ടില്‍ പോയപ്പോള്‍ എനിക്ക് നേരിയ പരിഭ്രാന്തിയുണ്ടായിരുന്നു. വാതില്‍ തുറന്നപ്പോള്‍ അമ്പരപ്പ് കൊണ്ട് എനിക്ക് കുറച്ച്‌ നേരത്തേക്ക് സംസാരിക്കാന്‍ കഴിഞ്ഞില്ല.നൂറോ അതിലധികമോ ചെറിയ മെഴുകുതിരികള്‍ അവിടെ പ്രകാശം വിരിച്ചിരുന്നു.നനുത്ത രോമക്കുപ്പായം അണിഞ്ഞ് വന്ന അവള്‍ മെഴുകുതിരി വെട്ടത്തില്‍ അതീവസുന്ദരിയായിരുന്നു. കാമാതുരനായ ഞാന്‍ അവളെ എന്‍റെ കൈകളില്‍ കോരിയെടുത്ത് കിടപ്പുമുറിയിലേക്ക് പോയി.ഞങ്ങള്‍ ഉന്മാദത്തോടെ, രതിലീലകളിലേര്‍പ്പെട്ടു.' ഇതൊക്കെ വായിച്ച നിഹാരിക ആകെ ചൂടായെന്ന് മാത്രമല്ല പുസ്തകം വില്‍ക്കാന്‍ വേണ്ടി നവാസ് കെട്ടിച്ചമച്ച കഥകളാണ് എല്ലാമെന്ന് നിഹാരിക തുറന്നടിക്കുകയും ചെയ്തിരുന്നു.

nawazuddin siddiqui decides to withdraw his memoir

Nawazuddin Siddiqui apologises, decides to withdraw his memoir.