നസ്രിയയ്ക്കും ആലിയയ്ക്കും പിന്നാലെ ഹാൻഡ് ഇമോജി ചലഞ്ചുമായി നയൻതാരയും വിഘ്നേഷും!; വീഡിയോ കാണാം!

ലോകമെമ്പാടും കൊറോണ വൈറസ് വ്യാപിക്കുന്നതിന് തടയിടാനായി എല്ലാവരും വീട്ടിലിരിക്കാനുള്ള നിർദ്ദേശം പാലിക്കുകയാണ്. സിനിമാ സീരിയൽ ഷൂട്ടിങ്ങുകളടക്കം ഇതോടനുബന്ധിച്ച് നിർത്തിവെച്ചിരിക്കുകയാണ് ഇപ്പോൾ. അതുകൊണ്ടു തന്നെ താരങ്ങളുൾപ്പെടെയുള്ളവർ തിരക്കുകളൊക്കെ മാറ്റി വെച്ച് വിശ്രമവേളിയിലാണ്. ഈ അവസരത്തിൽ അവരവരുടെ വിനോദ വേളകളിലെ തമാശയും വിനോദവും കലർന്ന പ്രവൃത്തികൾ അവർ ആരാധകരുമായി പങ്കുവെക്കാറുമുണ്ട്.

Also Read: 'ആ മന്ത്രത്തിന് ഈ ലോകത്തെ രക്ഷിക്കാനാകും, നിങ്ങള്‍ക്ക് വെളിവില്ലാത്തത് ലാലേട്ടന്‍റെ കുറ്റമല്ല'; മോഹന്‍ലാലിന് പിന്തുണയുമായി ശ്രീകുമാർ മേനോൻ

അത്തരത്തിൽ തെന്നിന്ത്യൻ ലേഡി സൂപ്പർ സ്റ്റാർ നയൻതാര ഫേസ്ബുക്കിൽ പങ്കുവെച്ച ഒരു വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലാകുന്നത്. സംവിധായകനും തൻ്റെ കാമുകനുമൊത്തുള്ള സമയം നയൻതാര വളരെ ഫണ്ണാക്കി മാറ്റിയിരിക്കുകയാണ്. കഴിഞ്ഞ ദിവസം പ്രധാന മന്ത്രി നരേന്ദ്ര മോദി ആഹ്വാനം ചെയ്ത ജനതാ കർഫ്യൂവിൻ്റെ ഭാഗമായതായി ഇരുവരും സോഷ്യൽ മീഡിയയിലൂടെ അറിയിക്കുകയും ചെയ്തിരുന്നു.

Also Read: 'ഭൂമി തന്നെ സ്വര്‍ഗീയമാക്കാന്‍ വീട്ടില്‍ തന്നെ ഒരു കുഞ്ഞു സ്വര്‍ഗമുണ്ടാക്കൂ'; കൊറോണക്കാലത്തെ ചാക്കോച്ചൻ്റെ കുറിപ്പ്!

കൈകൾ കൊണ്ട് ഡാൻസിങ് ഇമോജികൾ കാട്ടിക്കൊണ്ടുള്ള ഒരു വീഡിയോ ആണ് ഇപ്പോൻ നയൻസ് ആരാധകരുമായി പങ്കു വെച്ചിരിക്കുന്നത്. വിഘ്നേഷും നയൻസിനൊപ്പം വീഡിയോയിലുണ്ട്. ഇത്തരത്തിൽ മുൻപ് നസ്രിയയും ഫഹദ്ഫാസിലും ഒരു വീഡിയോ പങ്കു വെച്ചിരുന്നു. ആലിയ ഭട്ടും ഇത്തരത്തിലൊരു വീഡിയോ നേരത്തേ പങ്കുവെച്ചിരുന്നു. വൈ2കെയുടെ പ്രശസ്ത ലാലാലാ ഗാനത്തിന് അനുസൃതമായാണ് നയൻതാരയും വിഘ്നേഷും കൈകൾ കൊണ്ട് ഇമോജികൾ കാട്ടിയിട്ടുള്ളത്.


Also Read: ആശുപത്രിയിൽ നിങ്ങൾ രോഗി മാത്രമാണ്, താരമല്ല; കനിക കപൂറിന്റെ ആരോപണങ്ങള്‍ക്ക് മറുപടിയുമായി അധികൃതര്‍

ഇരുവരും തമ്മിലുള്ള സിങ്ക് ഏറെ മികച്ചതാണെന്നും കോളിവുഡിൻ്റെ പ്രിയപ്പെട്ട പ്രണയജോഡികൾ തകർത്തെന്നുമൊക്കെയാണ് വീഡിയോയ്ക്ക് വരുന്ന കമൻ്റുകൾ. ഇരുവരും നിരന്തരം ഒരുമിച്ച് യാത്രകൾ ചെയ്യുകയും പ്രണയാർദ്രമായ ചിത്രങ്ങൾ സോഷ്യൽ മീഡിയയിലൂടെ പങ്കുവെക്കുകയും ചെയ്യാറുണ്ട്. ഇതെല്ലാം ആരാധകർ ഏറെ ആവേശത്തോടെയാണ് സ്വീകരിക്കാറുള്ളത്. ഇരുവരും സോഷ്യൽ മീഡിയയിൽ സജീവമായി നിൽക്കുന്ന രണ്ട് താരങ്ങൾ കൂടിയാണ്.