ദുബായിലാണ് താര ദമ്പതിമാര്‍
ഒരു വെക്കേഷനിലും ഇന്ത്യയ്ക്ക് പുറത്തേക്ക് പോകുന്നത് നയന്‍താരയുടെയും വിഘ്‌നേശിന്റെയും ഹോബിയാണ്. അങ്ങനെ അമ്മയുടെ ജന്മദിനം ആഘോഷിക്കുന്നതിനായി കുടുംബത്തോടെ ദുബായിലേക്ക് പോയിരിയ്ക്കുകയാണ് വിഘ്നേശ്. അവിടെ നിന്നുള്ള ഫോട്ടോകളും ആഘോഷത്തിന്റെ വീഡിയോകളും എല്ലാം ഇന്‍സ്റ്റഗ്രാമില്‍ പങ്കുവച്ചിരുന്നു.,
ഭാവിയിലേക്കുള്ള പരിശീലനം
അക്കൂട്ടത്തില്‍ പങ്കുവച്ച ഒരു ഇന്‍സ്റ്റഗ്രാം സ്‌റ്റോറിയിലാണ് നയന്‍താര ഉടന്‍ അമ്മയാവും എന്ന സൂചന വിഘ്നേശ് നല്‍കിയത്. മൂന്ന് കുഞ്ഞുങ്ങള്‍ക്കൊപ്പമുള്ള നയന്‍താരയുടെയും വിഘ്‌നേശിന്റെയും ഫോട്ടോയ്‌ക്കൊപ്പമാണ് ഇക്കാര്യം പറയുന്നത് 'കുട്ടികളുടെ സമയം, ഭാവിയിലേക്കുള്ള പരിശീലനം' എന്നാണ് ഫോട്ടോയ്ക്ക് ക്യാപ്ഷനായി നല്‍കിയിരിയ്ക്കുന്നത്.
ഉടനെ അമ്മ ആയേക്കും
വിഘ്നേശ് ശിവന്റെ ഇന്‍സ്റ്റഗ്രാം സ്‌റ്റോറി ഏറ്റെടുത്തിരിയ്ക്കുകയാണ് നയന്‍താര ഫാന്‍സ്. കുഞ്ഞുങ്ങള്‍ക്ക് വേണ്ടി അധികം കാത്തിരിയ്ക്കാന്‍ സാധ്യതയില്ല, ഉടനെ കുട്ടികളൊക്കെയായുള്ള കുടുംബമാണ് വിഘ്‌നേശിന്റെയും നയന്‍താരയുടെയും പ്ലാന്‍ എന്നൊക്കെയാണ് ആരാധകര്‍ക്കിടയിലെ സംസാരം.
നേരത്തെ വന്ന വാര്‍ത്ത
ഏറ്റെടുത്ത സിനിമകളുടെ കമ്മിറ്റ്‌മെന്റുകള്‍ കഴിഞ്ഞാല്‍ നയന്‍താര അമ്മയാവാനുള്ള തയ്യാറെടുപ്പുകള്‍ നടത്തിയേക്കും. നേരത്തെ, വിവാഹം കഴിഞ്ഞ ഉടന്‍ ഛര്‍ദ്ദിയും മറ്റ് ദേഹാസ്വസ്ഥതകളും കാരണം നയന്‍താരയെ ആശുപത്രിയില്‍ പ്രവേശിപ്പിച്ചിരുന്നു, ലേഡി സൂപ്പര്‍സ്റ്റാറിന് വിശേഷം എന്ന രീതിയിലാണ് അപ്പോള്‍ വാര്‍ത്തകള്‍ പുറത്ത് വന്നത്.