നസ്രിയയുടെ പുതിയ ഹെയര്‍ സ്റ്റൈൽ; ആരും കാണാത്ത ചിത്രം ഇതാ

വിവാഹശേഷം മലയാള സിനിമയിലേക്ക് തിരിച്ചെത്തിയ നസ്രിയ നസീം പിന്നാലെ കുമ്പളങ്ങി നൈറ്റ്സിൻ്റെ നിര്‍മ്മാതാവായാണ് പ്രേക്ഷകര്‍ക്ക് മുന്നിലേക്കെത്തിയത്. ചിത്രത്തിൻ്റെ പ്രൊമോഷൻ്റെ ഭാഗമായി പുറത്തുവിട്ട വീഡിയോയിൽ പ്രത്യക്ഷപ്പെട്ട നസ്രിയയുടെ പുതിയ ഹെയര്‍ സ്റ്റൈൽ ഏറെ ശ്രദ്ധേയമായിരുന്നു. അതിന് പിന്നാലെ നടി തൻ്റെ മുടിയുടെ നിറം മാറ്റിയിരിക്കുകയാണിപ്പോൾ. ഇതിൻ്റെ ചിത്രം താരത്തിൻ്റെ ഹെയര്‍സ്റ്റൈലിസ്റ്റ് ഇൻസ്റ്റാഗ്രാമിലൂടെ പങ്കുവെച്ചിട്ടുമുണ്ട്.

ബാംഗ്ലൂര്‍ ഡെയ്സ് എന്ന ചിത്രത്തിന് പിന്നാലെ നടൻ ഫഹദ് ഫാസിലിനെ വിവാഹം ചെയ്ത നസ്രിയ പിന്നീട് കൂടെ എന്ന ചിത്രത്തിലൂടെയാണ് തൻ്റെ സിനിമാ രംഗത്തേക്കുള്ള തിരിച്ചുവരവ് നടത്തിയത്. 2014ൽ ഓഗസ്റ്റ് 21നായിരുന്നു നസ്രിയ നസീമും ഫഹദ് ഫാസിലും വിവാഹിതരായത്.

ബാംഗ്ലൂര്‍ ഡെയ്‍സിന് ശേഷമുള്ള അഞ്ജലി മേനോന്‍ ചിത്രം എന്നതിനൊപ്പം റിലീസിന് മുന്‍പേ കാസ്റ്റിംഗ് കൊണ്ടും ശ്രദ്ധിക്കപ്പെട്ട സിനിമയായിരുന്നു കൂടെ. വിവാഹത്തിന് ശേഷം നസ്രിയ തിരിച്ചുവന്ന ചിത്രം ആരാധകര്‍ ഇരുകൈയ്യും നീട്ടിയാണ് സ്വീകരിച്ചത്.