സിനിമാലോകത്തെ ‌ഞെട്ടിച്ച് മാളവികയുടെ സ‍ര്‍പ്രൈസ് ഡാൻസ്

പണം വാരി പടങ്ങളുടെ ഈറ്റില്ലമായ തെലുങ്ക് സിനിമാലോകത്തെ ഞെട്ടിച്ച് നടി മാളവിക ശർമ്മ. തന്റെ ആദ്യ സിനിമയുടെ ഒാഡിയോ ലോഞ്ച് വേദിയിൽ തകർപ്പൻ ഡാൻ‌സ് കളിച്ച് തെലുങ്ക് പ്രേക്ഷകരുടെ പ്രിയങ്കരിയായി മാറിയിരിക്കുകയാണ് താരം. മുംബൈ സ്വദേശിനിയായ മാളവിക രവി തേജ നായകനാകുന്ന നെലാ ടിക്കറ്റ് എന്ന തന്റെ അരങ്ങേറ്റ ചിത്രത്തിന്റെ ഒാഡിയോ ലോഞ്ചിലാണ് സിനിമയിലെ നൃത്തത്തെ വെല്ലുന്ന പ്രകടനം കാഴ്ചവെച്ചത്.


അവതാരകർ ആവശ്യപ്പെട്ടയുടൻ ഒരു മടിയും കൂടാതെ സ്റ്റേജിലേക്ക് വന്ന് നൃത്തം ചെയ്തു മാളവിക. ചിത്രത്തിലെ ഗാനത്തിനൊപ്പം ഒാഡിയോ ലോഞ്ച് വേദിയിൽ നൃത്തം ചെയ്തവർക്കൊപ്പമായിരുന്നു മാളവികയുടെയും ഡാൻസ്. നായികയുടെ പ്രകടനത്തെ വലിയ ആവേശത്തോടെയാണ് സദസ്സ് സ്വീകരിച്ചത്. ഹോട്ട് ലുക്കിലെത്തിയ നടി അമിത മേനിപ്രദർശനം നടത്തിയെന്ന് ചിലർ വിമർശിക്കുമ്പോഴും താരത്തിന്റെ വസ്ത്രധാരണത്തിൽ തെറ്റൊന്നുമില്ലെന്ന് മറ്റൊരു കൂട്ടർ വാദിക്കുന്നുണ്ട്. രവി തേജയും പവൻ കല്യാണുമുൾപ്പെടുന്ന വലിയ സദസ്സിന്റെ മുന്നിലായിരുന്നു മാളവികയുടെ പ്രകടനം. നെലാ ടിക്കറ്റ് മെയ് 24–ന് തീയറ്ററുകളിലെത്തും.