ലാലേട്ടന്‍റെ കുടുംബത്തിലെത്തിയ പുത്തൻ അതിഥി

മലയാളികളുടെ പ്രിയതാരം ലാലേട്ടന്‍റെ വീട്ടിൽ പുതിയൊരു അംഗം കൂടി എത്തിയിരിക്കുകയാണ്. ഫേസ്ബുക്കിലൂടെയാണ് താരം ഇക്കാര്യം പങ്കുവെച്ചത്. 'സ്പാർക്' എന്ന പുതിയ അംഗത്തോടൊപ്പം എന്ന അടികുറിപ്പോടെയാണ് ഫേസ്ബുക്കിൽ ചിത്രം പങ്കുവച്ചിരിക്കുന്നത്. നിമിഷങ്ങൾക്കുള്ളിൽ തന്നെ ആരാധകർ ചിത്രം ഏറ്റെടുക്കുകയും ചെയ്തു.



താര രാജാവിന്‍റെ വീട്ടില്‍ വളരാനും ഒരു യോഗം വേണം എന്നാണ് ഒരാൾ പോസ്റ്റിനു താഴെയായി കമന്‍റിട്ടിരിക്കുന്നത്. തിരക്കിനിടയില്‍ സ്പാര്‍ക്കിന് ഭക്ഷണം കൊടുക്കാന്‍ മറക്കരുതെ എന്നും കമന്‍റ് ചെയ്തിട്ടുണ്ട്. ഒടിയനു വേണ്ടിയുള്ള തയ്യാറെടുപ്പ് തുടങ്ങി എന്നറിയിക്കാനാണ് ഈ പോസ്‌റ്റെന്നാണ് മറ്റു ചിലരുടെ കമന്‍റ്. ഇതിനോടകം തന്നെ നിരവധിപേർ ഈ ഫോട്ടോ പങ്കുവെച്ചിട്ടുമുണ്ട്.

New member in Mohanlal's family

Mohanlal's picture with 'Spark' goes viral on Facebook.