മേജർ രവി ചിത്രത്തിൽ മോഹൻലാലിനൊപ്പം നിക്കിയും

മേജര്‍ രവി മോഹന്‍ലാലിനെ നായകനാക്കി ഒരുക്കുന്ന '1971: ബിയോണ്ട് ബോർഡേസി'ല്‍ തെന്നിന്ത്യന്‍ സുന്തരി നിക്കി ഗല്‍റാണിയും. ചിത്രത്തില്‍ അല്ലു സിരിഷിന്റെ പ്രണയിനിയുടെ വേഷത്തിലാണ് നിക്കി എത്തുക. പൊള്ളാച്ചിയിലാണ് നിക്കിയുടെ ഭാഗങ്ങൾ ചിത്രീകരിക്കാൻ തീരുമാനിച്ചിരിക്കുന്നത്.

മേജർ രവിയുടെ ചിത്രത്തിന്റെ കരാറിൽ ഒപ്പിടാൻ പോകുന്നതെയുള്ളുവെന്നും ചർച്ചകൾ നടക്കുകയാണെന്നും നിക്കി പറയുന്നു. ശ്രീശാന്ത് മലയാളത്തിൽ അരങ്ങേറ്റം കുറിക്കുന്ന ടീം 5 എന്ന ചിത്രത്തിലെ നായിക നിക്കിയാണ്.

ഇപ്പോൾ അഞ്ചു തമിഴ് ചിത്രങ്ങളുടെ തിരക്കിലാണ് താരം. വിക്രം പ്രഭുവിനൊപ്പമുള്ള നെരുപ്പ് ഡാ, ജീവ നായകനാവുന്ന കീ, ഗൗതം കാർത്തിക്കിന്റെ ഹര ഹര മഹാദേവകി എന്നീ ചിത്രങ്ങളിലാണ് നിക്കി അഭിനയിച്ച് കൊണ്ടിരിക്കുന്നത്. 1983 എന്ന നിവിൻ പോളി ചിത്രത്തിലൂടെയാണ് താരം മലയാളത്തിൽ ശ്രദ്ധിക്കപ്പെട്ടുതുടങ്ങിയത്.

nikki with mohanlal in major ravi film