തുടങ്ങിയിട്ടേയുള്ളൂ തെളിയിക്കാനായി ഇനിയും ഒരുപാടുണ്ടെന്ന് നിവിൻ പോളി

സൂപ്പർ സ്റ്റാർ പദവി തനിക്കൊട്ടും ചേരില്ലെന്നാണ് നിവിൻ പോളി പറയുന്നത്. തന്നെ കൈകളിലെത്തിച്ചേരുന്ന കഥാപാത്രങ്ങൾ നല്ലരീതിയിൽ ചെയ്ത് വിജയിപ്പിക്കാൻ ശ്രമിക്കുന്ന ഒരു സാധാ നടനാണ് താൻ. ഇപ്പോൾ തുടങ്ങിയിട്ടേയുള്ളൂ, തെളിയിക്കാനായി ഇനിയും ഒരുപാട് കിടക്കുന്നുണ്ട്. സിനിമയില്‍ അഭിനയിച്ചുകൊണ്ടിരിക്കുമ്പോള്‍ തന്ന പലരും ബിസിനസിലേക്ക് തിരിയാറുണ്ട്. സിനിമയ്ക്കിടയിൽ ബിസിനസ് ചെയ്യാൻ പോയാൽ എല്ലാം പോകും. ഒന്നിനും പിന്നെ ഒരു നിലനിൽപ്പുണ്ടാകില്ല. അത്തരമൊരു നീക്കം തന്നില്‍ നിന്നും ഉണ്ടാകില്ലെന്നാണ് നിവിൻ പറയുന്നത്.



രണ്ട് പടങ്ങളങ്ങ് ഹിറ്റാകുമ്പോഴേക്കും കോടികളുടെ കാറുവാങ്ങുന്നവരെ ഞാൻ കണ്ടിട്ടുണ്ട്. പിന്നീട് ഈ കടം വീട്ടാനാണ് പാട്. കിട്ടുന്ന പടങ്ങളൊക്കെ ചെയ്യേണ്ടിവരും ആ കടം വീട്ടണമെങ്കിൽ. അക്കാരണത്താൽ ചിലപ്പോൾ നല്ല സിനിമകൾ കിട്ടിയെന്നും വരില്ല. പ്രമുഖ മാധ്യമത്തിന് നൽകിയ അഭിമുഖത്തിലാണ് താരം ഇക്കാര്യം വ്യക്തമാക്കിയത്.



താരപദവി കൈ വന്നതിന് ശേഷമാണ് നിവിൻ കൂടുതൽ വിവാദങ്ങളിൽ അകപ്പെട്ടത്. വിളിച്ചാല്‍ ഫോണ്‍ എടുക്കില്ല, മോഹന്‍ലാല്‍ വിളിച്ചിട്ട് പോലും അദ്ദേഹത്തിന്‍റെയൊപ്പം അഭിനയിക്കാൻ നിവിൻ തയ്യാറായില്ല എന്നൊക്കെയുള്ള വിവാദങ്ങൾ നിവിന്‍റെ പേരിൽ ചാർത്തിയിരുന്നു. പ്രിയദര്‍ശന്‍റെ ഗീതാഞ്ജലി എന്ന ചിത്രത്തില്‍ മോഹന്‍ലാലിനൊപ്പം അഭിനയിക്കാൻ നിവിനെ വിളിച്ചപ്പോൾ ലാലിനൊപ്പം അഭിനയിച്ചാല്‍ താന്‍ സെക്കന്‍റ് ഹീറോ ആയിപ്പോവും എന്ന് പറഞ്ഞ് നിവിൻ ഒഴിവായി എന്നൊക്കെയായിരുന്നു വാർത്തകൾ.

ഏറ്റവും ഒടുവില്‍ നാന സിനിമാ വാരിക നിവിന്‍ മലയാള സിനിമയുടെ ശാപമാണെന്ന് എന്നുകൂടി പറഞ്ഞു. ഹേ ജൂഡിന്‍റെ സെറ്റിലെത്തിയ നാനയുടെ മാധ്യമപ്രവര്‍ത്തകരോട് നിവിന്‍ അപമര്യാദയായി പെരുമാറി, ഫോട്ടോ എടുക്കാന്‍ സമ്മതിച്ചില്ല എന്നുപറഞ്ഞ ഫേസ്ബുക്ക് കുറിപ്പായിരുന്നു വൈറലായത്.

Nivin Pauly Talks About stardome

Nivin Pauly says he does not deserve the title of Superstar.He would like to be an ordinary actor who can do the 100 % justice to the character.