Also Read: സൂം കോൾ വഴി ഓഡിഷൻ, സർപ്രൈസ് ഗിഫ്റ്റുമായി നയന്‍താര! 'നിഴൽ' താരം ഐസിൻ ഹാഷിന്‍റെ വിശേഷങ്ങൾ
'നിഴലി'ൽ നിന്ന് ഹോളിവുഡിലേക്ക്
അറുപതിലേറെ ഇംഗ്ലീഷ്, അറബിക് പരസ്യങ്ങളില്‍ അഭിനയിക്കുകയും മോഡലാകുകയും ചെയ്ത ഐസിന്‍ ഹാഷ് ആദ്യമായി അഭിനയിച്ച സിനിമയാണ് നിഴല്‍. കിന്‍ഡര്‍ ജോയ്, ഫോക്സ്-വാഗൺ, നിഡോ, വാര്‍ണര്‍ ബ്രോസ്, ലൈഫ്‌ബോയ്, വാവെയ്, ഹെയിൻസ് തുടങ്ങി നിരവധി പരസ്യ ചിത്രങ്ങളിലും ഐസിൻ അഭിനയിച്ചിട്ടുണ്ട്. നിഴലിലെ പ്രകടനം ഏറെ ശ്രദ്ധ നേടിയിരുന്നു.
അന്താരാഷ്ട്ര മോഡൽ
ദുബായ്, അബുദാബി ഗവൺമെന്‍റുകളുടെ പരസ്യങ്ങളിലും സ്ഥിരസാന്നിധ്യമാണ് ഐസിൻ. ഇംഗ്ലണ്ട് ഫുട്ബാള്‍ ടീമിന്‍റെയും ലിവര്‍പൂളിന്‍റെയും നായകനായിരുന്ന ഫുട്ബോള്‍ ഇതിഹാസം സ്റ്റീവന്‍ ജെറാര്‍ഡിനെ ആറാമത്തെ വയസ്സില്‍ ഇന്‍റര്‍വ്യൂ ചെയ്ത്, അന്താരാഷ്ട്ര തലത്തിലും ഐസിന്‍ ശ്രദ്ധ നേടുകയുണ്ടായി. ഇപ്പോഴിതാ ഹോളിവുഡിൽ അരങ്ങേറുകയാണ് ഐസിൻ.
ഹോളിവുഡ് അരങ്ങേറ്റം
'നോർത്ത് ഓഫ് ദി ടെൻ' എന്ന ചിത്രത്തിലൂടെയാണ് ഹോളിവുഡിൽ ഐസിൻ അരങ്ങേറ്റംകുറിച്ചത്. വ്യത്യസ്തമായ കഴിവുകളുള്ള 5 സുഹൃത്തുക്കളുടെ കഥപറയുന്ന ഒരു കോമഡി ചിത്രമാണ് 'നോർത്ത് ഓഫ് ദി ടെൻ'. ചിക്കാഗോയിലും അബൂദാബിയിലുമായി ചിത്രീകരിക്കുന്ന സിനിമയുടെ അബൂദാബി ഷെഡ്യൂളിലാണ് ഐസിൻ അഭിനയിച്ചിരിക്കുന്നത്.
Also Read: ‘ബാഹുബലി’യിൽ വാമിഖ ഗബ്ബിയ്ക്കൊപ്പം നയൻതാരയും? റിപ്പോർട്ടുകളിലെ സത്യാവസ്ഥ ഇതാണ്!
ഓസ്കാർ ജേതാവിനൊപ്പം
അമേരിക്കക്കാരനായ റെയാൻ ലാമെർ സംവിധാനം ചെയ്യുന്ന ചിത്രത്തിൽ ഓസ്കാർ അവാർഡ് ജേതാവ് ടെറൻസ് ജെ, ഡോൺ ബെഞ്ചമിൻ, മാറ്റ് റിഫ്, ടോസിൻ, വെസ്‌ലി ആംസ്ട്രോങ് തുടങ്ങിയവരാണ് പ്രധാന താരങ്ങൾ. അറബ് ലോകത്ത് ഏറെ ശ്രദ്ധേയനായ റാപ്പറായ ഫ്രീക്കിന്‍റെ 'കാഫി' എന്ന മ്യൂസിക് വീഡിയോയിലും കുറച്ച് നാൾ മുമ്പ് ഐസിന്‍ അഭിനയിച്ചിരുന്നു.