ദിലീപിന്‍റെ ജാമ്യാപേക്ഷ ഹൈക്കോടതി തള്ളി

കൊച്ചി: നടി ആക്രമിക്കപ്പെട്ട കേസിലെ ഗൂഢാലോചനകുറ്റം ചുമത്തി അറസ്റ്റ് ചെയ്യപ്പെട്ട ദിലീപിന്‍റെ ജാമ്യാപേക്ഷ ഹൈക്കോടതി തള്ളി. പ്രതി വലിയ സ്വാധീനം ഉള്ള വ്യക്തിയാണെന്നും പുറത്തിറങ്ങിയാൽ തെളിവുകൾ നശിപ്പിക്കപ്പെടും എന്നും പ്രോസിക്യൂട്ടർ ഹൈക്കോടതിയിൽ ബോധിപ്പിച്ചിരുന്നു

ദിലീപിന്‍റെ ജാമ്യഹർജിയിലെ വാദം കഴിഞ്ഞ ദിവസം പൂർത്തിയായിരുന്നു. വിധി പ്രഖ്യാപിക്കുന്നത് ഇന്നത്തേക്ക് മാറ്റി വെക്കുകയായിരുന്നു. ജാമ്യം നിഷേധിച്ചതിനെ തുടർന്ന് ദിലീപ് റിമാൻഡിൽ തുടരും. അതെ സാമയം, ദിലീപിന്‍റെ റിമാൻഡ് കാലാവധി നാളെ അവസാനിക്കും. അന്വേഷണം പുരോഗമിക്കുന്ന ഈ അവസരത്തിൽ ദിലീപ് പുറത്തുവരുന്നത് അന്വേഷണത്തെ ബാധിക്കുമെന്ന പ്രോസിക്യൂട്ടറുടെ വാദം ഹൈക്കോടതി അംഗീകരിച്ചു. സാക്ഷികളെ ദിലീപ് സ്വാധീനിച്ചേക്കുമെന്നും പ്രോസിക്യൂട്ടർ വാദിച്ചിരുന്നു.

ദിലീപ് വളരെ വേഗം ജാമ്യത്തിനായി ഇനി സുപ്രീം കോടതിയെ സമീപിച്ചേക്കും. എന്നാൽ അവിടെയും ജാമ്യം ലഭിക്കാനുള്ള സാധ്യത കുറവാണെന്നാണ് നിയമവിദഗ്ദ്ധർ ചൂണ്ടിക്കാട്ടുന്നു. ഇനിയുള്ള അറസ്റ്റുകൾ വളരെ വേഗം നടക്കുമെന്നും റിപ്പോർട്ടുകൾ സൂചിപ്പിക്കുന്നു.


No bail for Dileep from High Court

High Court denied to grant bail for Dileep in conspiracy case behind the actress attack.