പാര്‍വതിയെ കുറിച്ച് പറയാന്‍ ഞാന്‍ ആളല്ലെന്ന് ഫഹദ് ഫാസിൽ

നടി പാര്‍വതിയെ കുറിച്ച് പറയാന്‍ ഞാന്‍ ആളല്ലെന്ന് നടൻ ഫഹദ് ഫാസിൽ. മാതൃഭൂമി ഓണ്‍ലൈനിന് നല്‍കിയ അഭിമുഖത്തിലാണ് താരം ഈ പരാമര്‍ശം നടത്തിയത്. തിയേറ്ററുകളില്‍ മികച്ച അഭിപ്രായങ്ങൾ മാത്രം നേടി മുന്നേറുന്ന ടേക്ക് ഓഫ് എന്ന ചിത്രത്തിന്‍റെ വിശേഷങ്ങൾ പങ്കുവെക്കുകയായിരുന്നു താരം. ചിത്രത്തിലെ പാര്‍വതിയുടെ അഭിനയ മികവിനെ കുറിച്ച് സംസാരിക്കുകയായിരുന്നു ഫഹദ്.

മോഹന്‍ലാലും മമ്മൂട്ടിയും ഉൾപ്പെടെ പല പ്രമുഖരും ചിത്രത്തെയും കഥാപാത്രങ്ങളെയും പുകഴ്ത്തി മുൻപ് രംഗത്ത് വന്നിരുന്നു. ഇവരുടെയെല്ലാം അഭിനന്ദനം പകര്‍ന്ന ഊര്‍ജം വലുതാണെന്നും ഫഹദ് ഓര്‍മിക്കുന്നു. ഇനി ഇതുപോലെ ഒരു ചിത്രം തന്‍റെ ജീവിതത്തിലുണ്ടാകില്ലെന്നും ഫഹദ് കൂട്ടിച്ചേര്‍ത്തു. സ്റ്റാര്‍ കാസ്റ്റിങിലെ പുതുമയാണ് ടേക്ക് ഓഫിന്‍റെ ഒരു പ്രത്യേകത. എല്ലാവരും അവരുടെ കഥാപാത്രങ്ങളെ അസാധാരണമാക്കി ചെയ്തെന്നും ഫഹദ് അഭിപ്രായപ്പെട്ടു. പാര്‍വ്വതി എന്ന നടിയെ കുറിച്ച് പറയാന്‍ താന്‍ ആളല്ലെന്നും കഥാപാത്രത്തിലേക്കുള്ള ആ കഥാകാരിയുടെ ഇറങ്ങി ചെല്ലല്‍ വേഷത്തെ പ്രേക്ഷകരുമായി ഏറെ അടുപ്പിക്കുന്നുവെന്നും ഫഹദ് അഭിപ്രായപ്പെട്ടു.

No words for Actress Parvathy: Says Fahad Fazil

Actor Fahad Fazil opinioned that Actress Parvathy is beyond the words.