കാവ്യാ മാധവന്റെ നാരായണി ടീച്ചർക്ക് വീടായി; ഇനി ഒറ്റമുറിയോട് ബൈ പറയാം!

ഒറ്റമുറി ക്വാര്‍ട്ടേഴ്സില്‍നിന്ന് നാരായണി ടീച്ചര്‍ കൊച്ചു വാടക വീട്ടിലെത്തിയ വാർത്ത റിപ്പോർട്ട് ചെയ്യുന്നത് മാതൃഭൂമിയാണ്. മസ്‌കറ്റിലെ ടവല്‍ എന്‍ജിനിയറിങ് ഗ്രൂപ്പിന്റെ സ്ഥാപക സി.ഇ.ഒ.യും മാനേജിങ് ഡയറക്ടറുമായ ബാലാജി ശ്രീനിവാസൻ ആണ് ടീച്ചറെ സഹായിക്കാനെത്തിയത്. തത്ക്കാലം ടീച്ചറെയും കുടുംബത്തെയും വാടകവീട്ടിലേക്ക് മാറ്റിക്കൊണ്ട് പുതിയ വീട് നിര്‍മിച്ചുകൊടുക്കാൻ ആണ് ബാലാജി പദ്ധതിയിടുന്നതെന്നാണ് റിപ്പോർട്ട്.

തന്റെ പതിനഞ്ചാം വയസ്സിൽ തുടങ്ങിയ ട്യൂഷൻ എടുപ്പാണ് ടീച്ചർ. പത്താം ക്‌ളാസും ഹിന്ദി വിദ്വാനും കഴിഞ്ഞതാണ് നാരായണി. കുഞ്ഞുമക്കൾക്ക് എല്ലാ വിഷയങ്ങളും ടീച്ചർ എടുക്കാറുണ്ട്. ടീച്ചർ പഠിപ്പിച്ച എല്ലാ കുട്ടികളും ഉയർന്ന മാർക്കോടെയാണ് പത്താം ക്ലാസ് പാസ്സായിട്ടുള്ളത്. നീലേശ്വരം രാജാസ് ഹൈസ്‌കുളില്‍നിന്ന് 1971-ല്‍ എസ്.എസ്.എല്‍.സി. ജയിച്ച ടീച്ചർ കുടുംബത്തിന് അത്താണിയാകാന്‍ ആണ് പഠിപ്പിക്കല്‍ തുടങ്ങിയത്.

കുറേക്കാലം മുൻപ് വരെ കാവ്യ തന്നെ നിരന്തരം വിളിക്കാറുണ്ടായിരുന്നുവെന്നും എന്നാൽ ദിലീപിന്റെ വിഷയങ്ങൾ വന്ന ശേഷം അവൾ ഇപ്പൊ എന്നെ വിളിക്കാറില്ല എന്നും ടീച്ചർ അടുത്തിടെ പറഞ്ഞിരുന്നു. തനിക്ക് കാവ്യയെ ഒരുപാട് ഇഷ്ടം ആണെന്നും ഇപ്പോഴും പഴനിയിൽ അവൾക്കായി പാലഭിഷേകം കഴിക്കാറുണ്ടെന്നും ടീച്ചർ വ്യക്തമാക്കിയിരുന്നു. വീഡിയോ വൈറൽ ആയിരുന്നു എങ്കിലും കാവ്യയുടെ ഭാഗത്തുനിന്നും യാതൊരു പ്രതികരണവും ഉണ്ടായിരുന്നില്ല.

കാവ്യ പഠന സമയത്ത് ഒരുപാട് മിടുക്കി ആയിരുന്നു. ഡാന്സിലും പാട്ടിലും എല്ലാം ബ്രൈറ്റ് ആയിരുന്നു ഓള്. തന്നെയും കൂട്ടി അമ്പലങ്ങളിൽ കാവ്യ പോയിട്ടുണ്ട്. പഴനിയിൽ വഴിപാടിന് കൊടുക്കുമ്പോൾ അവർ ചോദിച്ചിട്ടുണ്ട് എങ്ങനെ നടിയെ കിട്ടിയെന്ന്, അപ്പോൾ അതിനു മറുപടിയായി ടീച്ചറിന്റെ കുട്ടിയാണ് താനെന്നു പറയാൻ കാവ്യ പറഞ്ഞിട്ടുണ്ടെന്നും നാരായണി ടീച്ചർ പറഞ്ഞിരുന്നു.