'ഒടിയൻ' വിമാനത്താവളത്തിൽ; ഞെട്ടി ആരാധകർ

വിമാനത്താവളത്തിലെത്തിയ മോഹന്‍ലാലിനെ കണ്ട് ഞെട്ടിയിരിക്കുകയാണ് ആരാധക‍ർ. തടി കുറച്ചുള്ള ലാലിന്റെ പുതിയ രൂപം ഇതിനോടകം തന്നെ സോഷ്യല്‍ മീഡിയയില്‍ വൈറലായി മാറിയിട്ടുണ്ട്. 51 ദിവസം നീണ്ട പരിശീലനത്തിന് ശേഷം ലാലിന്റെ ശരീരഭാരം 18 കിലോ കുറച്ചത്.


മണിക്കൂറുകളോളം വെയിലത്തും തണുപ്പിലും കിടത്തിയും വെള്ളം പോലും അളന്നു തൂക്കി കുടിച്ചുമെല്ലാമാണ് ഇതിലേക്ക് നടന്നെത്തിയതെന്ന് താരം വെളിപ്പെടുത്തുന്നു.ഇപ്പോള്‍ മോഹന്‍ലാലിന്റെ പുതിയ രൂപത്തിലുള്ള ചിത്രങ്ങള്‍ സോഷ്യല്‍ മീഡിയയില്‍ വൈറലായിരിക്കുകയാണ്. വിമാനത്താവളത്തില്‍ നിന്നുള്ള ചിത്രങ്ങളാണ് പ്രചരിക്കുന്നത്. കറുത്ത ബനിയനും ഷാളും കൂളിങ് ഗ്ലാസും ധരിച്ചെത്തിയ താരത്തെ പെട്ടെന്ന് ആര്‍ക്കും മനസ്സിലാക്കാന്‍ കഴിഞ്ഞില്ല.