പ്രശസ്‍ത നടന്‍ ഓംപുരി അന്തരിച്ചു

ന്യൂഡൽഹി: ഇന്ത്യൻ സിനിമയിലെ അതുല്യപ്രതിഭയായിരുന്ന ഓംപുരി ഹൃദയാഘാതത്തെ തുടർന്ന് അന്തരിച്ചു. ഇന്ന് രാവിലെയായിരുന്നു അന്ത്യം. 66 വയസായിരുന്നു. അർദ്ധ് സത്യ, ആക്രോശ്, ജാനേ ഭി ദോ യാരോ, ഭാവ്‌നി ഭവായി, മിർച് മസാല, ധാരാവി തുടങ്ങിയവയാണ് അദ്ദേഹത്തിന്‍റെ എക്കാലത്തെയും മികച്ച ചിത്രങ്ങളിൽ ചിലത്.

പൂനെ എഫ്‍ടിഐഐയിൽ നിന്ന് സിനിമാപഠനം പൂർത്തിയാക്കിയ ഓംപുരി 1982 ൽ ആരോഹണ്‍ എന്ന ചിത്രത്തിലെ അഭിനയത്തിന് ദേശീയ പുരസ്‌കാരം കരസ്ഥമാക്കി. മികച്ച നാടക നടന്‍ കൂടിയായിരുന്നു ഒാംപുരിക്ക് നാടകകലയോട് എന്നും തീരാത്ത അഭിനിവേശം തന്നെയായിരുന്നു.

1988ൽ രേവതിക്കൊപ്പം ലെനിൻ രാജേന്ദ്രൻ സംവിധാനം ചെയ്‌ത പുരാവൃത്തം എന്ന മലയാള സിനിമയിലും ഓം പുരി അഭിനയിച്ചു. കഴിഞ്ഞ വർഷം ജയറാമിനൊപ്പം ആടുപുലിയാട്ടം എന്ന ചിത്രത്തിലും ശ്രദ്ധേയമായ വേഷം ചെയ്‌തു. ​ ഹിന്ദി, ഇംഗ്ളീഷ്,മലയാളം,മറാത്തി തുടങ്ങിയ ഭാഷകളില്‍ ഒാംപുരി അഭിനയിച്ചിട്ടുണ്ട്.

Om Puri passed away

Veteran actor OmPuri died after a massive cardiac arrest