'പ്രണയത്തിലായി, ഹൃദയത്തകര്‍ച്ചകളുണ്ടായി'; തന്റെ ഇരുപതുകളെ കുറിച്ച് മീര നന്ദന്‍

മലയാളികളുടെ പ്രിയപ്പെട്ട നടിമാരില്‍ ഒരാളാണ് മീര നന്ദന്‍. അവതാരകയായി എത്തി പിന്നീട് നായികയായി മാറിയ താരം. ഇപ്പോള്‍ വിദേശത്ത് ആര്‍ജെ ആയും തിളങ്ങുകയാണ് മീര. കഴിഞ്ഞ ദിവസമായിരുന്നു മീര തന്റെ 30-ാം ജന്മദിനം ആഘോഷിച്ചത്. ഈ അവസരത്തില്‍ തന്റെ 20കളിലേക്ക് ഒന്നു തിരിഞ്ഞു നോക്കുകയാണ് മീര. സോഷ്യല്‍ മീഡിയയില്‍ താരം പങ്കുവച്ച കുറിപ്പ് ശ്രദ്ധ നേടുകയാണ്.

Also Read: 'മഹാമാരിയിലും പട്ടിണി കിടന്ന് മരിക്കാതെ നമ്മളെ കാത്തവരാണ്'; കര്‍ഷക മാര്‍ച്ചിന് പിന്തുണ, പോലീസിനെതിരെ പ്രതിഷേധവുമായി വാമിഖ

''എന്റെ 20 കളിലേക്ക് തുറന്ന മനസോടെ തിരഞ്ഞു നോക്കുമ്പോള്‍, ഞാന്‍ ഒരുപാട് പഠിച്ചുവെന്ന് തുറന്ന് സമ്മതിക്കണം. കഴിഞ്ഞ പതിറ്റാണ്ടില്‍ ഒരുപാട് പഠിച്ചു, ഒരുപാട് ആസ്വദിച്ചു. ഒരുപാട് ആദ്യാനുഭവങ്ങളുമുണ്ടായി. ഇന്നത്തെ എന്നിലേക്ക് എത്തിച്ചേരാന്‍ ഒന്നും മാറ്റാനാകില്ല. കയറ്റങ്ങളും ഇറക്കങ്ങളും''. മീര പറയുന്നു.

''അഭിനയത്തോടൊപ്പം തന്നെ ബിരുദം നേടാനായി. ദുബായിലേക്ക് താമസം മാറി. ഞാന്‍ ഇന്ന് ഏറെ ഇഷ്ടപ്പെടുന്ന റെഡിയോയില്‍ പയറ്റി നോക്കി. സ്വന്തം കാലില്‍ നില്‍ക്കുകയും സ്വാതന്ത്ര്യത്തില്‍ ഇഷ്ടം കണ്ടെത്തുകയും ചെയ്തു. പ്രണയത്തിലായി. ബ്രേക്ക് അപ്പുകളുണ്ടായി. ആദ്യം എന്നെ തന്നെ സ്നേഹിക്കണമെന്ന് പഠിച്ചു. എന്ത് സംഭവിച്ചാലും കുടുംബത്തിനാണ് പ്രഥമ പരിഗണന എന്നു മനസിലാക്കി'' മീര പറയുന്നു.

Also Read: എല്ലാവരും കാത്തിരുന്ന ചിത്രമെത്തി; ആയിഷയുടെ വിവാഹ നിശ്ചയ ചടങ്ങിൽ ശ്രദ്ധാകേന്ദ്രമായി മീനാക്ഷി

''പുതിയ സുഹൃത്തുക്കളേയും ആത്മാര്‍ത്ഥ സുഹൃത്തക്കളേയും സ്വന്തമാക്കി. മഹാമാരി കാലത്തും നല്ല ദിനങ്ങള്‍ വരുമെന്ന പ്രതീക്ഷയുണ്ട്. എന്റെ 20 കള്‍ നല്ലതായിരുന്നു. 30കള്‍ കൂടുതല്‍ നല്ലതാകുമെന്ന് കരുതുകയും ചെയ്യുന്നു'' മീര കൂട്ടിച്ചേര്‍ത്തു.