പാർവതിയു​ടെ പരാതിയിൽ ഒരാൾ അറസ്​റ്റിൽ

കൊച്ചി: സാമൂഹ്യമാധ്യമങ്ങളിലൂടെ തന്നെ വ്യക്തിഹത്യ ചെയ്യുന്നുവെന്ന നടി പാർവതിയുടെ പരാതിയിൽ ഒരാൾ അറസ്റ്റിൽ. വടക്കാഞ്ചേരി സ്വദേശി പ്രിന്‍റോയാണ് അറസ്റ്റിലായത്. ഇന്ന് ഉച്ചക്ക് ശേഷം ഇയാളെ കോടതിയിൽ ഹാജരാക്കും. പാർവതിക്കെതിരെയുള്ള പോസ്റ്റുകൾ സാമൂഹ്യ മാധ്യമങ്ങളിൽ പ്രചരിപ്പിക്കുന്നതിന് നേതൃത്വം നൽകിയെന്നാണ് ഇയാൾക്കെതിരെയുള്ള കേസ്.

എറണാകുളം സൗത്ത് പൊലീസാണ് പ്രിന്‍റോയെ അറസ്റ്റ് ചെയ്തത്. ആരുടെയെല്ലാം അകൗണ്ടുകളിൽ കൂടെയാണ് പോസ്റ്റുകൾ പ്രചരിപ്പിക്കപ്പെട്ടതെന്ന് കണ്ടെത്തുന്നതിന് പോലീസ് ഫേസ്‍ബുക്കിന്‍റെ സഹായവും തേടി. പോസ്റ്റുകൾ പ്രചരിപ്പിച്ച കൂടുതൽ പേരുടെ വിവരങ്ങൾ പൊലീസിന് ലഭിച്ചു. കൂടുതൽ അറസ്റ്റുകൾ താമസിയാതെ ഉണ്ടാകും.