സാമൂഹ്യ മാധ്യമങ്ങളിൽ ആണഭിപ്രായങ്ങൾ നിറയുന്നു: ഗായിക സിതാര

സാമൂഹ്യ മാധ്യമങ്ങളിലെ ആണ്‍ അഭിപ്രായ പ്രകടനത്തെ വിമര്‍ശിച്ച് സായിക സിതാര കൃഷ്ണകുമാര്‍ രംഗത്ത്. കഴിഞ്ഞദിവസം നടി ദിവ്യപ്രഭ നേരിട്ട സംഭവത്തെ കുറിച്ചുള്ള വാര്‍ത്തക്ക് വന്ന കമന്‍റുകളാണ് സിതാരയെ ചൊടിപ്പിച്ചത്. കഴിഞ്ഞദിവസം നഗരത്തിൽ വെച്ച് തന്നെ വായന്നോക്കിയവനെ ഓടിച്ചിട്ട് പിടിച്ചതും തുടര്‍ന്നുള്ള സംഭവങ്ങളും ടേക്ക് ഓഫിൽ പാര്‍വതിക്കൊപ്പം അഭിനയിച്ച ദിവ്യപ്രഭ ഫേസ്ബുക്കിൽ കുറിച്ചിരുന്നു. ഇതാണ് വാര്‍ത്തയായത്. ഈ വാര്‍ത്തക്ക് താഴെ ആണ്‍ കോയ്മ പ്രകടമാകുന്ന വിധത്തിലുള്ള കമന്‍റുകൾ നിറഞ്ഞതിനെ ചൂണ്ടിക്കാട്ടിക്കൊണ്ടാണ് സിതാര ഫേസ്ബുക്കിൽ കുറിച്ചത്.



പ്രമുഖ മലയാളം ഒൺലെെൻ വാര്‍ത്താപോര്‍ട്ടലിൽ വന്ന ഇത് സംബന്ധിച്ച വാർത്തക്ക് താഴെ കണ്ട അഭിപ്രായങ്ങൾ വേദനാജനകം എന്നേ പറയാനുള്ളുവെന്ന് സിതാര പറയുന്നു. 100 ശതമാനം ആൺ അഭിപ്രായങ്ങളുടെയും ഭാഷയാണ് അവിടെ കണ്ടതെന്നും അതെഴുതുമ്പോളുള്ള മാനസികാവസ്ഥ, ധീരത എല്ലാം ഒരു അസ്വസ്ഥത ഉണ്ടാക്കുന്നെന്നും സിതാര പറയുന്നു. ദിവ്യപ്രഭയുടെ അഭിപ്രായങ്ങളോട് നിങ്ങൾക്ക് യോജിക്കാം വിയോജിക്കാം...പക്ഷെ അത് രേഖപ്പെടുത്തുന്ന ഭാഷയുടെ മാന്യത വളരെ പ്രധാനപ്പെട്ടതാണെന്നും തങ്ങളുടെ എതിർപ്പ് വെളിവാക്കുന്ന തിരക്കിൽ ,പുറത്തുവരുന്നത് സ്ത്രീത്വം ,വസ്ത്രധാരണം , സിനിമയിലെ സ്ത്രീകൾ പോലുള്ള പല വിഷയങ്ങളിലെ പൊതു പുരുഷാഭിപ്രായമാണെന്നും ഗായിക ചൂണ്ടിക്കാട്ടുന്നു.

Opinions by men are increasing in Social Media: Singer Sithara Krishnakumar

playback singer Sithara Krishnakumar opinioned that Men opinions are increasing in social media