സണ്ണിയുടെ വിവാഹ റിസപ്ഷനിൽ തിളങ്ങി 'ഒരു അഡാറ് ലവ് താരം': വീഡിയോ കാണൂ

കഴിഞ്ഞ ദിവസം വിവാഹിതനായ മലയാളസിനിമയിലെ യുവതാരനിരയിൽ ശ്രദ്ധേയനായ സണ്ണി വെയ്ൻ കഴിഞ്ഞ ദിവസമായിരുന്നു വിവാഹസൽക്കാരം നടത്തിയത്. സിനിമയിലെ സുഹൃത്തുക്കൾക്കായി താരം വിവാഹ സൽക്കാരച്ചടങ്ങ് നടത്തിയത് ഇന്നലെ കൊച്ചിയിൽ വെച്ചായിരുന്നു. ചേരാനല്ലൂര്‍ ഇടശ്ശേരി റിസോര്‍ട്ടിൽ വെച്ചാണ് പരിപാടി നടന്നത്. സിനിമാ മേഖലയിലെയും മാധ്യമങ്ങളിലെയുമായി അഞ്ഞൂറോളം പേര്‍ മാത്രമാണ് ചടങ്ങിൽ പങ്കെടുത്തത്. താരങ്ങളുടെ വിവാഹ സൽക്കാരച്ചടങ്ങിൻ്റെ ഏറ്റവും പുതിയ ചിത്രങ്ങളും വീഡിയോയും പുറത്ത് വന്നിരിക്കുകയാണിപ്പോൾ.


അതേസമയം നടൻ്റെ വിവാഹ സൽക്കാര ചടങ്ങിൽ ഒരു അഡാ‍ര്‍ ലവ് എന്ന ചിത്രത്തിലെ നായകൻ റോഷൻ അബ്ദുൾ റഹൂഫ് പങ്കെടുത്താണ് ഇപ്പോൾ ശ്രദ്ധേയമാകുന്നത്. റോഷൻ വിവാഹത്തിൽ പങ്കെടുത്തത് സണ്ണി വെയ്ൻ്റെ ഭാര്യ രഞ്ജിനിയുമായുള്ള ഏറെക്കാലത്തെ സൗഹൃദബന്ധം കൊണ്ടാണ്. ബാല്യകാല സുഹൃത്തായ കോഴിക്കോട് സ്വദേശിനി രഞ്ജിനിയെയാണ് സണ്ണി ജീവിത സഖിയാക്കിയിരിക്കുന്നത്.


ഡാൻസറാണ് രഞ്ജിനി. മിനിസ്ക്രീനിൽ തിളങ്ങി നിന്ന മുഖമാണ് രഞ്ജിനിയുടേത്. മഴവിൽ മനോരമയുടെ പ്രശസ്ത ഡാൻസ് പരിപാടിയായിരുന്ന ഡി ഫോര്‍ ഡാൻസിൻ്റെ മൂന്നാം ഭാഗത്തിൽ മത്സരിച്ച ചട്ടമ്പീസ് എന്ന ഡാൻസ് ടീമിലെ അംഗമായിരുന്നു രഞ്ജിനി. രഞ്ജിനിക്കൊപ്പം അതേ ഡാൻസ് റിയാലിറ്റി ഷോയിൽ തന്നെ മത്സരാര്‍ത്ഥിയായിരുന്നു റോഷനും. റോഷൻ കുടുംബസമേതം വിവാഹത്തിലും പങ്കെടുക്കാനെത്തിയിരുന്നു.

വീഡിയോ കടപ്പാട്: സെല്ലുലോയിഡ് ഫിലിം മാഗസിൻ

വിവാഹ സൽക്കാരത്തിൽ ദുൽഖറും ഭാര്യ അമാലും സാനിയ ഇയ്യപ്പനും സ്രിന്ദയും ശ്രിത ശിവദാസും നനീരജ് മാധവും അടക്കമുള്ള വലിയ താരനിര തന്നെ എത്തിയിരുന്നു. രഞ്ജിനിയുടെ സുഹൃത്തുക്കളുടെ ഒരു വലിയ കൂട്ടവും അവിടെയുണ്ടായിരുന്നു. ഡി ഫോർ ഡാൻസ് എന്ന റിയാലിറ്റി ഷോയിലൂടെ പ്രശസ്തരായ നർത്തകരെല്ലാം സൽക്കാരച്ചടങ്ങിലെത്തിയിരുന്നു. ഇവരുടെ വക തട്ടുപൊളിപ്പൻ ഡാൻസും അവിടെ അരങ്ങേറി. രഞ്ജിനിയുടെ ഡാൻസ് ടീമായ ചട്ടമ്പീസും കുക്കുവും പ്രണവും നാസിഫ് അപ്പുവും റംസാനും അടക്കം വേദിയിൽ തകർത്താടി. വീഡിയോ കാണൂ.