അനുശ്രീ ഇത്രത്തോളം സിമ്പിളാണ്; കണ്ടു പഠിക്കാൻ സംവിധായകൻ സുജിത്ത്

നടി അനുശ്രീയുടെ സിമ്പ്ലിസിറ്റി നമുക്കെല്ലാവര്‍ക്കും അറിയാവുന്ന കാര്യമാണ്. പല വേളകളിലും നാം അത് മനസിലാക്കിയിട്ടുമുണ്ട്. നടിയുടെ ഈ വലിയ സവിശേഷത കണ്ടു പഠിക്കാൻ പറയുകയാണ് സംവിധായകൻ സുജിത്ത്. അനുശ്രീയെ പ്രധാനകഥാപാത്രമാക്കി പ്രശസ്ത ഛായാഗ്രാഹകനും സംവിധായകനുമായ സുജിത്ത് വാസുദേവ് ഒരുക്കുന്ന ചിത്രമായ ഓട്ടർഷയുടെ ഷൂട്ടിങ്ങിനിടെ നടന്ന ഒരു സംഭവമാണ് വീഡിയോയിൽ പകര്‍ത്തി സുജിത്ത് പുറത്ത് വിട്ടിരിക്കുന്നത്. ജെയിംസ് ആന്‍ഡ് ആലിസ് എന്ന ചിത്രത്തിന് ശേഷം സുജിത്ത് സംവിധാനം ചെയ്യുന്ന ചിത്രമാണ് ഓട്ടര്‍ഷ.

ഷൂട്ടിങിനിടെ നടി അനുശ്രീ സഹതാരത്തെ സഹായിക്കുന്ന വീഡിയോ ആണ് സുജിത്ത് പ്രേക്ഷകർക്കായി പങ്കുവച്ചിരിക്കുന്നത്.

സംവിധായകൻ ഫേസ്ബുക്കിലൂടെ വീഡിയോ പങ്കുവെച്ചു കൊണ്ട് കുറിച്ചതാണ് ഇക്കാര്യം.


അനുശ്രീ ഓട്ടോ ഡ്രൈവറായി എത്തുന്ന ചിത്രത്തിനായി ഓട്ടോ ഓടിക്കാൻ പ്രത്യേക പരിശീലനവും നടി ആര്‍ജ്ജിച്ചിരുന്നു. കഴിഞ്ഞ ദിവസമാണ് ചിത്രത്തിന്‍റെ ഷൂട്ടിങ് ആരംഭിച്ചത്.