ഞങ്ങളൊന്നിച്ച് ചെറിയൊരു പാട്ട് ചെയ്യാന്‍ തീരുമാനിച്ചു! അമൃതയ്‌ക്കൊപ്പമുള്ള വീഡിയോയുമായി ഗോപി സുന്ദര്‍

ഐഡിയ സ്റ്റാര്‍ സിംഗര്‍ റിയാലിറ്റി ഷോയിലൂടെയായി ശ്രദ്ധ നേടിയ താരമാണ് അമൃത സുരേഷ്. റിയാലിറ്റി ഷോയ്ക്ക് ശേഷം നിരവധി അവസരങ്ങളായിരുന്നു താരത്തിന് ലഭിച്ചത്. സിനിമയക്ക് പുറമെ സ്റ്റേജ് പരിപാടികളുമായും അമൃത സജീവമാണ്. അമൃതം ഗമയ മ്യൂസിക് ബാന്‍ഡും യൂട്യൂബ് ചാനലുമൊക്കെയായി തന്റെ വിശേഷങ്ങളെല്ലാം പങ്കുവെക്കാറുണ്ട് അമൃത. ബാലയുമായുള്ള പ്രണയവിവാഹം വിവാഹമോചനത്തിലേക്ക് എത്തിയതിനെക്കുറിച്ചും അമൃത തുറന്നുപറഞ്ഞിരുന്നു. ഇനിയുള്ള ജീവിതം മകള്‍ക്ക് വേണ്ടിയുള്ളതാണെന്നും താരം പറഞ്ഞിരുന്നു.
അടുത്തിടെയായിരുന്നു ഗോപി സുന്ദറും അമൃതയും തങ്ങളുടെ പ്രണയം പരസ്യമാക്കിയത്. ഗോപി സുന്ദറിനോട് ചേര്‍ന്നുനിന്നുള്ളൊരു ഫോട്ടോയുമായാണ് അമൃത എത്തിയത്. ഞങ്ങളൊന്നിച്ചുവെന്നും കൊച്ചിയിലും ഹൈദരാബാദിലുമായി കഴിയാനാണ് പ്ലാനെന്നും ഗോപി സുന്ദര്‍ വ്യക്തമാക്കിയിരുന്നു. നിരവധി പേരായിരുന്നു ഇവരെ രൂക്ഷമായി വിമര്‍ശിച്ചത്. വിമര്‍ശനങ്ങളൊന്നും തങ്ങളെ ബാധിക്കില്ലെന്നും ഇരുവരും പറഞ്ഞിരുന്നു. ഒരു പണിയുമില്ലാതെ മറ്റൊരാളുടെ ജീവിതത്തെക്കുറിച്ച് വിമര്‍ശിക്കുന്നവര്‍ക്ക് പുട്ടും മുട്ടക്കറിയും സമര്‍പ്പിക്കുന്നുവെന്നായിരുന്നു ഗോപി സുന്ദറിന്റെ മറുപടി. തന്റെ വീടിന്റെ ഗേറ്റിന് വെളിയില്‍ നടക്കുന്ന വിമര്‍ശനങ്ങളൊന്നും താന്‍ മൈന്‍ഡ് ചെയ്യാറില്ല. വീട്ടിനകത്ത് വന്ന് ആരെങ്കിലും ഇതേക്കുറിച്ച് ചോദിച്ചാല്‍ വ്യക്തമായി പ്രതികരിക്കുമെന്നും അദ്ദേഹം വ്യക്തമാക്കിയിരുന്നു.
അമൃതയും ഗോപിയും അവരുടെ ജീവിതം തീരുമാനിച്ചതിന് ഇത്രയധികം വിമര്‍ശനങ്ങളെന്തിനാണെന്നായിരുന്നു മിക്കവരും ചോദിച്ചത്. മറ്റൊരാളുടെ വ്യക്തിജീവിതത്തെക്കുറിച്ച് കമന്റ് ചെയ്യുന്നത് ശരിയല്ലെന്നായിരുന്നു സോഷ്യല്‍മീഡിയയിലേയും ചര്‍ച്ചകള്‍. മോശം കമന്റുകളൊക്കെ കണ്ട് ആദ്യമൊക്കെ കരയുമായിരുന്നു, ഇപ്പോള്‍ അതൊക്കെ കൂളായി എടുക്കാന്‍ പഠിച്ചുവെന്നായിരുന്നു അമൃത പറഞ്ഞത്. സ്വപ്‌നതുല്യമാണെന്ന് പലരും വിശേഷിപ്പിക്കുന്ന തരത്തിലുള്ള ജീവിതമായിരുന്നു. സംഗീതമൊക്കെ വേണ്ടെന്ന് വെച്ച് മറ്റൊരു ജീവിതത്തിലേക്ക് പോവാനായി തീരുമാനിച്ചത് താനായിരുന്നുവെന്നും അത് തെറ്റായെന്ന് മനസിലായപ്പോള്‍ തിരുത്തിയെന്നും അമൃത പറഞ്ഞിരുന്നു. സിംഗിള്‍ പേരന്റിംഗ് വലിയ ചലഞ്ചാണെന്നും അമൃത മുന്‍പ് പറഞ്ഞിരുന്നു. എല്ലാവിധ സ്വാതന്ത്ര്യവും നല്‍കിയാണ് മകളെ വളര്‍ത്തുന്നത്. ആണ്‍പെണ്‍ വ്യത്യാസമില്ലാതെയാണ് അച്ഛനും അമ്മയും തങ്ങളെ വളര്‍ത്തിയത്, അതേപോലെ തന്നെയായാണ് മോളെയും വളര്‍ത്തുന്നതെന്നും അമൃത പറഞ്ഞിരുന്നു.