ജൂഡ് ആന്തണിയോട് OMKV പറഞ്ഞ് പാർവതി

കൊച്ചി: തന്നെ സര്‍ക്കസ് കൂടാരത്തിലെ കുരങ്ങെന്ന് വിളിച്ച്‌ അധിക്ഷേപിച്ച സംവിധായകന്‍ ജൂഡ് ആന്തണി ജോസഫിനോട് OMKV പറഞ്ഞ് നടി പാര്‍വതി രംഗത്ത്. തന്റെ ട്വിറ്റര്‍ പേജിലൂടെയാണ് പാര്‍വതിയുടെ പ്രതികരണം. OMKV എന്നെഴുതി കൈ ചൂണ്ടികാട്ടുന്നത് ഒരു തുണിയില്‍ ആലേഖനം ചെയ്ത ചിത്രമാണ് പാര്‍വതി ടീറ്റ് ചെയ്തത്. 'എല്ലാ സര്‍ക്കസ് മുതലാളിമാരോടും' എന്നും പാര്‍വതി ചിത്രത്തിനൊപ്പം കുറിച്ചുവച്ചിട്ടുണ്ട്.

To all the circus muthalimaar!!! #feminichispeaking pic.twitter.com/sTVtz6rldE — Parvathy T K (@parvatweets) December 18, 2017
ഫേസ്ബുക്കിലൂടെയായിരുന്നു ജൂഡിന്റെ ആക്ഷേപം. മുതലാളിമാര്‍ പറയുന്നതിനനുസരിച്ച്‌ ഓടുകയും ചാടുകയും ചെയ്ത് അഭ്യാസിയായി മാറിയ സര്‍ക്കസ് കൂടാരത്തിലെ ഒരു കുരങ്ങ് പ്രശസ്തിയാര്‍ജിച്ചപ്പോള്‍ തന്റെ മുതലാളിമാരെ തെറി പറയുന്നുവെന്നാണ് പാര്‍വതിയെ ഉന്നം വെച്ചുകൊണ്ട് ജൂഡ് പറയുന്നത്. ഈ കുരങ്ങിന് ആദ്യമേ സര്‍ക്കസ് കൂടാരം വേണ്ടെന്നുവെച്ചു പോകാമായിരുന്നു എന്നും അങ്ങനെ ചെയ്താല്‍ ആരറിയാന്‍ അല്ലേ എന്നും ജൂഡ് ചോദിച്ചു. പോസ്റ്റില്‍ പാര്‍വതിയുടെ പേരെടുത്ത് പറഞ്ഞിരുന്നില്ലെങ്കിലും പോസ്റ്റില്‍ വന്ന ചില കമന്റുകളിലെ പ്രതികരണം പാര്‍വതിയെ ലക്ഷ്യം വച്ചതോടെയാണ് ചർച്ച ആ വഴിക്ക് തിരിഞ്ഞത്.

ജൂഡിനെ എതിർത്തും പിന്തുണച്ചും പലരും രംഗത്തെത്തിയതോടെ സംഭവം വീണ്ടും വൈറലായിരിക്കുകയാണ്.