തരിണിക്ക് പാർവതിയുടെ സ്നേഹ സമ്മാനം; ആന്റി നിങ്ങളെ ഞാൻ ഒരുപാട് സ്നേഹിക്കുന്നുവെന്ന് മറുപടി!

എന്ത് ആഘോഷം വന്നാലും കുടുംബത്തോടൊപ്പമുള്ള ചിത്രം ജയറാമിന്റെ കുടുംബത്തിന് നിര്‍ബന്ധമാണ്. അല്ലാതെയും അമ്മയും അച്ഛനും മക്കളും നില്‍ക്കുന്ന ഫോട്ടോ നിമിഷ നേരം കൊണ്ട് സോഷ്യല്‍ മീഡിയയില്‍ വൈറലാവാറുണ്ട്. ഇപ്പോഴിതാ കാളിദാസിന്റെ സുഹൃത്ത് തരിണിയുടെ പിറന്നാൾ ദിനം പാർവതി പങ്കിട്ട ഒരു ചിത്രമാണ് സോഷ്യൽ മീഡിയ ഏറ്റെടുത്തിരിക്കുന്നത്.

കാളിദാസും തരിണിയും മാളവികയും പാര്‍വതിയുമടക്കം എല്ലാവരും ഒരു കട്ടിലില്‍ പുതച്ച് മൂടി കിടക്കുന്ന മനോഹരമായൊരു കാഴ്ചയാണ് പാര്‍വതി പങ്കുവെച്ചത്. 'എന്റെ പ്രിയപ്പെട്ട തരണി കലിംഗരായര്‍ക്ക് ഹൃദയത്തില്‍ നിന്നും ജന്മദിനാശംസകള്‍', എന്നാണ് ചിത്രത്തിന് ക്യാപ്ഷനായി പാര്‍വതി കൊടുത്തത്. പാർവതിയുടെ പോസ്റ്റിന് നന്ദി പറഞ്ഞ് തരണി എത്തുകയും ചെയ്തു. താങ്ക് യൂ സൊ മച്ച് ഐ ലവ് യൂ സൊ മച്ച് എന്നാണ് തരിണി കമന്റിട്ടത്.

ALSO READ: അവന്‍ എങ്ങിനെ അതിനുള്ളില്‍ ഒതുങ്ങി കൂടി, ഓര്‍ക്കുമ്പോള്‍ കുറ്റബോധം തോന്നുന്നു; മകനെ കുറിച്ച് വിജയ് അശോക്
2021 ലെ മിസ്സ് യൂണിവേഴ്‌സ് തേര്‍ഡ് റണ്ണറപ്പര്‍ ആയിരുന്നു തരുണി. വിഷ്വല്‍ കമ്യൂണിക്കേഷനില്‍ ബിരുദദാരിയാണ് താരം. കാളിദാസും തരുണിയും അടുത്ത സുഹൃത്തുക്കളാണ്. ഓണത്തിന് കാളിദാസിന്റെ കുടുംബത്തിനൊപ്പം നിന്ന് എടുത്ത ഫോട്ടോ തരുണിയും തന്റെ ഇന്‍സ്റ്റഗ്രാമില്‍ പങ്കുവച്ചിരുന്നു.

ഓണത്തിന് ആണ് കാളിദാസ് ആദ്യമായി തന്റെ കാമുകിയെ പരിചയപ്പെടുത്തിയത്. കുടുംബ ചിത്രത്തില്‍ തരുണിയെ കണ്ടപ്പോള്‍ മുതല്‍ പലരും, ഇത് കാളിദാസിന്റെ കാമുകിയാണോ എന്ന സംശയം പ്രകടിപ്പിച്ചിരുന്നു. എന്നാല്‍ പുതിയ ഫോട്ടോ പങ്കുവച്ചതോടെ ആ ചോദ്യത്തിനുള്ള ഉത്തരം കിട്ടി എന്ന് കമന്റ് എഴുതിയവരുണ്ട്.

പ്രണയിച്ച് വിവാഹിതരായവരാണ് പാര്‍വതിയും ജയറാമും. പാര്‍വതിയുടെ അമ്മയ്ക്ക് ഇവരുടെ പ്രണയം ഇഷ്ടമായിരുന്നില്ല. ഇവര്‍ ഒരുമിച്ച് അഭിനയിക്കുന്ന സെറ്റുകളിലെല്ലാം അമ്മയും ഉണ്ടാവാറുണ്ട്. ഷോട്ട് റെഡി എന്ന് പറയുമ്പോഴാണ് അമ്മ പാര്‍വതിയുടെ അടുത്ത് നിന്നും മാറുന്നത്. ശുഭയാത്രയുടെ സമയത്ത് ഷൂട്ടാണെന്ന് പറഞ്ഞ് ഞങ്ങളെ മാത്രം കാറില്‍ കയറ്റിയിരുന്നു. അമ്മ അതിന് പിന്നാലെ മറ്റൊരു കാറില്‍ വന്നിരുന്നു. ഭയങ്കര പ്രൊട്ടക്ടീവായിരുന്നു അമ്മ എന്നൊരിക്കൽ പ്രണയ കഥ പങ്കിട്ടുകൊണ്ട് ജയറാം പറഞ്ഞിരുന്നു.