പെട്ടെന്നാരു വിളി വരികയായിരുന്നു
അപ്രതീക്ഷിതമായിരുന്നു ആ വിളിയെന്ന് ഷംന പറയുന്നു. മനോരമ ന്യൂസ് ഡോട്ട് കോമിന് നല്കിയ അഭിമുഖത്തിലായിരുന്നു ഷംന മനസ് തുറന്നത്. പെട്ടെന്നാരു വിളി വരികയായിരുന്നു. സാരി ഉടുത്തുള്ള ഫോട്ടോകള് അയച്ചു കൊടുക്കണമെന്ന് സിനിമയുടെ അണിയറ പ്രവര്ത്തകര് പറഞ്ഞുവെന്നും ഷംന പറയുന്നു.
അങ്ങനെയാണ് ശശികലയാകുന്നത്
തന്റെ കെെയ്യില് സാരി ഉടുത്തുള്ള വളരെ കുറച്ച് ഫോട്ടോകള് മാത്രിയിരുന്നു ഉണ്ടായിരുന്നത്. അത് അയച്ചു. അവര്ക്ക് ഇഷ്ടമായി. അങ്ങനെയാണ് താന് ശശികലയാകുന്നതെന്ന് ഷംന പറയുന്നു. മികച്ചൊരു അവസരമായാണ് കഥാപാത്രത്തെ കാണുന്നതെന്നും താരം പറഞ്ഞു.
വലിയ സിനിമയുടെ ഭാഗം
ഇത്ര വലിയൊരു സിനിമയുടെ ഭാഗകമാകാന് കഴിയുന്നതിലും എഎല് വിജയിയെ പോലൊരു സംവിധായകനൊപ്പം പ്രവര്ത്തിക്കാന് കഴിയുന്നതിലും സന്തുഷ്ടയാണ് താനെന്നും ഷംന പറയുന്നു.
കങ്കണയ്ക്കൊപ്പം
കങ്കണയ്ക്കൊപ്പം അഭിനയിക്കുന്നതിനെ കുറിച്ചും ഷംന മനസ് തുറന്നു. കങ്കണയുടെ ക്വീന് അടക്കമുള്ള സിനിമകള് പല തവണ കണ്ടിട്ടുണ്ട്. അവരോട് ആരാധനയുണ്ടെന്നും ഷംന പറഞ്ഞു. ഹിന്ദി പഠിക്കാന് തന്നെ സഹായിച്ചതും കങ്കണയാണെന്നും ഷംന പറഞ്ഞു.
വെല്ലുവിളി നിറഞ്ഞ വേഷം
കഥാപാത്രം വെല്ലുവിളി നിറഞ്ഞതാണെന്ന് ഷംന പറയുന്നു. പ്രിയാമണിയാണ് ആദ്യം ഈ വേഷം ചെയ്യാനിരുന്നതെന്ന് വാര്ത്തകളുണ്ടെങ്കിലും തനിക്ക് അതേക്കുറിച്ച് അറിയില്ലെന്നും താരം വ്യക്തമാക്കുന്നു.