ഗായകൻ നജീം അർഷാദിനും തസ്നിക്കും ആൺകുഞ്ഞ്

മലയാളത്തിൽ നിരവധി ഹിറ്റ് ഗാനങ്ങളിലൂടെ ശ്രദ്ധേയനായ നജീം അര്‍ഷാദിനും ഭാര്യ തസ്നി താഹ(കികി)യ്ക്കും കുഞ്ഞ് പിറന്നു. ബ്ലെസ്ഡ് വിത്ത് എ ബേബി ബോയ് എന്നുകാണിച്ച് നജീം തന്നെയാണ് ഫേസ്ബുക്കിൽ വാര്‍ത്ത പങ്കുവെച്ചിരിക്കുന്നത്.

2007-ൽ ഐഡിയ സ്റ്റാര്‍ സിംഗര്‍ റിയാലിറ്റി ഷോയിൽ വിജയിയായതോടെയാണ് നജീം താരമായത്. മിഷൻ 90 ഡെയ്സിലൂടെയാണ് നജീം മലയാളസിനിമയിൽ പിന്നണി ഗായകനായി അരങ്ങേറ്റം കുറിച്ചത്. ശേഷം കാസനോവ, ഡോ.ലവ്, ഡയമണ്ട് നെക്ലേസ്, ട്രിവാൻഡ്രം ലോഡ്ജ്, അയാളും ഞാനും തമ്മിൽ, ഡാ തടിയാ, ദൃശ്യം, വെള്ളിമൂങ്ങ, വെള്ളിനക്ഷത്രം, ജോമോന്‍റെ സുവിശേഷങ്ങള്‍, എന്‍റെ ഉമ്മാന്‍റെ പേര്, ഇരുപത്തിയൊന്നാം നൂറ്റാണ്ട്, മിആൻഡ്‍മിസ് റൗഡി തുടങ്ങി നിരവധി ചിത്രങ്ങളിൽ നജീം പാടുകയുണ്ടായി. 1971-ബിയോണ്ട് ബോഡേഴ്സ് എന്ന ചിത്രത്തിലെ രണ്ട് ഗാനങ്ങള്‍ക്ക് സംഗീതസംവിധാനം നിര്‍വ്വഹിച്ചിട്ടുമുണ്ട്. ഒന്നും പറയാതെ, ഐ ആം ഹിയര്‍, മായാതെ, മഞ്ഞിൽ, ജോവാന തുടങ്ങി നിരവധി ഹിറ്റ് ഗാനങ്ങളിലും നജീം പാടിയിട്ടുണ്ട്. ദൃശ്യത്തിലെ മാരിവിൽ കുട നീര്‍ത്തി എന്ന ഗാനത്തിന് കേരള ഫിലിം ക്രിട്ടിക്സ് അസ്സോസിയേഷൻ പുരസ്കാരം ലഭിച്ചിട്ടുമുണ്ട്.