ദൃശ്യങ്ങളിൽ പോലീസ് ലൈംഗികാതിക്രമം സ്ഥിരീകരിച്ചു

കൊച്ചി: കൊച്ചിയിൽ നടിയെ ആക്രമിക്കപ്പെട്ട സംഭവത്തിൽ അറസ്റ്റ് അനിവാര്യമാകുന്നു. കേസുമായി ബന്ധപ്പെട്ട് പോലീസിനു ലഭിച്ച ദൃശ്യങ്ങളില്‍ നടിയും സുനിയും ഉള്‍പ്പെട്ടിട്ടുള്ളതായി പോലീസ് സ്ഥിരീകരിച്ചു. ഓടുന്ന വാഹനത്തില്‍ നടിയെ ശാരീരികമായി അപമാനിക്കുന്നതിന്‍റെ ദൃശ്യങ്ങളാണ് പോലീസ് പരിശോധിച്ച് സ്ഥിരീകരിച്ചത്. ദൃശ്യങ്ങൾ ക്രൂരമായ ലൈംഗികാക്രമണം നടന്നതായി വ്യക്തമാക്കുന്നതാണ്.

നടിക്ക് ശാരീരികമായി ബുദ്ധിമുട്ടുള്ള ദിവസമാണ് ആക്രമണം നടന്നത്. പ്രതി ഇത് തിരിച്ചറിഞ്ഞ് ബലപ്രയോഗത്തിലൂടെ പ്രകൃതിവിരുദ്ധവേഴ്ചക്ക് ശ്രമിക്കുന്നതും ദൃശ്യങ്ങളിലുണ്ടെന്നും റിപ്പോര്‍ട്ടുണ്ട്. ദൃശ്യങ്ങൾ കേസില്‍ ഏറ്റവും നിര്‍ണായകമായ തെളിവായാണെന്ന് ഉന്നത പോലീസ് കേന്ദ്ര വൃത്തങ്ങള്‍ വ്യക്തമാക്കി.

പോലീസ് മേധാവി ലോക്‌നാഥ് ബെഹ്‌റ ഉള്‍പ്പെടെയുള്ള സംഘമാണ് ദൃശ്യങ്ങള്‍ പരിശോധിച്ചത്. രണ്ടരമിനിറ്റ് ദൈര്‍ഘ്യമുള്ള ദൃശ്യങ്ങളാണ് പരിശോധനക്ക് വിധേയമാക്കിയത്. കേസിലെ അന്വേഷണ ഉദ്യോഗസ്ഥനായ ക്രൈംബ്രാഞ്ച് ഐ.ജി. ദിനേന്ദ്ര കശ്യപാണ് ദൃശ്യങ്ങൾ പോലീസ് ആസ്ഥാനത്ത് എത്തിച്ചത്. ദൃശ്യം ചോരാതിരിക്കാന്‍ പ്രത്യേകം ശ്രദ്ധിക്കണമെന്ന കര്‍ശനനിര്‍ദേശം പോലീസ് മേധാവി നല്‍കിയിട്ടുണ്ട്.

കേസിലെ ബാഹ്യ ഇടപെടലുകൾ തൂര്‍ത്തും അസാധ്യമാക്കിക്കൊണ്ടുള്ള പോലീസ് മേധാവി ലോക്നാഥ് ബെഹ്റയുടെ കര്‍ശനനിലപാട് മൂലമാണ് അന്വേഷണസംഘത്തിന് കേസന്വേഷണം ഇവിടെ വരെ എത്തിക്കാൻ കഴിഞ്ഞതെന്നാണ് അറിയാൻ കഴിയുന്നത്. കേസിൽ ഉന്നതര്‍ അടക്കം ഉള്‍പ്പെട്ടിട്ടുണ്ടെന്നും സ്ഥിരീകരിച്ചിട്ടുണ്ട്. എന്നാൽ ചെറു വീഴ്ചകൾ പോലും പോലീസിനെയും സര്‍ക്കാരിനെയും പ്രതിക്കൂട്ടില്‍ നിര്‍ത്തുമെന്നത് കണക്കാക്കി എല്ലാ പഴുതുകളുമടച്ചതിന് ശേഷം മാത്രം അറസ്റ്റിലേക്കു നീങ്ങിയാല്‍ മതിയെന്നാണ് പ്രത്യേക നിര്‍ദ്ദേശം. നടി പീഡിപ്പിക്കപ്പെട്ടെന്ന് വ്യക്തമാക്കുന്ന തെളിവുകള്‍ ലഭിച്ച സാഹചര്യത്തില്‍ പോലീസ് ഇനി കൃത്യത്തിനു പിന്നിൽ പ്രേരകമായ ഗൂഢാലോചന തെളിയിക്കുന്നതിനുള്ള അവസാനവട്ട ശ്രമത്തിലാണ്.

Police Confirmed sexual harassment in Video Clip regarding Actress Case

Police Confirmed sexual harassment in Video Clip regarding Actress Case, Pulsar Suni and Actress are there in Video, police declared