നച്ചുമ്മയ്ക്ക് പിറന്നാളാശംസകളുമായി പൂർണിമയും ഇന്ദ്രനും; ആംശംസ നേർന്ന് ആരാധകരും!

നക്ഷത്രയുടെ ചിത്രം പങ്കുവെച്ചുകൊണ്ടാണ് പൂർണിമയും ഇന്ദ്രജിത്തും പ്രിയപ്പെട്ട മകൾക്ക് പിറന്നാളാശംസ കുറിച്ചിരിക്കുന്നത്. പതിനൊന്ന് വർഷത്തെ അൺകണ്ടീഷണൽ ലവ് എന്ന് കുറിച്ചാണ് പൂർണിമ പിറന്നാളാശംസ അറിയിച്ചത്. എൻ്റെ കുഞ്ഞിപ്പെണ്ണിന് ഹാപ്പി ബർത്ത്ഡേ. #countingmyblessings #mamasgirl എന്നീ ഹാഷ്ടാഗിനോടൊപ്പമാണ് പൂർണിമ ആശംസ കുറിച്ചിരിക്കുന്നത്.

Also Read: നടി അനശ്വര വിവാഹിതയാവുന്നു; ചിത്രങ്ങൾ

ഇന്ദ്രജിത്ത് പങ്കുവെച്ചിരിക്കുന്ന ആശംസയും ഹൃദയസ്പർശിയാണ്. എൻ്റെ പ്രിയപ്പെട്ട നച്ചുമ്മയ്ക്ക് പിറന്നാളാശംസകൾ. താരകങ്ങളോളം നിന്നെ അച്ഛൻ സ്നേഹിക്കുന്നുവെന്നാണ് ചിത്രം പങ്കുവെച്ചുകൊണ്ട് ഇന്ദ്രജിത്ത് കുറിച്ചിരിക്കുന്നത്. #nakshatra #birthdaygirl എന്നീ ഹാഷ്ടാഗിനൊപ്പമാണ് ഇന്ദ്രജിത്ത് ആശംസ കുറിച്ചിരിക്കുന്നത്.

Also Read: വാരിയംകുന്നന്‍: പൃഥ്വിയ്ക്കെതിരെ സെെബര്‍ ആക്രമണം

ഇതിനോടകം നക്ഷത്ര അച്ഛൻ ഇന്ദ്രജിത്തിനൊപ്പം ടിയാൻ എന്ന ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ചുകഴിഞ്ഞു. തുടർന്ന് ചില ഹ്രസ്വ ചിത്രങ്ങളിലും പരസ്യ ചിത്രങ്ങളിലുമൊക്കെ നക്ഷത്ര അഭിനയിച്ചിട്ടുണ്ട്. ഇൻസ്റ്റാഗ്രാമിൽ സജീവമായ നക്ഷത്ര തൻ്റെ പാചക പരീക്ഷണങ്ങളൊക്കെ എല്ലാവരുമായും പങ്കുവെച്ചിരുന്നു.

Also Read: സിനിമയെ ആര്‍ക്കാണ് പേടി? അസ്ഥിത്വം ഇല്ലാത്തവര്‍ക്കോ

ഇൻസ്റ്റാഗ്രാമിൽ നിരവധി ഫോളോവേഴ്സുള്ള നക്ഷത്ര തൻ്റെ ലോക്ക് ഡൌൺ വിശേഷങ്ങളും എല്ലാവരുമായും പങ്കുവെച്ചിരുന്നു. ചെറിയച്ഛൻ പൃഥ്വിരാജിൻ്റെ മകളും കസിനുമായ അല്ലിയുമായി കളിക്കുന്നതിൻ്റെ ചിത്രങ്ങളും വീഡിയോ വിശേഷങ്ങളുമൊക്കെ നക്ഷത്ര ആരാധകരുമായി പങ്കുവെച്ചിരുന്നു. പ്രിയപ്പെട്ട താരപുത്രിയുടെ പിറന്നാൾ ദിനത്തിൽ ആശംസകളുമായി ആരാധകരും രംഗത്തെത്തിയിരുന്നു.

Also Read: ജയസൂര്യയുടെ 'സൂഫിയും സുജാതയും' ജൂലൈ 3ന്