'എൻ്റെ സ്നേഹത്തിൻ്റെ വലയം'; സൂപ്പർക്യൂട്ട് ചിത്രം പങ്കുവെച്ച് പൂർണിമ!

നമ്മിൽ മിക്കവർക്കും ഈ സമയങ്ങളിൽ ജീവിതത്തെ നേരിടാൻ വളരെ ബുദ്ധിമുട്ടാണെന്ന് കുറിച്ചുകൊണ്ടാണ് പൂർണിമ സുന്ദരമായ ചിത്രം പങ്കുവെച്ചിരിക്കുന്നത്. എങ്കിലും ഞങ്ങൾ ഒരുപാട് കാരണങ്ങൾ കൊണ്ട് സവിശേഷപ്പെട്ടവരാണ്. പൂർണിമയുടെ വാക്കുകൾ ഇങ്ങനെ.

Also Read:ശരത്ത് കുമാറിന് ഇന്ന് പിറന്നാൾ

കുറച്ചുപേരെ സംബന്ധിച്ച് അവർക്ക് മുന്നിലുള്ള പ്രതിസന്ധികൾ തികച്ചും സമ്മർദ്ദം നിറഞ്ഞതാണ്, ഇത് വൈകാരികമായ അടുപ്പവും ആശ്രയവുമൊക്കെ ഉണ്ടായിരുന്ന ഒരാൾ അടുത്തുണ്ടായിരുന്നെങ്കിലെന്ന് തോന്നിപ്പിക്കുന്നതായി മാറും.

നമ്മൾ സ്ത്രീകൾക്ക് ഇക്കാര്യം കുറച്ച് കൂടുതലാണ്. ചില സമയങ്ങളിൽ അത് വളരെ കൂടുതലും. നിങ്ങൾ സ്നേഹം കൊടുക്കുന്ന ഒരാളാണെങ്കിൽ, എല്ലാ ഭാഗത്തേയ്ക്കും നിരന്തരം സ്നേഹം ഭാഗിച്ച് നൽകുന്നതിലൂടെ ചില സമയങ്ങളിൽ അത് നിങ്ങളെത്തന്നെ ഒഴിഞ്ഞ കുപ്പി പോലെയാക്കും. അപ്പോഴാണ് നിങ്ങൾ നിങ്ങളെത്തന്നെ സ്നേഹിക്കേണ്ടതിൻ്റെ ആവശ്യകതയെ കുറിച്ച് ചിന്തിക്കുക.

Also Read: 'പവിത്രം', 'കമ്മട്ടിപ്പാടം' സിനിമകളുടെ തിരക്കഥാകൃത്തും നടനുമായ പി. ബാലചന്ദ്രൻ ആശുപത്രിയിൽ

സത്യത്തിൽ ഇതൊരു ചികിത്സാവ്യായാമമുറയാണ്, അതാണ് എൻ്റെ ബോധത്തെ നിലനിർത്തുന്നത്. നിങ്ങളെ തന്നെ സ്നേഹിക്കാനും അഭിനന്ദിക്കാനും നിങ്ങളുടെ ആത്മാംശവുമായി ഒരു ബന്ധം സ്ഥാപിക്കാനും ശ്രമിക്കുന്നതാണ് നിങ്ങളിൽ തന്നെ സ്നേഹം ഊട്ടിയുറപ്പിക്കുന്നതിൻ്റെ പരമമായ അടിത്തറ.

ഈ തിരിച്ചറിവ് ഞങ്ങളുടെ കുട്ടികളുമായി പങ്കിടാൻ കഴിയുകയാണ് എങ്കിൽ, അതിലൂടെ സ്വയം അംഗീകരിക്കുകയും സ്നേഹിക്കുകയും മറ്റുള്ളവർക്ക് അത് തിരികെ നൽകുകയും ചെയ്യുന്ന ജീവിതത്തിന്റെ ആത്യന്തിക വികാരമാണ് അവരിലേക്ക് പകർന്ന് നൽകുന്നത്. പൂർണിമ കുറിച്ചു.

Also Read: 'മിനിമം മോഹന്‍ലാലെങ്കിലും വേണം'; കടുവകള്‍ക്കെതിരെ യഥാര്‍ത്ഥ കുറുവച്ചന്‍

മക്കളായ പ്രാർത്ഥന, നക്ഷത്ര എന്നിവരോടൊപ്പമുള്ള ഇന്ദ്രജിത്തിൻ്റെയും പൂർണ്ണിമയുടെയും ക്യൂട്ട് ചിത്രമാണ് ആരാധകരുമായി നടി പങ്കുവെച്ചിരിക്കുന്നത്.

Also Read: 'മിനിമം മോഹന്‍ലാലെങ്കിലും വേണം'; കടുവകള്‍ക്കെതിരെ യഥാര്‍ത്ഥ കുറുവച്ചന്‍