'അവരെയിപ്പോ നെഞ്ചിലാണ് കൊണ്ടു നടക്കുന്നത്': ത്രോബാക്ക് ചിത്രത്തിൽ സംവൃതയും; നച്ചുവിൻ്റെ ആ ശീലം മാറ്റിയതിനെ കുറിച്ചും പൂർണിമ!

ചിത്രങ്ങൾ പങ്കുവെച്ചുകൊണ്ട് പൂർണിമ കുറിച്ച വാക്കുകളും ഹൃദയഹാരിയായിരുന്നു. എന്റെ കുഞ്ഞു മക്കളെ കണ്ടോളൂ. ഇപ്പോൾ അവർ കുഞ്ഞുങ്ങൾ അല്ല, ഇപ്പോൾ എന്റെ തോളിലെടുക്കുന്നതിനെക്കാൾ കൂടുതൽ അവരെ ഞാൻ എന്റെ ഹൃദയത്തിലാണ് കൊണ്ടു നടക്കുന്നത്. നിങ്ങൾ എല്ലാവരും ആവശ്യപ്പെട്ടതുപോലെ നക്ഷത്രയുടെ ചിത്രം ഇതാ എന്നായിരുന്നു പൂർണിമ കുറിച്ചത്.

പ്രിയയുടെ വിവാഹ ചടങ്ങിലെ കുറേ ചിത്രങ്ങൾ പങ്കുവച്ച പൂർണിമ തമിഴ് ശൈലിയിൽ നടന്ന വിവാഹത്തിൻ്റെ നല്ലോർമ്മ പങ്കുവെക്കുക കൂടിയായിരുന്നു. ഒപ്പം ഇന്ദ്രജിത്തിനും മക്കൾക്കുമൊപ്പമുളള കുടുംബ ചിത്രങ്ങളും പൂർണിമ പങ്കുവച്ചിരുന്നു. എന്നാൽ ചിത്രത്തിൽ ഇളയമകൾ നക്ഷത്രയെ കാണാനായിരുന്നില്ല. ഇതോടെ നക്ഷത്രയുടെ ഫൊട്ടോ ഷെയർ ചെയ്യാമോയെന്ന് നിരവധി ആരാധകർ ആരാഞ്ഞതിനെ തുടർന്നാണ് പിന്നീടും കുറെ ചിത്രങ്ങൾ താരം പങ്കുവെച്ചത്.

വായിൽ കൈയ്യിട്ട് നിൽക്കുന്ന നക്ഷത്രയുടെ ചിത്രത്തിന് താഴെ ആ ശീലം എങ്ങനെയാണ് മാറ്റിയെടുത്തത് എന്ന് ചോദിച്ച ആരാധികയ്ക്ക് പൂർണിമ മറുപടിയും പറഞ്ഞു. രണ്ടര വയസ്സുകാരിയായ നച്ചുവിനോട് ഇനി അങ്ങനെ ചെയ്യരുതെന്ന് പറയേണ്ട താമസമേയുണ്ടായിരുന്നുള്ളൂ, മകള്‍ ആ ശീലം നിര്‍ത്തിയെന്നായിരുന്നു പൂര്‍ണിമയുടെ മറുപടി.

ഈ ചിത്രങ്ങൾക്കൊപ്പം പങ്കുവെച്ച ഒരു ചിത്രത്തിൽ മലയാളികളുടെ പ്രിയങ്കരിയായ മറ്റൊരു നടിയെ കണ്ടെത്തിയ സന്തോഷത്തിലാണ് മറ്റൊരു കൂട്ടം ആരാധകരും. വിവാഹ വേളയിൽ പൃഥ്വിയും സുപ്രിയയും മല്ലികയും ഇന്ദ്രജിത്തും പ്രാർത്ഥനയുമിരിക്കുന്നതിൻ്റെ പിന്നിലായി ചിരിച്ചുകൊണ്ടിരിക്കുന്ന സംവൃതയെ ആണ് ആരാധകർ കണ്ടെത്തിയിരിക്കുന്നത്.

മകളുടെ ദുഃശീലം മാറ്റിയ രീതിയെ പറ്റിയുള്ള പൂര്‍ണിമയുടെ കമന്റ് ഇതിനോടകം തന്നെ വൈറലായി മാറിയിരിക്കുകയാണ്. ഒരാള്‍ കമന്റ് ചെയ്തിരിക്കുന്നത് അമ്മ തൻ്റെ വിരലിൽ ചെന്നിനായകം തേട്ടപ്പോഴാണ് താന്‍ ഈ ശീലം ഉപേക്ഷിച്ചതെന്നായിരുന്നു. നക്ഷത്ര ക്യൂട്ടാണല്ലോയെന്ന് ഒരാള്‍ ചൂണ്ടിക്കാട്ടിയപ്പോൾ പൂര്‍ണിമ അത് ശരിവെക്കുകയും ചെയ്തു