പ്രണവിൻ്റെ 'ആദി'യിലെ പ്രകടനത്തെ വാഴ്ത്തി ബി ഉണ്ണികൃഷ്ണൻ

പ്രണവ് വോഹൻലാലിൻ്റെ കന്നിച്ചിത്രമായ 'ആദി'യിലെ പ്രകടനത്തെ വാനോളം വാഴ്ത്തി സംവിധായകൻ ബി ഉണ്ണികൃഷ്ണൻ രംഗത്ത്. തന്‍റെ ഫേസ്ബുക്കിലൂടെയാണ് ഉണ്ണികൃഷ്ണൻ പ്രണവിനെ പ്രശംസിച്ചിരിക്കുന്നത്. അപ്പുവിന്‍റെ പ്രവേശനം വൻ കോളിളക്കമാണ് സൃഷ്ടിച്ചിരിക്കുന്നതെന്നും ഇവിടെ നില നിന്ന് ഇതു തുടരണമെന്നും ഉണ്ണികൃഷ്ണൻ കുറിച്ചു.

ബി ഉണ്ണികൃഷ്ണന്‍റെ ഫേസ്‍‍ബുക്ക് കുറിപ്പിന്‍റെ പൂര്‍ണ രൂപം കാണാം

ഒരു കോളിളക്കം സൃഷ്ടിച്ചുകൊണ്ടാണ് അപ്പു എത്തിയിരിക്കുന്നത്! അവൻ ഇവിടെ നിലനിൽക്കാനുള്ളതാണ്!!. അമാനുഷികതകയില്ലാതെ വെള്ളിത്തിരയിൽ നിറഞ്ഞാടിയ നിന്നെ ഏറെ ഇഷ്ടമായി. ക്ലൈമാക്സിലെ വില്ലന്‍റെ തോക്കടിച്ചു കളയുന്ന വായുവിലെ ആ "തലകുത്തി മറിയൽ," "മൂന്നാം മുറ"യിലെ അലി ഇമ്രാനെ ഓർമ്മിപ്പിച്ചുവെങ്കിൽ അതിനെയാണല്ലോ നമ്മൾ പാരമ്പര്യം എന്നു പറയുന്നത്‌. ഇതുപോലെ എന്നും തുടരുക അപ്പു!!!