പ്രാര്‍ത്ഥന ഇന്ദ്രജിത്തിന്റെ കിടിലന്‍ ചിത്രങ്ങള്‍ പകര്‍ത്തിയത് ആരാധന! ക്രഡിറ്റ് ചോദിച്ച് ഗീതു മോഹന്‍ദാസ്! മറുപടി ഇങ്ങനെ!

താരപുത്രികളില്‍ പ്രധാനികളിലൊരാളായ പ്രാര്‍ത്ഥന ഇന്ദ്രജിത്ത് സോഷ്യല്‍ മീഡിയയില്‍ സജീവമാണ്. പുതിയ ചിത്രങ്ങളും വിശേഷങ്ങളുമൊക്കെ താരപുത്രി പങ്കുവെക്കാറുണ്ട്. പാട്ടിലാണ് പാത്തുവിന് താല്‍പര്യമെന്ന് വ്യക്തമാക്കി നേരത്തെ പൂര്‍ണിമയും ഇന്ദ്രജിത്തും എത്തിയിരുന്നു. മഞ്ജു വാര്യരും ഇന്ദ്രജിത്തും നായികാ നായകന്‍മാരായെത്തിയ മോഹന്‍ലാല്‍ എന്ന ചിത്രത്തില്‍ ലാലേട്ടാ എന്ന ടൈറ്റില്‍ ഗാനം ആലപിച്ചതും പ്രാര്‍ത്ഥനയായിരുന്നു. അച്ഛനും മകളും ഒരുമിച്ച് പാട്ടുപാടിയും ഇടയ്ക്ക് എത്താറുണ്ട്. അടുത്തിടെ ഇവര്‍ കുടുംബസമേതം വിദേശയാത്ര നടത്തിയിരുന്നു. യാത്രാവിശേഷങ്ങളുമായി എല്ലാവരും എത്തിയിരുന്നു.

Also Read: അന്ന് സേവ് ദി ഡേറ്റ് വൈറലായി; ദിലീപും കാവ്യയും എത്തിയതോടെ വിവാഹവും വൈറൽ

ചുരുങ്ങിയ സമയം കൊണ്ടാണ് പ്രാര്‍ത്ഥനയുടെ പോസ്റ്റുകള്‍ ശ്രദ്ധ നേടുന്നത്. മനോഹരമായ ചിത്രങ്ങള്‍ പങ്കുവെച്ചായിരുന്നു കഴിഞ്ഞ ദിവസം പാത്തൂട്ടി എത്തിയത്. അമ്മയെപ്പോലെ തന്നെ ഫാഷനില്‍ പരീക്ഷണങ്ങള്‍ നടത്തിയും പ്രാര്‍ത്ഥന എത്താറുണ്ട്. നിമിഷനേരം കൊണ്ട് തന്നെ പുതിയ ഫോട്ടോയും വൈറലായി മാറിയിരുന്നു. ഇതിന് പിന്നാലെയായാണ് ചിത്രം പകര്‍ത്തിയതിന് ക്രഡിറ്റ് വേണെമന്നാവശ്യപ്പെട്ട് ഗീതു മോഹന്‍ദാസ് എത്തിയത്. ഗീതുവും പൂര്‍ണിമയും മാത്രമല്ല ഇവരുടെ മക്കളും അടുത്ത സുഹൃത്തുക്കളാണ്. പൂര്‍ണിമയുടെ കുടുംബത്തിലെ ആഘോഷങ്ങളിലെല്ലാം ഗീതുവും മകള്‍ ആരാധനയെന്ന ആരുവും ഉണ്ടാവാറുണ്ട്.

Also Read: 'ലിറ്റിൽ പ്രിൻസിന് പിറന്നാള്‍ ആശംസകള്‍'; മകന്‍റെ ജന്മദിനം ആഘോഷമാക്കി ദിവ്യ ഉണ്ണി

ഫോട്ടോയ്ക്ക് ക്രഡിറ്റ് വേണമെന്ന് ആരു പറഞ്ഞുവെന്ന കമന്റുമായാണ് ഗീതു മോഹന്‍ദാസ് എത്തിയത്. അവള്‍ ഇന്‍സ്റ്റഗ്രാമില്‍ ഉണ്ടായിരുന്നുവെങ്കില്‍ ഞാന്‍ ക്രഡിറ്റ് നല്‍കിയേനെ, പക്ഷേ അവള്‍ ഇല്ലല്ലോയെന്നായിരുന്നു പ്രാര്‍ത്ഥനയുടെ മറുപടി. ഇവരുടെ കമന്റും മറുപടിയും അതിനകം തന്നെ വൈറലായി മാറിക്കഴിഞ്ഞിട്ടുണ്ട്. പിറന്നാള്‍ ദിനത്തില്‍ ആരുവിന് സ്‌നേഹാശംസ നേര്‍ന്ന് പ്രാര്‍ത്ഥന എത്തിയിരുന്നു. നച്ചു ചേച്ചിയേക്കാളും നിനക്ക് കൂടുതലിഷ്ടം തന്നോടാണെന്ന് അറിയാമായിരുന്നുവെന്നായിരുന്നു പ്രാര്‍ത്ഥന അന്ന് കുറിച്ചത്. മനോഹരമായ ചിത്രങ്ങളും പോസ്റ്റ് ചെയ്തിരുന്നു.



Also Read: ഇതാ ഇതുവരെ കാണാത്ത ഗെറ്റപ്പിൽ ആരാധകർക്ക് മുന്നിൽ ഡിക്യൂ, ചിത്രം ഏറ്റെടുത്ത് ആരാധകരും!

സൗഹൃദത്തിന് വളരെയധികം പ്രാധാന്യം നല്‍കുന്നവരാണ് ഇന്ദ്രജിത്തും പൂര്‍ണിമയും. മക്കളും അതേ ശൈലി തന്നെയാണ് പിന്തുടരുന്നത്. സുഹൃത്തുക്കളുടെ സന്തോഷം പങ്കുവെച്ചും പ്രാര്‍ത്ഥന എത്താറുണ്ട്. കുടുംബത്തിലെ കുഞ്ഞതിഥിയായ വര്‍ധാന്റെ പിറന്നാള്‍ ദിനത്തില്‍ ഇവര്‍ക്കൊപ്പം ആരാധനയും സജീവമായുണ്ടായിരുന്നു. ചേച്ചിമാര്‍ക്കൊപ്പം ചിരിച്ചുല്ലസിക്കുന്ന വര്‍ധാന്റെ ചിത്രങ്ങളും വീഡിയോയുമൊക്കെ സോഷ്യല്‍ മീഡിയയിലൂടെ വൈറലായി മാറിയിരുന്നു.