മകളെക്കുറിച്ച്
മകള്‍ വന്നതോടെയാണ് തനിക്ക് ദേഷ്യം കുറഞ്ഞതെന്ന് പൃഥ്വിരാജ് പറഞ്ഞിരുന്നു. റിമോട്ടിന്റെ കാര്യത്തില്‍ പോലും വഴക്കിടാറുണ്ടായിരുന്നു. മകള്‍ വന്നതോടെ ആ സ്വഭാവം മാറി. അവളോട് അങ്ങനെയൊന്നും പറയാനാവില്ലല്ലോയെന്നും പൃഥ്വിരാജ് ചോദിച്ചിരുന്നു. സുപ്രിയ വന്നതോടെയാണ് പൃഥ്വിയുടെ ജീവിതത്തിനൊരു അടുക്കും ചിട്ടയും വന്നതെന്ന് മല്ലിക സുകുമാരന്‍ പറഞ്ഞിരുന്നു. ചേരുന്ന ആള്‍ തന്നെയാണ് ഇളയമകനും കൂട്ടായെത്തിയതെന്നും അവര്‍ പറഞ്ഞിരുന്നു. രാജുവിന്റെ ശ്രദ്ധക്കുറവും ചൂടന്‍ സ്വഭാവവുമെല്ലാം വേണ്ടവിധത്തില്‍ കൈകാര്യം ചെയ്യാന്‍ സുപ്രിയയ്ക്ക് കഴിയുന്നുണ്ടെന്നും മല്ലിക സുകുമാരന്‍ പറഞ്ഞിരുന്നു.
മകളുടെ പരാതി
പൃഥ്വി വീട്ടില്‍ നിന്നിറങ്ങിയാല്‍ എപ്പോഴാണ് ഡാഡ തിരികെ വരുന്നതെന്നാണ് മകള്‍ ചോദിക്കാറുള്ളതെന്നാണ് സുപ്രിയ പറഞ്ഞത്. ലോക് ഡൗണ്‍ സമയത്ത് പൃഥ്വി വിദേശത്തായിരുന്നു. മകളുടെ ചോദ്യങ്ങള്‍ക്ക് മറുപടി കൊടുക്കാനായി ബുദ്ധിമുട്ടിയിരുന്നുവെന്നും താരപത്‌നി പറഞ്ഞിരുന്നു. എഴുത്തും വായനയും ചിത്രംവരയുമൊക്കെയായി അലംകൃതയുടെ അവധിക്കാലം സുപ്രിയ കൃത്യമായി മാനേജ് ചെയ്തിരുന്നു. അമ്മയെപ്പോലെ തന്നെ മകളും മാധ്യമപ്രവര്‍ത്തകയായേക്കുമെന്നായിരുന്നു ആരാധകരുടെ വിലയിരുത്തല്‍. മകളുടെ കവിതകളെല്ലാം ചേര്‍ത്തുവെച്ച് സുപ്രിയ പുസ്തകം പബ്ലിഷ് ചെയ്തിരുന്നു.
ആണ്‍കുട്ടിയാണെന്ന് പറഞ്ഞു
സുപ്രിയ ഗര്‍ഭിണിയായിരുന്ന സമയത്ത് ജനിക്കുന്നത് ആണ്‍കുഞ്ഞായിരിക്കുമെന്നായിരുന്നു എല്ലാവരും പറഞ്ഞത്. എന്നാല്‍ പെണ്‍കുഞ്ഞ് ജനിക്കണമെന്നായിരുന്നു താനാഗ്രഹിച്ചതെന്ന് മുന്‍പ് പൃഥ്വിരാജ് പറഞ്ഞിരുന്നു. ചേട്ടന്റെ മക്കളെ കണ്ട് വളര്‍ന്നതിനാലാണോ എന്നറിയില്ല പെണ്‍കുഞ്ഞാവണം എന്നായിരുന്നു ആഗ്രഹിച്ചത്. എല്ലാവരും ആണ്‍കുഞ്ഞായിരിക്കും ജനിക്കുന്നതെന്ന് പറഞ്ഞപ്പോള്‍ പേരുകളും അങ്ങനെയാണ് ആലോചിച്ചത്. വലിയൊരു ലിസ്റ്റ് തന്നെയുണ്ടായിരുന്നു. പ്രതീക്ഷകളെല്ലാം തെറ്റിച്ച് മകളായിരുന്നു ഇവര്‍ക്ക് ജനിച്ചത്.
പേരിന് പിന്നില്‍
അലംകൃത എന്ന പേര് സെലക്റ്റ് ചെയ്തത് പൃഥ്വിരാജാണ്. അലങ്കരിക്കപ്പെട്ടവള്‍ എന്നാണ് പേരിന്റെ അര്‍ത്ഥം. സെന്‍സ് എന്നൊരു അര്‍ത്ഥവുമുണ്ട്. അറിയിച്ചതിലും നേരത്തെയായാണ് അവളെത്തിയത്. സുപ്രിയയുടെ പ്രസവത്തിന് മുന്നോടിയായി ഷൂട്ടിംഗ് തിരക്കുകളെല്ലാം മാറ്റി വെച്ച് പൃഥ്വിയും കൂടെത്തന്നെയുണ്ടായിരുന്നു. ഡാഡയെപ്പോലെ തന്നെ ദേഷ്യക്കാരിയാണ് മകളെന്നായിരുന്നു സുപ്രിയ പറഞ്ഞത്. ദേഷ്യത്തിന്റെ കാര്യത്തില്‍ അച്ഛനും മകളും ഒരേപോലെയാണെന്നും സുപ്രിയ വ്യക്തമാക്കിയിരുന്നു.