എല്ലാം പ്ലാൻ ചെയ്താണ്!
ഹായ് അഞ്ജന ആൻഡ് വിജിൻ, സത്യത്തിൽ ഞാനും സുപ്രിയയും നാളെ വിവാഹത്തിന് എത്താൻ വേണ്ടി എല്ലാ പ്ലാനുകളും ഉണ്ടാക്കിയിരുന്നതാണ്. നിർഭാഗ്യവശാൽ കുറച്ചുദിവസങ്ങൾക്ക് മുൻപ് സുപ്രിയയുടെ അച്ഛൻ മരിച്ചുപോയി. അതുകൊണ്ടുതന്നെ എന്റെ ഷൂട്ടും മറ്റും അങ്ങോട്ടും ഇങ്ങോട്ടും ആയതുകൊണ്ടുതന്നെ എന്റെ വരവ് നടക്കില്ല, എന്നാണ് ഇപ്പോൾ സമൂഹമാധ്യമങ്ങളിൽ വൈറലാകുന്ന വീഡിയോയിൽ പൃഥ്വി പറയുന്നത്.
സുപ്രിയ അച്ഛനെക്കുറിച്ചെഴുതിയത്!
ഇക്കഴിഞ്ഞ ഞായറാഴ്ച, നവംബര്‍ 14 ന് എന്റെ ഹൃദയത്തിന്റെ ഏറ്റവും വലിയ ഭാഗങ്ങളിലൊന്ന് നഷ്ടപ്പെട്ടു. എന്റെ അച്ഛന് വിജയകുമാര്‍ മേനോന്‍ പതിമൂന്ന് മാസത്തോളം കാന്‍സറിനോട് പോരാടി മരണപ്പെട്ടു. അച്ഛനായിരുന്നു എനിക്ക് എല്ലാം. ഞാന്‍ ശ്വസിച്ച വായുവും എന്റെ ചിറകുകളുമായിരുന്നു അച്ഛന്. ഞാന്‍ ഏക മകളായിട്ടും സ്‌കൂളിലോ കോളേജിലോ ഒന്നും ഞാന്‍ തിരഞ്ഞെടുത്ത വഴികളെ അദ്ദേഹം എതിര്‍ത്തില്ല.
ഒന്നും എന്നില്‍ അടിച്ചേല്‍പ്പിച്ചില്ല
ജീവിക്കാന്‍ ഞാന്‍ തിരഞ്ഞെടുത്ത വഴികളെയോ നഗരത്തെയോ എന്തിനേറെ, ഞാന്‍ എന്റെ ജീവിത പങ്കാളിയായി കണ്ടെത്തിയ ആളിന്റെ കാര്യത്തില്‍ പോലും അച്ഛന് എതിര്‍പ്പ് ഉണ്ടായിരുന്നില്ല. അച്ഛന്റെ സംരക്ഷണ വലയം എന്റെ സ്വപ്‌നങ്ങള്‍ക്ക് ഒരിക്കലും തടയാകാതെ അദ്ദേഹം ശ്രദ്ധിച്ചു.എനിക്ക് എപ്പോഴും പിന്തുണ നല്‍കി. ഒന്നും എന്നില്‍ അടിച്ചേല്‍പ്പിച്ചില്ല എന്നും സുപ്രിയ പങ്കിട്ട പോസ്റ്റിൽ പറഞ്ഞിരുന്നു.
ഏകമകൾ
എഴുപത്തിയൊന്ന് വയസ്സായിരുന്നു മരിക്കുമ്പോൾ സുപ്രിയയുടെ അച്ഛന്റെ പ്രായം. ഏറെ നാളുകള്‍ കാന്‍സര്‍ ബാധിച്ച് ചികിത്സയിലായിരുന്നു. ഹൃദ്രോഗ ബാധയെ തുടര്‍ന്ന് ശസ്ത്രക്രിയ നടത്തി ചികിത്സയില്‍ കഴിയവെ കൊച്ചിയിലെ സ്വകാര്യ ആശുപത്രിയില്‍ ആണ് മരണം സംഭവിക്കുന്നത്. പത്മ എന്നാണ് ഭാര്യയുടെ പേര്. വിജയ കുമാര്‍ മേനോന്റെയും പത്മ മേനോന്റെയും ഏക മകളാണ് സുപ്രിയ മേനോന്‍.