എന്റെ ഒരുസിനിമ പോലും അലംകൃതയെ കാണിച്ചിട്ടില്ല! അതിനൊരു കാരണമുണ്ട്! അച്ഛന്റെ സിനിമ കണ്ട് മോൾ എന്ത് പറഞ്ഞെന്ന് ചോദിച്ചപ്പോൾ പൃഥ്വിരാജ് പറഞ്ഞത്?

എന്റെ ഒരു സിനിമയും മോള്‍ കണ്ടിട്ടില്ല. കാരണം ഞാന്‍ ചെയ്യുന്ന സിനിമകളിലെല്ലാം കുറച്ച് വയലന്‍സൊക്കെ ഉള്ളതുകൊണ്ട് ഇതുവരെ കാണിച്ചിട്ടില്ല. ആലി കണ്ടിട്ടുള്ളതെല്ലാം കുട്ടികളുടെ സിനിമയാണ്. എനിക്ക് കാണാന്‍ പറ്റുന്നൊരു സിനിമയുണ്ടാക്കണം. അതായത് കുട്ടികള്‍ക്ക് വേണ്ടിയൊരു സിനിമ ചെയ്യണമെന്നാണ് അവളിപ്പോള്‍ നിരന്തരമായി പറഞ്ഞുകൊണ്ടിരിക്കുന്നത്. കുട്ടികളുടെ സിനിമ ഇപ്പോള്‍ എന്റെ ലിസ്റ്റിലുണ്ടെന്നുമായിരുന്നു പൃഥ്വിരാജ് പറഞ്ഞത്.

എന്റെ അഭിനയം എങ്ങനെയാണ് എന്നൊന്നും അവള്‍ക്കറിയില്ല. എന്റെ സിനിമകളെക്കുറിച്ചൊന്നും അഭിപ്രായം പറഞ്ഞിട്ടില്ല. ചോദ്യങ്ങള്‍ ചോദിക്കുന്നത് ഒരിക്കലും നിര്‍ത്തരുത്. അത്രയേറെ ചോദ്യങ്ങള്‍ ചോദിക്കാറുണ്ട് അവള്‍. ഇപ്പോഴത്തെ കുട്ടികള്‍ക്കെല്ലാമുള്ളതാണെന്ന് തോന്നുന്നു. എന്റെ സുഹൃത്തുക്കളുടെ മക്കളെക്കാള്‍ കൂടുതല്‍ ചോദ്യമാണ് ഇവള്‍ക്ക്. ഒരഞ്ച് മിനുട്ട് മിണ്ടാതിരിക്കാന്‍ പറ്റുമോയെന്ന് ചില സമയത്ത് ചിന്തിച്ച് പോയിട്ടുണ്ട്. ചോദ്യങ്ങള്‍ ചോദിച്ച് കൊണ്ടേയിരിക്കുന്നയാളാണ്.

ആ പ്രായത്തിലുള്ള കുട്ടികളുടെ എനര്‍ജി അസൂയാവഹമാണ്. രാവിലെ അഞ്ചരയ്ക്ക് അവള്‍ എഴുന്നേറ്റാലാണ് അവള്‍ക്ക് 6.20ന് സ്‌കൂള്‍ ബസില്‍ പോവാനാവുന്നത്. മൂന്ന് മണിയാവുമ്പോഴാണ് അവള്‍ തിരിച്ച് വീട്ടിലെത്തുന്നത്. വീട്ടില്‍ വന്നാല്‍ ഉടനെ തന്നെ കളിക്കാന്‍ പോവണം. എന്തെങ്കിലും ഹോം വര്‍ക്കോ അങ്ങനെ എന്തേലും ചെയ്ത് കഴിഞ്ഞാല്‍ നമുക്ക് അത് കളിക്കാം, ഇത് കളിക്കാമെന്ന് പറഞ്ഞ് വരാറുണ്ട്. ഇത് ക്ഷീണിക്കുലേ എന്തൊരു എനര്‍ജിയാണ് എന്നാണ് ഞാന്‍ ചിന്തിക്കാറുള്ളത്.

നേരത്തെ എഴുന്നേല്‍ക്കുന്നയാളാണ് ഞാനും. രാവിലെ വര്‍ക്കൗട്ടൊക്കെ കഴിഞ്ഞ് ഉച്ചയാവുമ്പോഴേ ഞാന്‍ ക്ഷീണിക്കും. പിന്നെ എങ്ങനെയൊക്കെയാണ് മുന്നേറുന്നത്. അവളുടെ ഈ എനര്‍ജിയും ചോദ്യങ്ങള്‍ ചോദിക്കുന്നതും ജീവിതത്തില്‍ എപ്പോഴും നിലനില്‍ക്കട്ടെ എന്നാണ് ഞാന്‍ ആഗ്രഹിക്കുന്നത്. അവര്‍ എന്ത് ഈസിയായാണ് ഗാഡജ്റ്റുകള്‍ ഉപയോഗിക്കുന്നത് എന്ന് ഞാനോര്‍ക്കാറുണ്ട്. അവള്‍ മാത്രമല്ല അവളുടെ പ്രായത്തിലെല്ലാവരും അങ്ങനെയാണ്. ഞാന്‍ യൂട്യൂബ് കിഡ്‌സിലാണ് സൈന്‍ ഇന്‍ ചെയ്തത് എന്നൊക്കെ പറയാറുണ്ട്.