ഇങ്ങനെയൊരു ചിത്രം ആഗ്രഹിച്ചിരുന്നു; സഫലീകരിച്ചതിന് നന്ദി പറഞ്ഞ് പൃഥ്വി

മലയാളി സിനിമാപ്രേമികളുടെ പ്രിയപ്പെട്ട താരകുടുംബങ്ങളിൽ ഒന്നാണ് സുകുമാരൻ്റേത്. പൃഥ്വിരാജും ഭാര്യ സുപ്രിയയും മകൾ അല്ലിയും ഇന്ദ്രജിത്തും പൂർണ്ണിമയും പ്രാർത്ഥനയും നക്ഷത്രയും അമ്മ മല്ലിക സുകുമാരനുമൊക്കെ സോഷ്യൽ മീഡിയയിൽ നിറഞ്ഞു നിൽക്കുന്ന വ്യക്തിത്വങ്ങളാണ്. എല്ലാവരും പരസ്പരം സ്നേഹ ബഹുമാനത്തോടെ കഴിയുന്നത് ആരാധകർ വലിയ ആരാധനയോടെ നോക്കി കാണാറുമുണ്ട്. ഇന്ദ്രജിത്തും പൃഥ്വിരാജും ഇടയ്ക്കിടെ കൂടിക്കാഴ്ച നടത്താറുണ്ട്, അതിൻ്റെ ചിത്രങ്ങളൊക്കെ ആരാധകർ ഇരുകൈയ്യും നീട്ടി ഏറ്റെടുക്കാറുമുണ്ട്.

Also Read: 'വാസു അണ്ണൻ ട്രോൾസ്': മന്യയുടെ പ്രതികരണത്തെ വിമർശിച്ച് നടി രേവതി!

ഇപ്പോൾ പൃഥ്വിരാജ് പങ്കുവെച്ചിരിക്കുന്ന ഒരു ഫാൻ മെയ്ഡ് പോസ്റ്ററാണ് ഏറെ ശ്രദ്ധ ആകർഷിക്കുന്നത്. സുകുമാരൻ്റെയൊപ്പം ബാക്കി എല്ലാ കുടുംബാംഗങ്ങളും ഒന്നിച്ചിരിക്കുന്ന ഫാൻ മെയ്ഡ് പോസ്റ്റർ പൃഥ്വിയുടെയും ആരാധകരുടെയും ഹൃദയം കവരുന്നതാണ്. പൃഥ്വിരാജും ഭാര്യ സുപ്രിയയും മകൾ അല്ലിയും മൂത്ത ജ്യേഷ്ഠനായ ഇന്ദ്രജിത്തും ഭാര്യയും നടിയുമായ പൂർണ്ണിമയും മക്കളായ പ്രാർത്ഥനയും നക്ഷത്രയും അമ്മ മല്ലിക സുകുമാരനും ഒന്നിച്ച് നിൽക്കുന്ന ഫാൻ മെയ്ഡ് പോസ്റ്റർ പങ്കുവെച്ചുകൊണ്ട് പൃഥ്വി കുറിച്ചിരിക്കുന്നത് ഇങ്ങനെയൊരു ചിത്രം ആഗ്രഹിച്ചിരുന്നുവെന്നും ഇങ്ങനെ സഫലീകരിച്ചതിന് നന്ദിയെന്നുമാണ്.

Also Read: എന്‍റെ ഭര്‍ത്താവ് വികാസാണ്; വാസു അണ്ണനെ സൂക്ഷിക്കുക! ട്രോളുകള്‍ക്ക് മന്യയുടെ മറുപടി

മുസു എന്ന ആർട്ടിസ്റ്റാണ് പല ചിത്രങ്ങളിൽ നിന്നായി അടർത്തിയെടുത്ത ചിത്രങ്ങൾ ഒന്നിച്ച് ചേർത്ത് സുന്ദരമായ ഒരു ചിത്രം ഒരുക്കിയിരിക്കുന്നത്. ചിത്രത്തിന് കമൻ്റുകളുമായി പൃഥ്വിരാജിൻ്റെ ആരാധകരും രംഗത്തെത്തിയിട്ടുണ്ട്. എല്ലാവർക്കും ആശംസകൾ നേരുന്ന ആരാധകർ താരത്തിന് കുടുംബത്തോടുള്ള അടുപ്പത്തിൻ്റെ കാര്യവും പറയുന്നുണ്ട്. ഈ ചിത്രമൊരുക്കിയ കലാകാരൻ വലിയ ആശംസ അർഹിക്കുന്നതാണെന്നും ആരാധകർ പറയുന്നുണ്ട്.