സിനിമയില്‍ സ്ത്രീ വിരുദ്ധ പരാമര്‍ശങ്ങള്‍ വേണ്ടെന്ന് താന്‍ പറഞ്ഞിട്ടില്ല പൃഥ്വിരാജ്

സിനിമകളില്‍ സ്ത്രീ വിരുദ്ധ പരാമര്‍ശങ്ങള്‍ ഒഴിവാക്കണമെന്നല്ല താൻ പറഞ്ഞതെന്ന് നടന്‍ പൃഥ്വിരാജ്. സിനിമയില്‍ സ്ത്രീ വിരുദ്ധത ആഘോഷിക്കപ്പെടുന്നുണ്ട്. അതിലാണ് തനിക്ക് എതിര്‍പ്പെന്ന് അദ്ദേഹം അറിയിച്ചു. ദുബായ്‍‍യില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു പൃഥ്വിരാജ്. കഴിഞ്ഞ മാസം സഹപ്രവര്‍ത്തക അതിക്രമത്തിന് ഇരയായ സംഭവത്തിന്‍റെ പശ്ചാത്തലത്തില്‍ താന്‍ ഇനി സ്ത്രീ വിരുദ്ധ സിനിമകളുടെ ഭാഗമാകില്ലെന്ന് താരം വെളിപ്പെടുത്തിയിരുന്നു.

'ജീവിതത്തിന്‍റെ ചില ഘട്ടങ്ങളില്‍ ഞാന്‍ അപക്വമായി പെരുമാറിയിട്ടുണ്ട്. ബുദ്ധി ഉറക്കും മുന്‍പ് ഞാന്‍ ചെയ്ത പുരുഷ മേല്‍ക്കോയ്‍‍മ ആഘോഷമാക്കിയ കഥാപാത്രങ്ങളുള്ള സിനിമകള്‍ക്ക്, അതില്‍ സ്ത്രീകളുടെ മാനം ഇടിക്കുന്ന വിധത്തില്‍ പറഞ്ഞ ഡയലോഗുകള്‍ക്ക്, അതിന് ഏറ്റുവാങ്ങിയ കൈയടികള്‍ക്ക് ഞാൻ ക്ഷമ ചോദിക്കുന്നു. മേലില്‍ എന്‍റെ സിനിമകളില്‍ സ്ത്രീകളെ അപമാനിക്കില്ലെന്ന് ഉറപ്പു പറയുന്നു' താരം അന്ന് ഫേസ്ബുക്കില്‍ കുറിച്ച വാക്കുകളാണിവ.

അന്ന് താരത്തിന്‍റെ ഈ ഫേസ്ബുക്ക് കുറിപ്പ് വൻ മാധ്യമശ്രദ്ധ പിടിച്ചുപറ്റിയിരുന്നു. തീരുമാനത്തിന് ഒട്ടേറെ അഭിനന്ദനങ്ങളും ആശംസകളും താരത്തിന് സൈബര്‍ ലോകം നല്‍കിയിരുന്നു.

Prithviraj's New Statement on misogyny in Malayalam Movies

Prithviraj Sukumaran's New Statement on'his Previous Statement of misogyny in Malayalam Movies