ഇന്ദ്രനും കുടുംബത്തിനുമൊപ്പം വാഗമണ്ണിലേക്ക്! യാത്ര വീഡിയോ പങ്കുവെച്ച് നിഹാലും പ്രിയ മോഹനും

പൂര്‍ണിമയും ഇന്ദ്രജിത്തും മാത്രമല്ല സഹോദരിയായ പ്രിയ മോഹനും നിഹാലും പ്രേക്ഷകര്‍ക്ക് പരിചിതരായവരാണ്. മിനിസ്‌ക്രീനിലെ മുന്‍നിര വില്ലത്തിമാരിലൊരാളായിരുന്നു പ്രിയ മോഹന്‍. വിവാഹത്തോടെയായിരുന്നു പ്രിയ അഭിനയത്തില്‍ നിന്നും ഇടവേളയെടുത്തത്്. മുംബൈ പോലീസുള്‍പ്പടെ നിരവധി സിനിമകളില്‍ അഭിനയിച്ചിട്ടുണ്ട് നിഹാല്‍ പിള്ള. ഒരു ഹാപ്പി ഫാമിലിയിലൂടെയാണ് ഇരുവരും വിശേഷങ്ങള്‍ പങ്കുവെച്ച് എത്താറുള്ളത്. യാത്രയും ഭക്ഷണവും ആഘോഷനിമിഷങ്ങളുമെല്ലാം ഒരു ഹാപ്പി ഫാമിലിയിലിയില്‍ പോസ്റ്റ് ചെയ്യാറുണ്ട്. ലോക്ഡൗണായതോടെ എങ്ങും പോവാനാവാത്തതിന്റെ സങ്കടത്തെക്കുറിച്ച് പറഞ്ഞായിരുന്നു നേരത്തെ ഇവരെല്ലാം എത്തിയത്.

Also Read: സുചിത്ര പറഞ്ഞത് ശരി തന്നെ; ഡയറ്റ് ഫലം കണ്ടു തുടങ്ങി

ഇടവേളയ്ക്ക് ശേഷമായി കുടുംബസമേതമായി വാഗമണ്ണിലേക്ക് പോയതിനെക്കുറിച്ച് പറഞ്ഞെത്തിയിരിക്കുകയാണ് നിഹാലും പ്രിയയും. വേദുവായിരുന്നു ആദ്യം പെട്ടിയുമായെത്തിയത്. പെട്ടി എടുത്താല്‍ പുറത്തേക്ക് പോവുകയാണെന്ന് അവനറിയാമെന്നായിരുന്നു വേദു പറഞ്ഞത്. പൂര്‍ണിമ മോഹനും മക്കള്‍ക്കുമൊപ്പമായാണ് നിഹാലും പ്രിയയും യാത്ര പോയത്. നിഹാലിന്റെ സഹോദരിയുടെ വീട്ടിലാണ് എല്ലാവരും താമസിച്ചത്. മുന്‍പ് ഇങ്ങനെ യാത്ര പോവുമ്പോള്‍ പൂര്‍ണിമ ഒരുങ്ങി ഇറങ്ങാന്‍ വൈകുന്നതിനെക്കുറിച്ച് ഞാനും പ്രിയയും പറയുമായിരുന്നു.

Also Read: വാനമ്പാടിയില്‍ നിര്‍ണ്ണായകമായ വഴിത്തിരിവ്!

വേദു വന്നതിന് ശേഷമാണ് അവര്‍ വൈകുന്നതിനെക്കുറിച്ച് മനസ്സിലാക്കിയത്. മക്കളെയൊക്കെ ഒരുക്കി ഇറക്കുമ്പോള്‍ സമയമെടുക്കുമെന്ന് ഇപ്പോഴാണ് ശരിക്കും മനസ്സിലാക്കിയതെന്നും നിഹാല്‍ പറഞ്ഞിരുന്നു. തണുപ്പ് ഏറെയിഷ്ടമുള്ളയാളാണ് വേദു. പ്രിയയും സംഘവും കിടന്ന് ഉറങ്ങുന്ന സമയത്ത് വേദുവിനെയും എടുത്ത് പുറത്തിറങ്ങിയിരുന്നു നിഹാല്‍. ഇതിനിടയിലായിരുന്നു നച്ചുവും എത്തിയത്. കുടുംബസമേതമായി റിലാക്‌സ് ചെയ്യാന്‍ വന്നവരാണ് എല്ലാവരും. കുടുംബസമേതമായി രസകരമായ ഗെയിമുകളും പ്ലാന്‍ ചെയ്തിരുന്നു എല്ലാവരും. രസകരമായ വീഡിയോ ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്.