പുതിയ സിനിമയുടെ വിശേഷം...
പ്രിയ ഇന്സ്റ്റാഗ്രാം പേജിലൂടെ പുറത്ത് വിട്ട പുതിയ ചിത്രങ്ങളാണ് ആരാധകര് ഇപ്പോള് ഏറ്റെടുത്തിരിക്കുന്നത്. പുതിയ സിനിമയുടെ വിശേഷമാണ് താരം പങ്കുവെച്ചിരിക്കുന്നത്.
വിഷ്ണുവും പ്രിയയും
വിഷ്ണുവിന്റേയും പ്രിയയുടെയും മനോഹരമായ യാത്രയെ കുറിച്ചറിയാന് കാത്തിരിക്കൂ… എന്നാണ് ചിത്രത്തിന് താഴെ താരം വിവരണം എഴുതിയിരിക്കുന്നത്.
കന്നഡയിൽ അരങ്ങേറ്റം
വിഷ്ണുപ്രിയ എന്ന പ്രിയയുടെ പുതിയ കന്നഡ സിനിമയിലെ ചില രംഗങ്ങളിലുള്ള മനോഹരമായ പ്രണയ നിമിഷങ്ങളാണ് താരം പങ്കുവെച്ചിരിക്കുന്നത്.
വി.കെ.പിയോടൊപ്പം...
സംവിധായകൻ വികെ പ്രകാശ് സംവിധാനം ചെയ്യുന്ന പുതിയ സിനിമയുടെ ലൊക്കേഷനില് നിന്നുള്ളതാണ് ചിത്രങ്ങള്. വി.കെ.പി മലയാളത്തിൽ നവ്യ നായരെ നായികയാക്കി ഒരുക്കുന്ന ഒരുത്തീ എന്ന സിനിമയിലും പ്രിയ അഭിനയിക്കുന്നുണ്ടെന്നാണ് സൂചന. അടുത്തിടെ നവ്യ നായരോടൊപ്പമുള്ള പ്രിയയുടെ ചിത്രങ്ങൾ വൈറലായിരുന്നു.
നടന്ന സംഭവം
വിഷ്ണു പ്രിയ എന്ന സിനിമയുടെ പ്രമേയം 1990ൽ നടന്നൊരു യഥാർഥ സംഭവത്തെ അധികരിച്ചുള്ളതാണ്. സിന്ധു ശ്രീ എഴുതിയിരിക്കുന്നതാണ് സിനിമയുടെ തിരക്കഥ.
വൈറൽ താരം
കണ്ണിറുക്കി ഏവരുടേയും മനം കവർന്ന താരമാണ് പ്രിയ. ഒരു അഡാറ് ലവിലെ മാണിക്യ മലരായ പൂവി എന്ന ഗാനരംഗം ലോകം മുഴുവൻ വൈറലായിരുന്നു. ഗാനരംഗത്തിനിടയിലാണ് പ്രിയയുടെ വൈറൽ കണ്ണിറുക്കൽ ഉണ്ടായിരുന്നത്.
റിലീസ് മെയ് 6ന്
വിഷ്ണു പ്രിയ എന്നു പേരിട്ടിരിക്കുന്ന സിനിമ പ്രിയയുടെ അഞ്ചാമത്തെ സിനിമയാണ്. തനഹ എന്ന സിനിമയിൽ ചെറിയൊരു രംഗത്തിലൂടെ സിനിമയിലെത്തിയ താരം അതിനുശേഷം ഒരു അഡാറ് ലവ്, ശ്രീദേവി ബംഗ്ലാവ്, നീ വാനം നാൻ മഴൈ എന്നീ സിനിമകളിലാണ് അഭിനയിച്ചത്.